MARGUERITE A MAXIMILIEN

Elle compte peu sur un bon accommodement dans l'affaire de Gueldre. Siège d'Iselstein. Si les habitants d'Utrecht ne le lèvent par négociation , il faudra les y contraindre. Rupture de la paix qui se négociait en Italie. < — (Minute.)

( Vers la fin de mars. )

Mon très redoubté seigneur et père, etc. Monseigneur , je vous envoyé avec cestes unes les-

très ' quemessire Andréa deBurgo m'a nagaires escriptes touchant l'affaire de Gheldres, dont il s'excuse ne vous avoir peu avertir, me requérant vous envoyer lesdites lettres avec le double d'une lestre que le roy de France a escripte à messire Charles de Gheldres; sur quoy j'ay bien peu de bon espoir. Si vous prie, Monseigneur, bien veoir et entendre le tout pour m'avertir de vostre advis sur le tout.

Au demeurant, Monseigneur, je vousay adverty du siège d'Ilsestayn, lequel se renforce journellement ; et doubtant que la ville ne fust surprinse , ay advisë , par l'advis de vostre privé conseil , d'envoyer le conte de Nassau et l'admirai, ensemble le sieur de Thamise, vostre trésorier, celle part pour entendre de ceulx d'Utrecht qu'il ont délibéré faire et y trouver quelque voye amyable , s'il est possible , moyennant laquelle iiz lièvent ledit siège; et si ainsi ne le vueillent faire > l'on fera son devoir de le lever par force ; car de laisser ainsi surprendre et bactre les villes de l'obéissance et subgection de vous et de monseigneur mon nepveur , me semble que ce seroit grant honte et déshonneur. Monseigneur, de ce que icy ensuyvra serez averty à diligence. Monseigneur, j'entens aussi la rupture de la paix que se espéroit es Ytalles ; parquoy me semble que vous y debveriez conduyre de sorte que y puissez avoir honneur et prouffit.

Mon très redoubté seigneur et père, etc.

1 La lettre d'André de Burgo, que Marguerite envoie ici à son père7 est certainement celle qui est insérée dans les Lettres de Louis XII f II, ia5 , sous la date de Blois, 12 mars i5io.

Différend à concilier entre le fils du greffier de l'ordre et le fils de Guillaume Pinjon , au sujet de bénéfices auxquels ils prétendaient l'un et l'autre. — ( Copie certifiée. )

( Oflenbourg, le 12 avril.)

Très chière et très amée fille , nous vous avons autrefois escript affin d'apaisier le différent d'entre le filz du greffier de nostre ordre, et le filz de Guillame Pinjon ' , pour raison d'une prébende en l'église Saint- Pierre de Louvain, de donner et conférer de nostre part à celuy d'eulx qui mieulx vous plairoit et vous sembleroit le moins estre fondé à ladite prébende, l'escolasterie nagaires et depuis vacante en ladite église. Or est que entendons iceluy différent n'estre aincores vuydié et estre présentement de nouveau vacante une prébende audit Louvain, laquelle s'ainsy est que elle soit vacante ou qu'il y ait apparence d'en vaquier une; et à celle fin de faire cesser les procédures d'entre lesdites parties et les appaisier dudit différent, la donnons et conférons à iceluy filz dudit Pinjon et aprez ladite escolasterie la donnons et conférons à Pierre Morren, cousin de nostre secrétaire maistre Jehan Hannart ; dont vous advisons et requérons très acertes faire à chacun d'eulx, selon noz dons que dessus, expédier noz lettres de collation partinentes sans y faire faulte; car tel est nostre plaisir.

Donné en nostre ville de Offenbourg , le xne jour d'avril xvc x, avant Pasques. Per Regem.

1 Valet de chambre de l'Empereur.

Et dessoubz est escript de la main de l'Empereur :

Besongniés à diligence, affin que ceste matière soit bien adressée.

Donné par copie, Hannarl.