MARGUERITE A MAXIMILIEN

Marguerite n'est point d'avis de donner passage à l'ambassade du seigneur de Chillon que le roi de France envoie vers les rebelles de Gueldre. Situation et progrès de l'armée impériale dans le pays de Gueldre. Demande à faire aux ducs de Juliers et de Clèves. Besoin de poudre. — {Minute.)

(Août.)

Mon très redoubté seigneur et père.

Monseigneur, actendant les lettres du roy de France adressées aux villes rebelles de Gheldres, telles que vous avois escript avoir solicité devers luy, avant que permectiez l'allée de sieur de Chillon , son ambassadeur, devers messire Charles de Gheldres, me sont survenues lettres1 dudit seigneur roy conformes à celles qu'il a autreffois escriptes et a sondit ambassadeur avec

1 Cette lettre de Louis XII à Marguerite est datée de Valence, i5 juillet i5ii. Voyez Lettres de Louis XII, II, 287-289 .

tant seulement deux lettres de crédence par lui adressées aux villes d'Arduic (Hardewick) et de Bommel.

Parquoy , Monseigneur, considérant la tardité desdites lettres et le petit effect qu'en estoit apparant ensuivir, et à Topposite les inconvéniens que de sadite allée nous fussent et estoient apparans venir, mesmement le découraigement de noz gens d'armes qui sont en train de faire trop meilleur et plus prouffitable exploit que de recouvrer lesdites deux villes , ay , avec le seigneur de Berghes , esté d'opinion de retarder ledit ambassadeur son allée en Gheldres; et me devisant avec ledit ambassadeur et luy déclarant mon advis premièrement, pour austant que l'ay trouvé homme de bien, luy ay fait congnoistre que j'estoie bien meuhe le renvoyer. Néantmoins, oultre ce, afifîn que ledit seigneur roy n'eut cause s'en mescontenter, encoires luy ai-je consenti que s'il vouloit aller en Gheldres qu'il y pourroit aller, mais pour la restitution tant seulement desdites deux villes, ne feroie retirer nostre armée; ce que toutesvoyes il n'a voulu accepter, ayns a esté tout contant de s'en retorner. Surquoy, et pour de mieulx entretenir la bonne amytié qu'avons avec ledit seigneur roy de France, ay advisé de luy escripre par ledit ambassadeur aucunes bonnes lettres dont je vous anvoye la coppie cy encloses, à ce, Monseigneur, que véez et entendez bien le tout, et que, se d'aventure ledit seigneur roy le prenoit aultrement que bien, ce que je ne crois, luy en puissez de mieulx respondre.

Au surplus , Monseigneur, nostre armée est maintenant à Arsen, entre Vanello et Gheldres; et si tost qu'elle aura provision de vivres dont ilz ont grande disette et aultres choses servantes à leur affaire , dont

je faiz icy faire les poursuytes, ilz iront assiéger Vanello ou Ruremonde, et ne faiz à ce difficulté, comme suis advertye par aucuns, qu'ilz ne l'emportent et moyennant ce, pourrons réduire, au bon plésir de Dieu, ledit cartier de Gheldres à nostre obéissance, qui sera l'un des grans biens qu'on sçauroit faire pour les pays de par deçà.

D'aultre , je faiz faire à l'entour de Bommel deux blocus par iesquelz la ryvière de Bosleduc sera gardée de ce cous té là.

Et pendant que cecy se conduyra et exploitera , si voz affères le peuvent porter, pourrez mieux exploiter le surplus; ce que désirerois bien, pourveu qu'il fust à nostre honneur et prouffit, et de la sorte que entendrés bien brief par maistre Loys Maraton.

Monseigneur, j'ay receu les lettres qu'il vous a pieu escripre de vme d'aoust, et vous dois responce de leur contenu et de voz bonnes nouvelles, et ensuyvant le contenu d'icelles ay envoyé devers le chancellier de Brabant estant à Bruxelles à ce qu'il m'envoya incontinent les et instructions à voz députez devers les

seigneurs de Clèves et de Julliers, et s'il povoit, faire que puissions avoir, fust desdits de Julliers ou de ceulx

de ColJogne caisson de pouldre, elle vous vien-

droit bien à propoz , car l'on n'en peult recovrer par deçà pour argent. Toutesfoiz je y ferai telle diligence que, si je puis, il n'y en aura faute.

416 LETTRES DE MAXÏMÏLIEN