MARGUERITE A MAXIMILIEN

Levée du siège d'Isselstein. La garnison de Thielt a repoussé une tentative des Gueldrois. Importance de ne pas disjoindre l'armée. Somme de vingt mille florins délivrée à la troupe. —

{Minute.)

(Août ou juillet.)

Mon très redoubté seigneur et père.

Monseigneur, j'ay eu à ce seoir nouvelles de la levée du siège d'Ilsesteyn l qui a esté faicte en la fourme et manière que verrez par les lettres cy enclouses que à ceste cause vous envoyé.

Monseigneur, il me semble que noz gens ont eu en

ce très bonne adventure, et que se Dieu nous a

ung cousté, qu'il nous a aydé de l'autre et fera encore mieulx sy luy plait.

Et d'avantaige , Monseigneur, venant n'agaires aucun bon nombre de piétons gheldrois pour entrer à Bommel a et surprendre Thielt % ilz ont par la garnison de ladite ville de Thielt, que monseigneur dllsesteyn avait raffermée, esté rué jus que a esté très bonne adventure pour nous. Dieu doint que en icelle puissions continuer.

En ce , Monseigneur, affin de contrarier les pratiques de noz ennemis, il a semblé à moyet à ceulx de vostre conseil estans lez moi , que pour ung peu de despens l'on ne deveroit sufïrir que nostre armée se desjoindistsans faire quelque bon exploit ou dumoings qu'on ne sceust l'intencion de nosdits ennemis; car

1 Ysselstein, petite ville de Hollande, sur PYssel, à deux lieues sud-ouest d'Utrecht.

* Villes fortes de la Gueldre, sur le Wahal.

ET DE MARGUERITE SA FILLE. — 1511. 417 s'il entendoient la séparation de noz gens, pendant qu'ilz sont eschaufïes, quelque grief .et inconvénient bien grant se pourroit facilement exécuter sur nous.

Et à cause que ladite armée ne se peult entretenir sans paiement, j'ay avec ceux de vos finances estans devers moy, advisé de leur furnir la somme de xxm florins pour les entretenir ung mois ; et ce pendant j'aurey novelles de Gheldres et aussi de vostre intention ; et peult estre que ceulx de Thielt, durant ce temps, se ennuyront; et pour furnir ledit argent a esté de nécessité....... toutes assignacions bailliées sur ce terme de

la Saint Jehan, lesquelles se continueront à terme de Noël en suivant dont, Monseigneur, je vous averty....

L'Empereur mande à sa fille et aux gens de ses finances qu'ils aient à payer à Christophe Stachthuis ce qui peut lui être dû. 11 désire en outre que ledit Christophe soit admis parmi les hallebardiers ou les archers de l'archiduc Charles. — (Original.)

(Brixen, le 12 septembre.) DE PAR L'EMPEREUR.

Très chière et très amée fille, et très chiers et féaulx, de la part de Christoffle Stacthuys a nous esté poursuy de lui faire payer certaine somme de deniers qu'il dit lui estre deue pour chose concernante noz affaires de par delà, que comme il dit, fera deuement apparoir. A celle cause, et que désirons qu'il en soit contenté, nous l'envoyons présentement devers vous et vous requérons et ordonnons à vous de noz finances que, de ce que ledit Cristofïle fera deuement apparoir lui estre deu i. 27

à la cause dite, vous le faictes payer ou contenter de sorte qu'il n'ait cause de en faire plus de poursuyte devers vous.

Et d'autre part, pour ce qu'il nous a adez bien et longuement servy , nous désirons aussi que lui ordonnez quelque entretenement par delà vers nostre filz , l'archiduc Charles , soit d'estat d'albardier ou archier de nostredit filz et autrement, comme trouverez estre à ce propice ; et que de ce vous lui despeschez noz lettres à ce requises; car ainsi nous plaist-il.

Donné en nostre cité de Brixen , le xne jour de septembre, l'an xvc et onze. Per Regem. — Plus bas, Renner.

L'Empereur, mécontent des mauvais services que lui rendent les Français et les Aragonais, va se rendre en personne à l'armée et presser les opérations. Prise de deux villes par l'armée impériale. — (Autographe.)

( Le 17 septembre.)

Ma bonne fylle, nous avons despesché maistre Loys, nostre secrétaere, à vostre contentement cumme espéruns, et aussy il vous dira de nous novelles et de nostre guerr bien largement. Les Franchoes et les Arrogoneses nous font des mavèses services en ceste guerr contre les Vénéciens; et selà a esté la cause, et aussi vostre conseil , que nous ne sommus en person entré au champs ; mes nous alons mestenant pour gueingner le Bass-Codobre (Cadore) en person au champs avec ung novel armé et mesnuns hastivement sur le grand armé de Franchoes et de nostres les tans pendant

ET DE MARGUERITE SA FILLE. — 1511. 419 mestre la siège davant Eunian (?) et Tervy, cumme le susdit messer Loys vous avertira. Si nous sumus bien joyeulx que vostre guerr de Geldres est en bon train, et prions Diu qu'il veult ceste bon fortun continuer et vous tousjours avoer en bonne prospérité ; et pour ce que doubtons que Guillaume Fuerlet Dehambi e n'est à présent devers vous, nous vous donnons mesmes la respons sur sa lestres par ung altre lestres avec cestes. Escript de la main, ce xvne jour de setembre, Tan xi. Vostre bon père Maxi.

P. S. Après cestes lestres escriptes , nostre armé a prins Eunian (?), belle et grande ville, et Brandscate, pour xvm ducas , ne point forte ne tenable ; ilz saront prenre ancor des aultres petites villes, etc.

L'Empereur adresse à sa fille Vincent Hammerer, en la priant de lui procurer un emploi.

(Lients, le 30 septembre.)

Très chière et très amée fille, pour ce que nostre bien amé serviteur et pensionnaire , Vincent Hammerer, natif de Suyehes , nous a adez bien et loyaulment servy , et que à présent nous ne nous servons point de Suyehes dont luy puissons bailler charge et conduicte, nous l'envoyons par delà et vous requérons que lui faictes avoir quelque charge et entretenement, soit comme capitaine, à quoy l'avons tousjours trouvé ydoine, ou autrement, comment adviserez ; car si vous avez besoingde Suyehes ou autres piétons, il est homme pour vous en trouver assez et pour loyaulment exécuter

sa charge; parquoy nous le vous recommandons. A tant, très chière et très amée fille, nostre Seigneur soit garde de vous.

Donné en nostre ville de Lients, le xxxe jour de septembre, l'an mil vc xi. Peç Regem. — Plus bas, Renner.