DE PAR LE ROY

Très chière et très amée fille , pour certaines causes et considérations à ce nous mouvans , avons continué et de nouveau octroyé et accordé à révérend père en Dieu, nos chiers et féaulx, sire Mathieu Laing, évèque de Gurce; Paule Lichtenstain , chevalier de nostre ordre, et Cyprian de Seurtemer, nostre chancellier de Thirol, et à chacun d'eulx, la pension de quatorze cens livres, du pris de quarante gros de nostre monnoye de Flandres la livre, par an, qu'ils et chacun d'eulx avoient de feu nostre très chier et très amé fils, le roy de Castille, vostre frère, cui Dieu absoille, à commencier

ladite pension dès le premier jour de novembre quinze cens et six prochain suivant, après le trespas de feu nostredit fils. Et en outre pour ce que à cause d'icelle pension leur estoit et est encore deu le payement d'une demye année auparavant, montant pour chacun d'eulx à sept cens desdites livres, nous avons aussy ordonné, ordonnons et voulons qu'ils soient payez desdites sept cens livres, selon et ainsi que verrez plus à plain par les lettres que leur en avons fait despéchier et enregistrer par deçà, et les avons signé de nostre main; mais pour l'absence de notre audiencier secrétaire signant en finances, estant par delà , ne les avons fait signer de secrétaire ne aussy sceller, ains les vous envoions avec ceste, vous ordonnant et mandant bien expressément et acertes que lesdites lettres vous faictes signer par nostredit audiencier, après les faictes sceller, vérifïier et intériner par les chiefs gouverneur et trésorier général de nos domaines et finances par delà, selon et ainsy qu'il appartiendra, de sorte et manière qu'il n'ait faulte au contenu et estât d'icelles en quelque façon que soit, et le tout ainsy faict et despéchié, nous renvoyez icelles lettres par la poste, sans y faire faulte, car nostre plaisir est tel. Très chière et très amée fille, nostre Seigneur soit garde de vous.

Donné en nostre cité de Meinminghen, le xxvine jour de décembre, l'an xvc et vu. Per Regem, ad mandat um Domini Cœsaris proprium*

Alliance avec l'Angleterre; dispositions pour commencer les hostilités. Aide à demander aux Etats. Présomption des Français et des Vénitiens. Mort imminente d'un conseiller de Hollande. Office du greffe des finances retiré au secrétaire Marnix pour en gratifier Maximilien Quarré, filleul de l'Empereur. — {Original.)

(Franckenstein, le 31 décembre.)

Très chière et très amée fille. Nous avons receu vos lettres du xxe de ce mois escriptes de vostre main et autres de vostre secrétaire , aussy ouy ce que vostre président nous a dit de bouche de vostre part et veu les advertissemens quil nous a monstre tant escrips de vostre main que d'autres.

Et au regard desdits advertissemens escrips de vostre main , nous avions desja proposé la plupart de ce que nous avez advisé et avons conceu certaines instructions secrètes par lesquelles entendrez bientost nostre voulenté de ce qu'entendons faire et aurez ung bon chief , aussy la conclusion de l'aliance d'Angleterre et semblablement bientost nouvelles que nous aurons commencé la guerre ; car nous nous en allons maintenant mettre aux champs pour entrer en pays et avons donné ordre pour secourir les pays d'embas, se le cas le requiert et toutes choses si bien disposé que espérons en avoir bonne yssue.

Entant que touche l'assemblée des estats de nos pays de par delà, nous sommes d'advis que, pour mieulx induire les Flamends à donner aide et affin que les autres les ensuivent , vous faites assembler lesdits estats en nostre ville de Gand et illec leur faites exposer les

ET DE MARGUERITE SA FILLE. — 1507. 3l

matières bien au long et aussy dire les remonstrances nécessaires ausquels envoyons de bonnes lettres, comme verrez par la copie d'ycelles que vous envoyons aussi avec cestes.

Les François et Vénissiens, nos communs ennemis, se renomment estre puissans de quarante mille combatans, tant ungs que autres, et se vantent aussy que à la première entrée que ferons deans les Itales, ils nous viendront combattre et baillé la bataille dont nous espérons bien, Dieu en ayde, et a nostre bonne querelle, de nous def Fendre.

Touchant ce que nous escripvez du conseiller de Hollande qui est en doubte de mort, nous sommes contens que, le cas advenant, vous en pourvéez celluy pour qui vous en avez escript.

De ce que nous remerciez des offices du grefFe de nos finances de par delà, et de secrétaire ordinaire qu'avons donné à vostre secrétaire Marnix, nous l'avions fait de bon cueur; car nous avons tous ceulx qui vous servent bien pour recommandez , et à celle cause fait mettre nostredit don deans les instructions de messire Sigismond Pliloucg, et de vostredit président, ainsy que verrez; mais pour ce que nous avez encoires depuis escript de vouloir confermer la résignation qui avoit esté faite à nostre filleul, Maximilien Quarré, duclit office qui pour ce est venu devers nous, devant que ayons receu vosdites lettres de merciement et aussi que en avons esté très instamment requis, nous luy avons fait despescher nosdites lettres de confirmation dont vous advertissons, affin de contenter les parties au mieulx que pourrez. Et quant quelque autre office vaquera en nos pays de par delà bone pour vostredit secrétaire ,

32 LETTRES DE MAXIMILIEJN

nous l'aurons en icelluy avant tous autres pour recommandé. A tant, très chière et très amée fille, nostre Seigneur soit garde de vous.

Donné en nostre chasteau de Fragestain, le dernier jour de décembre, l'an mil vc et vu. Vostre bon père Maxi.

Il informe sa fille qu'il a conféré l'office de pelletier et fourreur aux honneurs de l'archiduc Charles, à Ghisbrecht Van den Dyck. — ( Original. )

( Franckenstein , le 31 décembre )

Très chière et très amée fille, de la part d'un nommé Ghysbrecht Van den Dyck, demeurant en nostre ville de Malines, peletier et fourreur aux honneurs de nostre très chier et très amé filz, l'archiduc Charles, nous avons esté requis luy vouloir donner et accorder l'office et estât de peletier et fourreur ordinaire compté par les escroes de nostredit filz à demi an que feu Guillaume de Warenghien souloit avoir. Et pour ce que sommes advertis ledit Ghysbrecht estre homme à ce ydoine et souffisant, et que aucuns de noz féaulx le nous ont fort recommandé, nous luy avons donné et accordé icellui estât et office de fourreur ordinaire vacant par le moyen dessusdit, en cas que vous n'y aiez encoires pourveu d'un autre. Et voulons et vous requérons que en ce cas vous luy en faictes despechier par delà telles nos lettres que besoin g lui sera.

A tant, très chière et très amée fille, nostre Seigneur soit garde de vous.

Escript en nostre château de Fragenstain, le derreïiier jour de décembre, l'an xvc et vu. Per Regem. — ï*lus bas , Botechou.

Elle mande à l'Empereur qu'elle a conféré, sauf son bon plaisir, a Louis Maroton, une prébende vacante dans l'église de Namur. — . {Minute.)

( Bruxelles , de'cembre. )

Mon très redoubté seigneur et père, très humblement à vostre bonne grâce me recommande.

Monseigneur, hier au seoir maistre Loys Maraton , serviteur de monsieur de Berghes, lequel puis nagaires est revenu devers vous, vint à moy et m'avertit d'une prébende et chanoynie vacquant en l'église de Namur par le décès d'ung dernier possesseur d'icelle illecq nouvellement trespassé , me requerrant, en faveur de son maistre, icelle prébende lui donner et accorder, actendu mesmement qu'elle est de petite importance et petit revenu; ce que j'ay fait, Monseigneur, soubz vostre bon plésir. Et pour ce, Monseigneur, que ledit maistre Loys est ung homme vertueux et lecteré , dont l'on se peult servir, vous supplie, Monseigneur, luy conserver mondit don, et vous me ferez honneur et plésir.

Mon très redoubté seigneur et père , je prie à tant nostre Seigneur qui vous doint bonne vie et longhe.

Escript à Bruxelles, ce. . . jour de décembre xvc et vu.