MARGUERITE A MAXIMILIEN

Elle prie l'Empereur de consentir à ce que François Cabel soit reçu conseiller ordinaire de la chambre du conseil en Hollande advenant le trépas du titulaire Willem van Berendrecht. — ( Minute. )

( Malines , décembre. )

Mon très redoubté seigneur et père, très humblement à vostre bonne grâce me recommande.

Monseigneur, j'ay esté présentement avertye que ung conseillier ordinaire de la chambre du conseil en Hollande, nommé maistre Willem Van Berendrecht, fort vieulx et cassé, est détenu d'une griefve maladie d'où l'on n'a espoir qu'il se puisse relever. A ceste cause et pour non leissier le nombre dudit conseil despourveu de gens de bien et ydoines, ay esté requise par aucuns bons personnaiges et mesmes par le sieur d'Icestain " pourveoir maistre François Cabel, homme bien souffisant et expérimenté, selon le rapport que m'en a esté fait et qui a esté passé six ans advocat dudit pays de Hollande dudit estât et office, cas advenant toutesfois dudit maistre Willem. Toutesfois, Monseigneur, pour ce que c'est a vous y pourveoir, ne Fay osé accorder sans votre sceu et commandement, jasoit que la chose fuisse bien raisonnable. Ains vous ay proumis vous en escripre; ce que je fais, Monseigneur, vous suppliant me consentir et acorder que je lisse pourveoir icellui maistre François dudit estât et office de conseillier ordinaire ou lieu dudit maistre Willem,

1 Fions d'Egmond, seigneur d'Iselstein.

s'il vient à vacquer par trespas, résignacion ou autrement, et vous me ferez honneur et plésir, me certifiant sur ce vostre bon vouloir.

Mon très redoublé seigneur et père, je prie à tant nostre Seigneur que vous ait en sa sainte garde.

Escript à Malines, ce... jour de décembre xvc et vu.

Elle recommande à son père Louis Yaca , maître d'école de l'archiduc Charles. — {Minute.)

(Malines, décembre.)

Mon très redoubté seigneur et père, très humblement à vostre bonne grâce me recommande.

Monseigneur, je croy que estes assez averty de la bonne diligence que maistre Loys Vaca, maistre d'escole de monseigneur mon nepveur, prent journelement à le instruyi e en lettres et bonnes meurs, dont il prouffite grandemant, selon son eage, au moyen de quoy il mérite d'estre aydié et avancé pour lui donner couraige de continuer son service de bien en mieulx. Et pour ce, Monseigneur, qu'il a esleu la voye ecclésiastique en la ^uelk désire l'aydier et avancher de mon povoir, tant en faveur des bonnes vertuz qui sont en luy que à la instante requeste de mondit seigneur et nepveur , et afin que plus convenablement il se puisse entretenir en son service, vous supplie, Monseigneur, tenir main à ce que ledit maistre Loys puisse obtenir réserve d'aucuns bénéfices, comme par le docteur de Mota '

' Le même qui en i5io fut, avec André de Burgo et l'évêque de Gurce, l'un des ambassadeurs de l'Empereur auprès de Louis XII.

serez amplement informé, ensemble de la ydonéitéj prudence et expérience d'icelluy maistre Loys. Ce faisant , Monseigneur, me ferez honneur et plésir.

Mon très redoubté seigneur et père, je prie à tant nostre Seigneur qui vous doint très bonne vie et longue.

Escript à Malines, ce... jour de décembre xvc et vu.