MARGUERITE A MAXIMILIEN

Marguerite mande à l'Empereur qu'elle s'est rendue en la ville qu'il lui a indiquée. Dispositions pour la guerre. Faible concours de la part de ceux du conseil privé. Bon état de l'artillerie. Envoi de l'archiduc et des princesses à Malines. Soins pris pour leur sûreté.

( Anvers P )

Mon très redoubté seigneur et père, etc.

Monseigneur, je me suis tirée en ceste ville, selon que vous ay escript , pour faire marcher avant nostre armée, laquelle il fait très bon veoir, ensemble l'artillerie, et vous asseure que les capitaines et conductors d'icelle sont bien délibérés y faire quelque bon exploit; et espère, Monseigneur, que deans deux jours ilz auront passé l'eau sur la terre de noz ennemys et illec adviseront ce que se pourra faire pour le mieulx ,• car il n'y a celluy qui n'y voise de bon cueur; parquoy, s'il plait à nostre Seigneur de vouloir estre ung peu de nostre cousté, je ne faiz doubte que quelque bon exploit ne se face; et aujorduy ou demein se doit conclurre avec l'admirai, seigneurs d'Ilsestain, de Romy , le capitaine d'Angleterre et aultres qui sont icy ce que se debvra premier exploitier , dont, Monseigneur, serez cy-après averty.

Monseigneur, j'ay receu voz lestres du xxi de juillet x et vous mercie de leur contenu et de ce que par icelles vous plait agréer ce que j'ay jusques icy fait touchant nostre armée. Monseigneur, je faiz tout pour le mieulx et le plus a vostre honneur et proufïit que m'est pos-

J Cette lettre ne s'est pas retrouvée.

sible, m'y conduisant par l'advis de vostre conseil par deçà duquel , réserve d'aucuns , je suis petitement assistée pour le présent ; maiz je ne laisserey d'en faire mon mieulx , j'ay tant seulement icy avec le sieur de Berghes, le bailly d'Amont ' et mes gens; et tous les aultres de robbe courte et longue se retirent arrière pour ce que , comme je croy , en matière de guerre n'a nul prouffit pour eulx.

Quant au fait de l'artillerie, Monseigneur, tous les capitaines et gens entenduz au fait de guerre disent qu'on ne peult sans cella, et moyennant icelle ont espoir faire quelque bon exploit; car elle est très bien esquippée et tiennent beaucoup de gens nostre armée de maintenant tant de gens que d'artillerie mieulx à point qu'elle ne fust oncques du temps du feu roy.

Car il y aura xvc bons chevaulx ou environ et vimbons piétons, xnn bons cortauls (?) et xxvi serpentines avec leur suyte ; bien est vray que l'on n'a pas fort grande quantité de pouldre , maiz je faiz toute diligence pour en recouvrer de tout coustez et ne crains que faulte d'argent; à quoy je ferey mon mieulx d'obvier, s'il est possible.

Monseigneur, je vous envoyé le double de nostre estât de la guerre , tant de la grande armée que de l'artillerie , affin que puisses plus au long congnoistre ce que y a esté fait.

Et voiant, Monseigneur, qu'il m'estoit nécessaire icy venir, ay fait incontinent conduyre monseigneur mon nepveur à Malines avec mesdames mes nyèpces, où j'ai donné ordre qu'il demeure continuellement

' Claude de Carondelet, depuis chef du conseil privé à Bruxelles, mort en r5i8.

ET DE MARGUERITE SA FILLE. — 1511. 425 sans partir de ladite ville jusques à mon retour, que me sera si brief , affin qu'il soit bien sceurement gardé et que aucun dangier ou inconvénient n'en puisse advenir; car aujorduy l'on ne scet en cuy l'on se doit fier. J'ay aussi ordonné aux gouverneurs de ladite ville de Malines d'y prendre bonne et soigneuse garde; ce qu'ilz m'ont promis faire tellement que, j'espère, nul inconvénient ne s'en pourra ensuyvir dont, Monseigneur, je vous ay bien voulu avertir à ce que le saichant en soiez de mieulx à vostre repoz.

D'aultre part, Monseigneur, je vous averty que suis sur traictiéavec ceulx d'Utrecht tellement que j'espère bien brief y mectre quelque bonne conclusion à vostre honneur et prouffît dont, Monseigneur, je vous avertirey incontinent; et ont pour ledit affaire esté envoyez de par vous en ladite ville le sieur de Gaesbèke, le doyen de Louvain , Thoison d'Or et ung pensionnaire d'Anvers, lesquelz ont mys les choses en bon train par le moyen du sieur de Monfort, et tiens que deans trois ou quatre jours tout sera conclut ; et si

aurons ceulx de qui nous assisteront à la guerre

contre monsieur de Gheldres; de quoy je les feray soliciter.

Monseigneur, j'ay receu les placcars et les ferey exécuter; j'avoye mandé Meteney devers messieurs de Clèves et de Juilliers, maiz ilz font assez sèche responce et veulent vendre leur service bien chier. Si vous en sçavez mieulx faire que moy, ce seroit bien fait.

Détails sur la guerre de Gueldre. Siège de Venloo. Bonne assistance des Anglais. Convenance d'écrire à ce sujet au roi d'Angleterre , qui voudrait être pris pour arbitre du différend de l'Empereur avec les Vénitiens , et qui désire qu'on s'en remette au pape touchant le concile de Pise.

( Septembre. )

Mon très redoubté seigneur et père , etc.

Monseigneur, je vous mercie très humblement les bons advertissemens qu'il vous a pieu m'envoyer par voz lestres du vie de ce mois concernans la manière et conduicte de nostre guerre de Gheldres. Sur quoy, Monseigneur, vous averty que , longuement avant la récepeion de voz lestres, nostre armée estoit au siège devant Vanello, soubz espoir de bien tost l'emporter par le moyen d'aucune intelligence qui se praticqueroit, laquelle n'a peu sortir effect. Et par ainsi , obstant aussy que noz gens n'avoient assés gens pour clourre ladite ville entièrement, a l'affaire esté prorogée jusques à présent que l'on a advisé de la prendre par force , combien qu'on extime y avoir dedans environ vnic hommes de guerre. Et pour ce faire les ay renforcé de gens et artillerie tellement que ay bon espoir, à l'ayde de Dieu et de nostre bonne et juste querelle, que briefz ilz emporteront ladite ville dont , Monseigneur, ne deppent pas petite chose ; car par la prinse d'icelle ne faiz doubte que, sans coup férir, aurons Ruremonde et conséquamment le hault cartier de Gheldres ; que donnera couraige aux subgectz de à ce prins temps conquester le reste dudit pays de Gheldres.

ET DE MARGUERITE SA FILLE. — . 1511. 427 Ce que jespère, Monseigneur, vous mesmes pourrés exécuter, moyennant que ayés mys une bonne lin à voz affaires d'Ytalie.

Et vous asseure , Monseigneur, que les Angloix se acquictent très bien et font plus de guerre aux ennemys que tous les aultres ; ilz n'avoient esté pourveuz que pour trois mois ; par quoy ay escript au roy leur maistre vouloir continuer leur provision ; ce qu'il a fait pour ung moys, pendant lequel espère qu'il sera fait ou failly de Vanello.

Si me semble , Monseigneur, que en debvés remercier ledit seigneur roy avec bonnes lettres et luy prier vouloir continuer sadite ayde, suivant que la nécessité le requerra.

D'aultre part, Monseigneur, ledit seigneur roy m'a fait requérir que vous voulsisse escripre à ce que du différent estant entre vous et les Vénéciens vous voulsissés soubmectre sur luy et sur le roy d' Arragon , et aussi que ne voulsissés consentir ny adhérer à ce concile de Pise, ayns, quant audit concile, en laisser convenir au pape '. Monseigneur, vous entendes ces affaires mieulx que moy et avez ouy ce que par maistre Loys vous en ay fait dire. Par quoy y prononcerés ainsi que vostre bon plésir sera, mectant voz affaires en meillieure sceurté que pouvrés.

Au surplus, Monseigneur, je vous supplie vouloir despeschier ledit maistre Loys le plus tost que possible vous sera , et me tousjours mander et commander voz bons plésirs pour les accomplir, Dieu en ayde, ouquel je prie , etc.

' Voyez la lettre précédente.

Monseigneur, je men irey brief d'icy jusques à La Haye poursuyr l'accord de la continuance de l'ayde ordinaire qu'est desjà expirée; de là m'en retourneray icy pour adviser ce que sera à faire, et vous advertiroy de toutes choses que surviendront; priant aussi avoir de voz nouvelles.