MARGUERITE A MAXIMILIEN
Expédition de Gueldre. Réduction prochaine de Venloo , et par suite de la Haute-Gueldre. Difficulté d'en.tretenir Tannée sur le pied où elle est , à moins qu'on n'y consacre les vingt mille écus attendus d'Espagne. — {Minute.)
( Septembre.)
Mon très redoubté seigneur et père , etc.
Monseigneur, je vous tiens bien averty de la belle et grosse armée qu'avons aux champs pour remectre et réduyre en vostre obéissance les pays et subgectz de Gheldres qu'est la chose, comme croy et à bonne cause que plus désirons en ce monde, pour la fellonnie et desloiaulté de messire Charles de Gheldres. Laquelle armée se acroist journellement, et espère qu'elle exploitera tellement que les premières nouvelles que en aurés seront que la ville de Vannello , qu'est des meilleures et plus puissantes dudit pays, sera mise et réduicte en vostre obéissance ; par le moien de laquelle emporterons ligièrement le hault pays et cartier de Gheldres ; que ne sera petit exploit pour cest y ver ; car nous mectrons les pays de Brabant en seurté et clourrons le passaige des François et Liégeois; et si ferons bonne et seure ouverture aux marchans pour traffiquer et aller seurement es Allemaignes, et sy espère que encoires plus grans biens s'en ensuyvront.
Or, Monseigneur, par les estaz que vous ay envoyez avez assez peu veoir que telle armée ne se peult entretenir sans grande despence qu'est intollérable, et n'y scevent furnir nulz revenuz , aydes et assistences que Monseigneur mon nepveur ait de par deçà, à
ET DE MARGUERITE SA FILLE. — 1511- 431 cause des grandes charges que sont desjà sur iceulx , comme bien sçavés, actendu mesmement la diminucion des aydes dont avés assés esté averty; par quoy, Monseigneur, je ne voy moien qu'il ne faille bientost rompre ladite armée, si ce n'est que vostre plésir fust vouloir permectre et consentir qu'on se puist, à ceste grande et urgente nécessité, aycler de xra escuz venant d'Espaigne qui se paieront à ceste sainct Remy prouchaine, ensemble des aultres xm du terme de la Pentecouste ensuyvant; dont, Monseigneur, pour austant qu'il touche vostre honneur et le mien, si grandement vous supplie et requiers en toute humilité. Et ledit affaire de Gheldres mys oultre, Monseigneur, ceulx des finances et moi tiendrons main que en serés remboursé au double.
Monseigneur, je tiens que auriés merveillieux regrect que ceste emprinse de Gheldres par si peu de choses vint tellement en roupture , actendu que l'avés tant à cueur ; et de ma part , Monseigneur, ne suys délibérée y riens espargnier et vous asseure que je y ay desjà employé plus de xm frans du mien , et suis preste à y mectre le tout pour le tout, cuydant faire à vous et à Monseigneur mon nepveur bien grant honneur et service.
Monseigneur, je vous supplie avoir sur ce briefve responce avec les despesches nécessaires.
Mon très redoubté seigneur et père, etc.
Mort du duc de Juliers. Journée impériale à Augsbourg pour régler les différends entre les ducs de Saxe et de Gueldre. Floris d'Isselstein , lieutenant du gouverneur de Hollande. — (Orig.)
(Lients, le 4 octobre.)
Très chière et très amée fille , nous avons receu voz lettres du xie de septembre dernier passé, par lesquelles nous signifiiez la mort de nostre cousin, le duc de Juillers ', dont Dieu ait l'âme, et entendu ce que nous avez sur ce fait dire par nostre secrétaire, maistre Hans Rentier , auquel nous avons donné charge de vous faire responce que, en ce et autres choses à nous possibles, nous faisons et ferons le mieulx que povons, pour le bien et prouffit de nous et noz très chiers enfïans.
Depuis , par autres voz lettres du xvie dudit mois , vous nous escripvez comment estes advertye que , se povons tant faire que nostre cousin, le duc de Zaxssen, voulsist quicter ou du moins mectre en délay la querelle qu'il prétend à la duché de Juillers , le jeusne duc de Clèves et son père se condescendroient facilement à eulx déclairer à la guerre et aydier à la réduction de nostre pays de Gheldres. Sur quoy vous advertissons que remecterons l'affaire dudit différend sur la journée impériale qui se doit tenir à Ausbourg pour alors trouver quelque moyen de appoinctier lesdites
• Suivant quelques historiens, Guillaume VIII, duc de Berg et de Juliers, mourut à Dusseldorf, le 6 décembre i5i i. Cette lettre prouve que sa mort eut lieu avant le 1 1 septembre de la même année, comme d'autres écrivains l'ont avancé.
ET DE MARGUERITE SA FILLE. ~ 1511. 433 parties aimablement, et désirons que yueillez praticquier avec lesdits ducz de Clèves , que , ce temps pendant, ilz se cueillent déclairer seullement de bailler vivres et victuailles à noz gens et de non point souffrir envoyer dez leur pays aucune assistence ne vivres ausdits de Gheldres, et que se ledit appoinctement se fait à ladite journée d'Ausbourg, alors ilz se déclaireront à la guerre, comme dit est.
D'autre part, très chière et très amée fille, nous avons veu les lettres que nous avez escriptes touchant nostre cousin Floris d'Isselstain , à cause de Testât de lieutenant et coadjuteur du gouverneur de nostre pays de Hollande, ainsi que plus à plain est déclairé en une copie de ce confaicte que semblablement nous avez envoyée , et sommes bien contens et voulons que, en ensuivant nostre promesse que lui en avons présentement faicte, vous despeschez par delà à nostredit cousin d'Yselstain ses lettres comment ladite mynute contient, car nous l'avons bien agréable audit estât. A tant , très chière et très amée fille, nostre Seigneur soit garde de vous.
Donné en nostre ville de Lients , le 1111e jour d'octobre, l'an xvc xi. Vostre bon père Maxi. — Plus bas, Renner.
L'Empereur prie sa fille de pourvoir d'un emploi convenable, auprès du prince Charles , Ferdinand de Mecrane, qui lui est recommandé par la reine de France. — ( Original. )
(Lients, le G octobre.)
Très chière et très amée fille, nostre bonne soeur, la royne de France , nous a escript à la recommandai. 28
cion de Fernande de Mecrane, porteur de cestes, comme entendrez par ses lestres que vous envoyons avec cestes, à celle fin que vueiilions pourveoir ledit Fernande de quelque estât vers nostre filz , l'archiduc Charles. Et pour ce que sommes bien enclins à ladite rescription et que icellui Fernande nous a servy en nostre guerre contre les "Venissiens, nous l'envoyons devers vous et vous requérons que lui bailliez présentement entretenement pour nous servir en Gheldres ; et quant quelque estât escherra vacant devers nostredit filz Charles où il soit ydoine, que l'ayez en ce pour recommandé; et nous ferez chose agréable. A tant, trèschière et très amée fille, nostre Seigneur soit garde
Donné en nostre ville de Lien ts, le vie jour d'octobre, l'an xvc xi. Per Regetn. — Plus bas, Renner.
Traité avec les Suisses. Dispositions diverses. — '{Original.)
(Ciliaen, le 14 octobre.)
Très chière et très amée fille, pour pluiseurs bonnes causes et raisons et mesmement pour la seurté des pays de noz maisons d'Austriche et de Bourgoigne, nous avons fait ung traictié héritable ' avec les Suyches, où tous nosdits pays d'Austriche et de Bourgoingne sont comprins ; et mesmement est déclairé comment nostre conté de Thirolle, les pays devant les montagnes, comme Zubane , Ferrette et la conté de Bour-
' Ce traité avec les Suisses n'est consigné ni dans le Corps diplomatique de Dumont, ni dans le supplément audit recueil par Rousset,
ET DE MARGUERITE SA FILLE. —1511. 435 goingne se doivent conduire et converser l'un avec l'autre , et aussi avoir regard l'un sur l'autre en tous actes et affaires tant de paix et de guerre. Et quant à tous noz autres pays d' Austriche et de Bourgoingne , est aussi déclairé que jamais ilz ne doivent faire guerre ne servir conte lesdits Suyches, ne semblablement lesdits Suyches contre eulx ; et à ceste cause , et qu'ilz ont ainsi prins iceulx pays de nostredite maison de Bourgoingne oudit traictié , nous leur avons accordé de leur baillier des deniers d' iceulx pays de Bourgoingne , asçavoir à chacun quanton nommé oudit traictié iic florins d'or ; à l'abbé et ville de Saint-Gale et au pays de Axsel chacun cent florins d'or par an, comme du tout vous advertira plus au long nostre conseiller, maistre Jeromme Boidues, que envoyons pour ce devers vous et que entendrez aussi par la copie dudit traicté, lequel vous envoyons par ledit maistre Jeromme. Et vous requérons que sur ce vueillez croire ledit maistre Jéromme et, en tant qui touche la conté de Bourgoingne , que faictes par eulx observer ledit traictié; et quant au payement, comme dit est, que tenez la main vers ceulx de noz finances de par delà que icellui soit fait et asceuré aux termes et selon qu'il est contenu oudit traictié. A tant, très chière et très amée fille, nostre Seigneur soit garde de vous.
Donné en nostre logis de Ciliaen, le xmie jour d'octobre, l'an xvc xi. Vostre bon père Maxi. — Plus bas, Renner.
436 LETTRES DE MAXîMILTEN
Division entre les seigneurs de Chièvres et de Berghes , au sujet du
renouvellement des lois d'Anvers. Chercher à les arranger entre
eux. — ( Original. )
(Au château de Emvels, le 16 octobre.)
Très chière et très amée fille , vous sçavez comment nous vous avons autreffois mandé et fait sçavoir nostre voulenté touchant l'ordre que voulons estre tenue au renouvellement des loix de nostre ville d'Anvers, et pour ce qu'il y a tous les ans débat entre les sieurs de Chièvres et de Berghes pour sçavoir lequel doit estre nommé le premier audit renouvellement, au moyen de quoy se pourroit sourdre une parcialité et division en nostredite ville à nostre grant désavantaige , regrect et desplaisir. A ceste cause nous désirons et vous requérons que vueillez serchier par tous bons moyens de appoinctier et appaiser lesdits seigneurs de ladite nominacion ; et si vous ne le povez appoinctier, que nous en advertissez et de cellui à qui il tiendra, affin que nous y povons pourveoir. A tant, etc.
Donné en nostre chasteau de Emvels , le xvie jour d'octobre xvc xi. Per Regem. — Plus bas, Renner.
Maximilien invile de nouveau sa fille à faire inscrire le fils de maître Loys Marlien , médecin de l'archiduc Charles , parmi les gentilshommes de ce prince. — ( Original. )
(Innekingen, le 21 octobre. )
Très chière et très amée fille, combien que vous ayons parcidevant escript de mettre le filz de mais-
ET DE MARGUERITE SA FILLE. — 1511. 437 tre Loys Marlyen', médecin de nostre filz, l'archiduc Charles, es escroes de nostredit filz en Testât de l'un de ses gentilz hommes , ce nonobstant nous entendons que n'en avez encoires riens fait. A ceste cause , et que sommes présentement adverty une place desditz gentilz hommes d'icellui nostre filz estre vacant par le trespas d'ung nommé Witenhorst, nous vous requérons que d'icelle place vacant comme dessus vous en pourveez le filz dudit maistre Loys; car ainsi nous plaist-il.
Donné à Innekinghen , le xxie jour d'octobre , l'an xvc xi. Per Regem. — Plus bas, Renner.
