MARGUERITE A MAXIMILIEN

Marguerite recommande à son père le roi et la reine de Navarre , pour être compris dans les traités qu'il pourrait conclure. Le roi de France se montre hostile à la Navarre. — (Minute.)

( Breda , le 23 novembre. )

Mon très redoubté seigneur et père , très humblement à vostre bonne grâce me recommande.

Monseigneur, combien que sçay avez bonne affection aux affaires des roy et royne de Navarre, et que les désirez traicter en toute faveur, ce néantmoing , congnoissant le bon vouloir qu'ilz ont à vous, leur désire faire tout honneur et service. Par quoy, j'ay voulentier prins charge vous en ramenteroir et escripre , vous suppliant, Monseigneur, que si l'oportunité se ordonnoit, et quelque bon traicté de paix ou amitié se faisoit, vostre plaisir soit les y comprendre et les avoir en bonne et singulière recommandacion , comme voz bons parens, amyz et aliez qui désirent la prospérité et accroissement de vostre magesté, et vous faire tout plésir.

Mon très redoubté seigneur et père , je prie a tant nostre Seigneur vous donner bonne vye et longue, i. 29

Escript à Breda, le xxuie jour de novembre xvc xi.

P. S. Monseigneur, lesdits seigneurs roy et royne vous feront informer bien à plain et par certaines escriptures sur ce faictes et envoyées à leur ambassadeur, estant devers vous , du tort que le roy de France se parforce leur faire. Au moyen de quoy, Monseigneur, aurez meilleur ochoison , entendant leur droit et devoir où ilz se vueillent mettre, les avoir pour recommandez.

Défaite du seigneur de la Palisse en Italie. Expédition des Vénitiens contre le duc de Ferrare et le Frioul. L'Empereur se dirige vers ce pays pour leur livrer bataille , s'ils la veulent

attendre. — ( Original. )

(Doblach, le 24 novembre.)

Très chière et très amée fille, après que les Vénissiens ont congneu que les gens de nostre armée qui avoient esté en Friole, s'estoient retirez avec le seigneur de la Palisse ■ ou quartier de Véronne contre nostre commandement , le tout par l'enhort et moyen dudit seigneur de la Palisse, comme vous avons naguères escript, car s'il eust encoires voulsu demeuré et venir devers nous à Servalle, ainsi que luy avions escript, et que sur ce nous avoit fait responce, nous eussions sur tout mis si bon ordre que toute la Cadouer, ledit pays de Friole et autres fussent cest y ver esté bien asceurez desdits Vénissiens, et qu'ilz ont aussi congneu que nosdits gens se retiroient et départoient l'un de l'autre pour eulx aller reffaire en leurs maisons des maladies et pouretez qu'ilz ont euz et supportez

' Jacques de Chabannes, depuis maréchal de France, tué à la bataille de Pavie.

ET DE MARGUERITE SA FILLE. — 1511. 451 l'esté passé , iceulx Vénissiens ont party leur armée en deux , et ont envoyé une partie d'icelle contre nostre cousin, le duc de Ferrare, et l'autre partie oudit pays de Friole, pour, à l'assistance d'aucuns rebelles d'icellui pays, le reprandre à leur obéissance; et desjà y ont prins, par le moyen desdits rebelles et maulvais paysans, pluiseurs villes; mais nous avons à diligence fait rassembler nouvelle armée et atout bon nombre de gens nous tirons présentement sur les frontières dudit pays de Friole pour rebouter lesdits Vénissiens et leur donner la bataille, quelque part qu'ilz soient, si attendre la vueillent; ce que espérons de faire à l'ayde de Dieu, deans huit jours au plus tart; et de la bonne fortune que Dieu nous donra, vous advertirons, luy priant à tant , qu'il vous doint sa grâce.

Escript à Douplach , le xxime jour de novembre , Tan xvc xi.

P. S . Nous vous envoyons avec cesles une lettre au roy de Denraarck , que désirons que luy vueillez envoyer par homme sceur et n'est point fort hastive.

Per Regem. — Plus bas, Botechou.

Perte de l'assaut devant Venloo. L'Empereur se propose d'aller réparer cet échec l'été prochain , et s'y montrer le meilleur capitaine. Il faut tenir la main à ce que le blocus de Waghemmigen soit fait suivant les ordres transmis , afin d'affamer Nimègue et de donner facilité aux bateaux de Cologne et du haut pays de venir en Hollande. — [Original.)

(Munde, le 29 novembre.)

Très chière et très amée fille , par voz dernières lettres du xme de novembre vous nous escripvez entre

autres choses comment noz gens de guerre de par delà ont perdu ung assault devant Vennelo, et que, pour adviser que sera affaire cest yver en la guerre de Gheldres, vous avez fait assemblé les grans et notables personnaiges de par delà ensemble les estas.

Très chière et très amée fille, il nous desplaist bien de la perte dudit assault et encoires plus des bons et vertueux personnaiges qui y sont demeurez; mais ce sont fortunes de guerre que prenons comment Dieu les nous donne; et estoit bien tousjours nostre advis que nosdits gens ne prouffiteroient guères devant ledit Vennelo; car nous nous congnoissons quelque peu en telz affaires.

Nous sçavons bien qu'il n'a pas tenu à vous ne à autres gens d'honneurs et de vertus qui sont esté erapeschez en cest affaire que n'ayons eu meilleur fortune, et, moyennant l'ayde de Dieu, nous espérons de, sur l'esté advenir, réparer et recouvrer le tout et aller par delà en personne , le plus tost que pourrons pour estre le chief et le plus féable capitaine que vous sçaurions ordonner ny envoyer en eestedite guerre, vous requérant non prandre à cueur ladite fortune, ains ensuyvant vostredit bon advis, et surattendant nostredite venue , mectre quelque bonne ordre en ladite guerre de Gheldres, que, durant cedityver, noz bons subgectz de par delà ne soient foulez ou adommaigez desdits Gheldrois, leurs ennemis, et en faire tousjours pour le mieulx , comme avons nostre fiance en vous.

Nous avons fort agréable l'assemblée desdits bons personnaiges et estas de par delà ; car nous espérons qu'ilz vous conseilleront et assisteront en cedit affaire comment bons vassaulx et loyaulx subgectz ; et nous

ET DE MARGUERITE SA FILLE.— 1511. 453 plaist aussi bien le gracieux département que avez donné aux Angloys.

Tenez tousjours la main que le blochuys devant Waghemmighen , soit fait comment autreffois vous avons mandé, afïîn de par ce effamer ceux de Nymeghen et tenir les rivières sceures que les basteaulx de Coulongue et du hault pays puissent descendre en Hollande sans dangier. A tant, très chière et très amée fille, nostre Seigneur soit garde de vous.

Escript à Munde , le pénultième de novembre , anno xvc xi. Vostre bon père Maxi. — Plus bas, Botechou.

Maximilien recommande à sa fille François de Gosmans, espagnol, qui désire être admis au service du prince Charles. ■ — ( Orig. )

(Munten, le 30 novembre.)

Très chière et très amée fille , de la part de François de Gosmans , espaignart , pourteur de cestes , nous a esté exposé qu'il est en Testât de nostre fîlz, l'archiduc, et qu'il désire aller par delà pour le servir, nous requérant à celle cause vous en escripre. Et pour ce qu'il nous a bien et honnestement servy en Ytalye soubz la charge de nostre cousin, le sieur de Reux, nous l'avons en singulière recommandation; et vous requérons que , quant il viendra devers vous , vous le vueillez aussi avoir pour recommandé, et en sondit estât et autrement luy faire toute l'adresse et entrete-

' Wagheningen , petite ville sur les confins de la seigneurie d'Utrecht et du duché de Gueldre , près du Rhin.

nement que pourrez. En quoy faisant, nous ferez chose agréable. A tant, très chière et très amée fille, nostre Seigneur soit garde de vous.

Escript à Munten, le dernier jour de novembre, l'an xvc xi. Per Eegem. — Plus bas, Botechou.

Nota. Semblable lettre à la même date pour Alfonce Montesnin , Pierre de Verdigo , et Pierre de Fonsecque , gentilshommes espagnols.