MARGUERITE A MAXIMILIEN

Marguerite mande à son père que Jehan Caulier ne peut aller en France remplacer André de Burgo , si on ne lui délivre de l'argent pour ses frais de voyage et des draps de soie pour son accoutrement. Difficulté pour trouver de quoi satisfaire à cette dépense et solder les piétons. — {Minute. )

(Novembre ou décembre.)

Mon très redoubté seigneur et père, très humblement à vostre bonne grâce me recommande.

Monseigneur, j'ay receu les lettres qu'il vous a pieu m'escripre datées du xxie de ce présent moys ' , par lesquelles me mandez et ordonnez despescher maistre Jehan Caulier, vostre conseillier, et envoyer incontinent devers le roy très crestien, au lieu de messire Andréa de Burgo , vostre ambassadeur 2 .

Monseigneur, j'ay mandé de faire venir ledit Caulier devers moy; luy ay dit et déclairé le contenu en vosdites lettres, et qu'il se délibérast de soy apprester le

1 La lettre de l'Empereur, ici mentionnée, ne s'est pas retrouvée.

a André de Burgo ayant demandé son rappel auprès de l'Empereur, en novembre i5ii, il est très probable que cette lettre est de la même époque.

ET DE MARGUERITE SA FILLE. — 1511. 455 plus tost qu'il seroit possible pour aller devers ledit seigneur roy très crestien. Sur quoy, Monseigneur, il m'a fait réponce que, quant à sa personne, il estoit prest et appareillé de faire voz bons vouloirs et commandements, mais qu'il n'estoit monté ny acoustré et n'avoit argent pour faire ung tel voiaige; requérant, Monseigneur, afin qu'il peust garder vostre honneur et le sien, regarder luy faire délivrer argent et quelques draps de soye pour de myeulx faire ses apprestes et que l'on luy ordonnast quelque somme d'argent pour tenir ung estât; et avec ce ledit maistre Jehan Caulier désireroit avoir voz lettres de crédance adressées audit seigneur roy, afin qu'il congneust qu'il va devers luy par vostre ordonnance, avec instructions telles qu'il vous plairoit , ou du maings luy mander et commander quelle chose il auroit à faire, luy venu devers icellui seigneur rey très crestien.

Monseigneur, pour regard au despesche dudit maistre Jehan Caulier ay mandé devers moy le trésorier Tha-

mise, et lesquelz m'ont dit qu'il n'estoit possible

trouver argent, qu'ilz n'avoient nulz deniers et ne leur seroit possible de furnir audit despesche et à la route. Monseigneur, depuis le partement des seigneurs de par deçà y a eu assez affaire de furnir argent aux messageries; parquoy , Monseigneur, s'il vous plait, puisque ceulx de voz finances sont présentement par delà , y mectre tel et si bon ordre que pour l'advenir l'on saiche où prendre argent ; car, Monseigneur, à faulte de ce, voz affaires ne s'en portent de myeulx et en sont retardez.

Vous ferez regardé par lesdits de voz finances poulie despesche dudit Caulier et sur ce qu'il requiert, et

l'envoyer le plus tôt qu'il sera possible de par deçà; ce

pendant il se aprestera du surplus.

En oultre , Monseigneur, sera besoing que par lesdis de voz fynances soit aussi regardé où l'on prendra et trouvera argent pour paier les douze cens pyétons que avons , par l'advis de tous ceulx de vostre conseil, retenuz pour les causes et selon que desjà vous ay escript bien au long.

Sy vous supplie, Monseigneur, sur ce que dessus avoir regard , et mectre tel et si bon ordre au fait de vosdites fynances, que pour l'advenir voz affaires se puissent bien guider et conduyre ; ce qu'est bien difficile chose à faire sans ordre en vosdites fynances.

Mon très redoubté seigneur et père.

Prise du château de Pleyff en Cadore. Ordre de le raser. Importance du pays de Cadore. Intention de fortifier le château de Putelstain. Agression des Suisses sur le duché de Milan. Les grands personnages de la Suisse ne se mêlent point de cette guerre. — ( Original. )

(Aussée, le 13 décembre.)

Très chière et très amée fille, hier au soir nous eusmes nouvelles des gens de nostre armée coramant , en passant leur chemin pour entrer en Friole, ilz ont le vu de ce mois assailly et gaingnyé par force le chasteau de Pleyff' , qu'estoit le chief chasteau de Cadouer ; mais pour ce qu'il n'est point fort , nous avons ordonné de le rasser par terre ; car nous voulons toute ladite Cadouer estre sur la crainte et obéissance de

' Au nord de Ciudad di Friuli.

ET DE MARGUERITE SA FILLE. — . 1511. 457 nostre chasteau de Putelstain1, duquel ferons une place imprenable, et par icellui facillement garderons l'entière Cadouer qui vaultz plus de xxm ducatz par an , à cause des bois qui convient que les Vénissiens viennent prandre oudit pays de Cadouer, tant pour faire leurs bastiaulx, maisonnement , que chauffaiges.

Et nous ont fait sçavoir nosdits gens de guerre qu'ilz sont bien délibérez de en oultre exécuter et exploicter bonne et forte guerre oudit pays de Friole et contre lesdits Vénissiens.

Aussi, depuis quelque jours ençà, nous avons eu novelles comment les Suyches avoient envoyé à Millan les lettres de deffiance contre nostre bon frère , le roy de France , et qu'ilz estoient desjà entrez ou pays de Millan à tout vinm combatans , le tout par l'enhort et pourchatz des quantons de Suyche. Oivach (?) et Glaris qui ne cessent de esmouvoir et eslever les autres quantons contre nostredit bon frère; mais nous ne povons croyre qu'ilz passent oultre ; car ilz n'auront vivres ne artillerye ou capitaines pour ce povoir faire ; et en attendons de jour à autre nouvelles.

Nous sommes bien avertis que les grans personnaiges de Suyches ne se vueillent mesler de cest affaire et que le tout ne se conduyt que par le moyen des villains de dessusdits quantons. A tant, très chière et très amée fille , nostre Seigneur soit garde de vous.

Escript à Aussée, le xme jour de décembre, l'an xvc xi. Per Regem. — Plus bas, Botechou.

• Peut-être Pittersberg, dans l'évêché de Brixen, au nord du pays de Cadore.

L'Empereur invite sa fille à écrire et à faire écrire , par l'archiduc Charles , au roi d'Aragon , pour qu'il laisse jouir le cardinal de Sainte-Croix des bénéfices qu'il a en Espagne. — ( Original. )

(Ausséc, le 14 décembre. )

Très chière et très amée fille , pour ce que sommes requis de la part du cardinal de Sainte-Croix ' d'escripre à nostre frère , le roy d' Arragon , touchant ses bénéfices es pays d'Espaigne, et que créons la recommandation de vous et nostre filz, l'archiduc Charles, luy prouffitera plus envers nostredit frère que la nostre , nous désirons et vous requérons que vous et nostredit filz vueillez escripre à icellui nostredit frère qu'il le vueilîe laissier et souffrir joyr des bénéfices qu'il a esdits pays d'Espaigne , comme il a fait parcidevant sans, au moyen de la privation que nostre saint Père le pape luy en a fait promectre qu'il en soit débouter ou dechasser.

Et vous nous ferez chose agréable. A tant, très chière et très amée fille , nostre Seigneur soit garde de vous.

Escript à Anssée, le xniie jour de décembre, l'an xvc xi. Per Regem. — Plus bas , Botechou.

1 Bernard de Carvajal , qui avait été privé de sa dignité et de ses bénéfices par Jules, comme l'un des principaux adhérents du concile de Pise. Le chapeau lui fut rendu par Léon X, le 27 juin i5i3.

Maximilien recommande de faire jouir Philippe Lombart du canonicat vacant à Saint-Gomard de Liere, sans avoir égard aux empêchements qu'on y voudrait mettre. — ( Original.)

( Gémonde, le 15 décembre. )

Très chière et très amée fille, nous avons entendu que depuis naguères il a vaqué à Saint-Gomard de Lyere une chanonie qui, par le tour du rolle de noz bénéfices de par delà, doit appertenir à nostre fourrier, Philippot Lombart, mais que à ce Ton luy vueilt mectre empeschement, comme dit ledit Philippe. Par quoy et que nostre plaisir est qu'il joysse d'icelle chanonie, selon sondit tour du rolle, nous désirons et vous requérons que audit Philippe faictes despeschier par delà noz lettres de collacion de ladite chanonie vacant, comme dit est, sans aucune difficulté ne avoir regard à quelque empeschement au contraire, fors au tour dudit rolle que voulons estre entretenu. A tant, très chière et très amée fille, nostre Seigneur soit garde de vous.

Donné en nostre ville de Gémonde, le xve jour de décembre, Tan mil vc xi. Per Regem. — Plus bas, Bote chou.

Approbation de mesures prises par Marguerite. Différend des seigneurs de Chièvres et de Berghes. Le premier veut céder au comte de Nassau son office de commissaire au renouvellement de la loi d'Anvers. Débat sur la préséance entre le fils du duc de Milan et celui du duc de Saxe. Différer le départ du sieur de La Roche pour l'Angleterre. — (Original.)

(Gémonde, le i6 décembre.)

Très chière et très amée fille, nous avons receu troiz voz lettres du premier et 11e jour de ce mois et entendu bien en long le contenu d'icelle, lequel nous prenons en gré selon la fortune et espérons , Dieu en ayde, que le tout se chaingera brief plus à nostre avantaige.

En tant qui touche vostre proposicion aux Estas de nostre pays de Brabant, Hollande et Zeellande, nous avons vostre besoingnye à ce bien agréable et croyons qu'ilz se démonstreront bons subgectz.

Au regard de la continuation qu'avez faicte pour ceste année de nostre loy d'Anvers, nous en sommes bien contens et encoires autant de la résignacion que nostre cousin de Chierves vueilt faire à nostre cousin de Nassou de son estât de commissaire d'Anvers , si par ce moyen lesdits seigneurs de Chierves et de Berghes sepueillent trouver d'accord. Car nous le désirons bien et vous en donnons toute puissance.

Quant à la résignacion que nostre audiencier désire faire de son office d'audiencier, nous ne nous voulons point à ce consentir et nous peut encoires bien servir en noz affaires de par delà.

Du différend que avez du josne duc de Milan ' et du josne duc de Zaxssen a il y a couleur à l'un et à l'autre ; mais ilz sont trop josnes et ne voulons pas que l'on se arreste ains que le premier vient (venu) devant soit et entre devant, ou que l'on les reigle aternativement, l'un aujourd'huy premier et l'autre demain.

Du retardement du seigneur de La Roche , nostre président, pour aller en Angleterre, il nous plaist très bien et sommes bien d'opinion d'atendre quelle sera la fin des traictiez de paix qui sont sur main; car selon la besongnye d'iceulx Ton se pourra reigler audit envoy.

Et de voz excuses aux parolles qui nous avoient esté rapportées par les François, nous les avons adez soustenues telles que nous avez escript, mais pour leur complaire nous vous en avons bien voulsu advertir et leur envoyerons vostredite responce.

Au surplus, nous avons fait despeché les manda tz par vous requiz à noz cousins de Clèves et Julliers et à aucunes villes de leur pays que vous envoyons a\ec cestes pour leur envoyer et pour poursuyr l'aliance avec eulx, ensuivant vosdites lettres. A tant, très chière et très amée fille, nostre Seigneur soit garde de vous.

Escript en nostre ville de Gemonde, le xviejour de décembre, l'an xvc xi. Vostre bon père Maxi. — Plus bas, Botechou.

1 Maximilien Sforce , fils du duc Ludovic- Marie , et cousin germain de Blanche-Marie, seconde femme de l'Empereur. Après la défaite de son père, en i5oo, par Louis XII , ce jeune prince vécut à la cour de l'Empereur, ou auprès de Marguerite d'Autriche , jusqu'à ce que la ligue formée en i5i2, entre Jules II et Maximilien, le rétablît dans son duché de Milan.

2 Je ne sais s'il s'agit ici de Magnus, duc de Saxe-Lawenbourg.

Nécessité de maintenir en bonne intelligence les pays de Bourgogne et de Ferrette Ecrire au maréchal de Bourgogne et aux magistrats de Ferrette de veiller à ce qu'on n'envahisse pas les terres de ces deux seigneuries.

(Wels, le 22 décembre.)

Très chière et très amée fille , pour ce que noz pays de Bourgoingne et de Ferrette ont beaucop de maulvais et dangereulx voisins, nous désirons qu'ilz soient entretenus en bonne amitié l'ung avec l'autre, comme pays prouchains l'ung de l'autre et retournant et appartenant à ung seul seigneur, affin que si aucuns voisins desdits pays vouloient invahir ou faire quelque emprinse sur l'ung d'iceulx pays, que l'ung donne secours à l'autre. A ceste cause escripvons présentement devers vous et vous requérons très acertes que, en tant que touche la conté de Bourgoingne, vous escripvez et ordonnez à nostre amé et féal cousin et marischal de Bourgoingne , le sieur de Vergy , que se aucuns desdits voisins faisoient quelque invasion ou emprinse sur nostre pays de Ferrette, il leur baille toute ayde et assistence pour y résister et obvier ; et de nostre part nous avons ordonné à ceulx de nostredit pays de Ferrette de aussi faire le semblable à ceulx de ladite conté de Bourgoingne , si le cas leur advenoit. A tant , très chière et très amée fille, nostre Seigneur soit garde de vous.

Donné en nostre ville de Wels , le xxne jour de décembre, l'an xvc xi.

P. S. Et pour adviser de faire ladite assistence et secours par

ET DE MARGUERITE SA FILLE. — 1511. 463 ceulx de nosdits pays de Ferrette et Bourgoingne , le cas y advenant, nous désirons que commectiez audit sieur de Vergy e\ à aucuns de vostre conseil à Dole d'eulx trouver avec nostre bailli de Ferrette, le sieur de Ribaulpierre, et aucuns de noz conseilliers, pour, en tel lieu qu'ilz adviseront, faire et conclure à ce propos une bonne ordonnance entre lesdits pays , ausquelz nostredit bailli et conseillier escripvons ainsi le faire.

Donné comme dessus.

Vostre bon père Maxi. — Plus bas, Renner.

Aide à obtenir des États d'Autriche , de Styrie et des princes de l'Empire. Paix négociée entre l'Empereur et les Vénitiens par le pape et le roi d'Aragon. Orgueil des Vénitiens. Le pape se déclarera leur ennemi s'ils n'acceptent pas les conditions offertes. — ( Original. )

( Lyntz , le 25 décembre. )

Très chière et très amée fille, nous sommes icy venu vers les Estas de noz pays d'Austriche et de Steyre (Styrie) affin d'avoir et recouvrer d'eulx une bonne ayde pour nous aidier à garder par la force le pays de Friole ; laquelle avons bien espoir de brief obtenir et de incontinent après nous tirer à la journée impériale ordonnée en nostre cité d'Ausbourg, pour semblablement obtenir des princes et Estas de nostre saint-empire une bonne ayde et assistence à l'encontre des Vénissiens ; par laquelle espérons , si ne survient ce pendant quelque paix, les contraindre sur l'esté advenir que finablement ilz viendront à la raison.

Nous attendons de heure à autre nouvelles de la paix que nostre saint Père le pape et nostre frère, le

roy d' Arragon , vueillent faire entre nous et lesdits Vénissiens. Mais lesdits Vénissiens ont adez différé à cause de quelque fortune qu'ilz avoient eue en Friole , à l'encontre de nous , laquelle, par l'exploict que noz gens de guerre ont naguerres fait contre eulx , et espérons que encoires feront, leur est bien chaingié et croyons qu'ilz rabasseront leur orgueil et espoir et qu'ilz se condescendront à ladite paix; car nostredit saint Père leur a expressément escript et déclairé que s'ilz n'acceptent ladite paix, selon les conditions qu'ilz ont autreffois consentu et entreprendent aucune chose sur nostre ville de Yéronne et noz pays , il se déclairera leur ennemy et s'employera de cy en a\ant à leur destination et ruyne, autant et plus qu'il a fait jusques à oires pour leur conservation ; dont en secret vous advertissons. A tant, très chière et très amée fille, nostre Seigneur soit garde de vous.

Escript en nostre ville de Lyntz, le jour de Noël xvc xi. Vostre bon père, Maxi. — Plus bas, Renner.

Nouvelles de l'expédition contre les Véniliens. Prise de Civitate

Belloni. Défaite de l'ennemi devant Gradisca et le château de

Tollemain. ■ — ( Original. )

(Lyntz, le 27 décembre.)

Très chière et très amée fille, nous avons eu nouvelles de noz gens de guerre qui estoient en Cadouer, comment, depuis qu'ilz ont eu prins le chasteau de Pleyff dont vous avons dernièrement escript, ilz ont esté advertis que les Vénissiens leur estoient venuz près d'eulx, en une forte escluse, atout le nombre

ET DE MARGUERITE SA FILLE. —1511. 465 d'environ vic chevaulx et viiic piétons. Sur quoy ilz sont allez à diligence surprandre lesdits Vénissiens par derrière, et en ont d'iceulx mis à mort sur la place bien 111e.

Ce fait, sont tirez devant Civitate Belloni, laquelle ilz ont gaingniée; dont lesdits Vénissiens, qui avoient encoires près d'eulx environ inm hommes devant l'escluse du coble , ont esté bien estonnez, quant ilz ont entendu ces nouvelles , et se sont retirez et ont habandonner ledit coble.

Et d'autre part, lesdits Vénissiens qui estoient devant nostre ville de Gradis ' en Friole, atout grant nombre de gens ont perdu sur ung jour cincq assaulx que nosdits gens de Gradis ont bien vitorieusement soustenuz. Hz avoient aussi envoyer devant nostre chasteau de Tollemain xvc hommes pour le surprandre et gangnyer par la force; mais après la perte desdits assaulx , ilz se sont retirez et ont habandonné lesdites places, et nosdits gens de guerre de Cadouer les suyvent pour les combatre quelque part qu'ilz les pourront trouver. A tant, très chière et très amée fille, nostre Seigneur soit garde de vous.

Escript en nostre ville de Lyntz, le xxvne jour de décembre, Fan xvc xi.

P. S. Nous vous envoyons avec cestes une lettre que escripvons à nostre frère , le roy de France , que vous requérons lui envoyer incontinent.

Vostre bon père Maxi. — Plus bas, Renner.

1 Gradisca , à peu de distance de Goritz,

Opérations militaires pour surprendre les Vénitiens. Bataille prochaine peu probable. ■ — > (Original.)

(Munde, le 20 décembre.)

Très chière et très amée fille , en suyvant ce que vous avons dernièrement escript que en brief nous espérions donner la bataille aux Vénissiens qui estoient descendu en Friole , nous faisons marchier noz gens d'armes par la Cadouer * pour les surprandre par derrière et nous sommes icy tirer à diligence, tant pour les abuser comme pour soustenir à l'encontre d'eulx noz pays de Carinte ausquels autrement ilz pourroient faire de grans dommaiges ; et de ce qui nous surviendra vous advertirons. Nous trouvons que la bataille n'est point fort apparante ; car ilz se pourront par la mer tousjours retirer en leurs fors, mais au moins ilz seront enchâssez. A tant, très chière et très amée fille , nostre Seigneur soit garde de vous.

Escript a Munde, le xxixe de décembre xvc xi. Per Regem. — Plus bas, Botechou.

Mort de l'impératrice Blanche-Marie. — ( Original. )

( Fribourg en Brisgaw, le 3 janvier. )

Très chière et très amée fille , aujourd'hui à nostre grand regret , dueil , perturbation et grief douleur de cueur, avons eu la doloreuse nouvelle du trespas de

' Le pays de Cadore en Frioul.

nostre très chière et très amée compaigne, Blance- Marie', vostre belle-mère, laquelle, le dernier jour de décembre derrain passé , après avoir receu tous ses sacremens catholicquement et ainsi qu'il apartenoit à une tant vertueuse et honneste princesse, a rendu l'esperit à Dieu nostre créateur, auquel pryons lui faire mercy. Et puis qu'il a pieu à sa divinité le vouloir et souffrir ainsi , sachant qu'il est tout puissant, le prendrons en patience, et nous déportons, en tant que nostre fragilité se peut refréner, de toutes voluntez répugnantes à la disposition divine. Toutes voies avons une consolation que créons fermement que, selon sa vertueuse et sainte vye, elle soit avec les bien eureux ou royaume de paradis. Laquelle chose, comme à nostre bonne fille, avons voulu, à nostre grant desplaisir, signiffier; car nous savons que, tout ainsi que estes joyeuse de nostre bonne prospérité, serez desplaisante de la perte de nostre si bonne et vertueuse compaigne, l'âme de la quelle, comme de vostre bonne belle mère, vous recommandons, et de vouloir faire pryer pour icelle par toutes les églises et monastères de par delà.

Nous voulons que en faites porter le dueil par noz très chers et très amez enffans et chevaliers de nostre ordre, et aucuns des principaulx de nostre privé conseil seulement qui les accompaigneront à l'offrande, selon vostre advis , et aussi en faire et tenir obsèques solennelles, selon qu'il est requis et de coustume pour telle princesse.

' Fille de Galéas-Marie Sforce, duc de Milan, et de Bonne de Savoie, avait épousé en premières noces Philibert Ier, dit le Chasseur, duc de Savoie.

Donné en nostre ville de Fribourg en Brisco, le me jour de janvier xvc xi. Vostre bon père Maxi. — Plus bas, Hannart.

Intrigues de l'ambassadeur d'Angleterre avec les Vénitiens. Ses manœuvres auprès du pape pour le chapeau de cardinal. En avertir le roi d'Angleterre, et lui mander qu'une journée doit se tenir à Mantoue entre tous les alliés de la ligue de Cambrai, en le priant d'y envoyer son ambassadeur. Aifaire d'Aragon. Notification de la mort de l'impératrice au roi d'Angleterre. —

( Original. )

(Fribourg, le 4 janvier.)

Très chière et très amée fille, pour ce que l'archevesque de Cantorbye , ambassadeur de nostre frère et cousin , le roy d'Engleterre , devers nostre saint Père le pape , traitte et praticque journellement avec noz communs ennemis les Vénéciens et conforte en ceste partie à nostredit saint Père, dont à nostre grand préjudice et desplaisir, et le fait icelui archevesque à celle fin et soubz espoir de parvenir à la dignité de cardinal et flate le pape pour en avoir promesse de luy, et si tost qu'il l'auroit s'en relourneroit en Engleterre. Pourquoy désirons et voulons que escripvez incontinent audit roy d'Engleterre en la meilleur sorte que pourrez, l'advisant de ce que dessus, et que ne croyez que ces choses se facentde son sceu, vouloir et consentement , en le requérant d'escripre et prohiber à sondit ambassadeur de le plus faire , ains et au contraire vouloir adhérer, assister et conforter à nosdits ambassadeurs et à ceulx de noz frères et cousins , les roys d'Arragon et d'Escoce, lequel ambassadeur d'Escoce

s'en va aussi pour ayder à traitter la paix entre le pape et le roy de France.

En oultre, lui escripvez que, environ le xve de février prouchain, se doit tenir à Mantua une journée entre tous les confédérez et allyez de nostre ligne faite à Cambray pour traitter de paix entre le pape et le roy de France, et désirons fort que ledit roy d'Engleterre y voulsist envoyer ledit archevesque, son ambassadeur, pour ayder et assister nosdits ambassadeurs et ceulx desdits roys d'Arragon et d'Escoce qui tous se trouveront à ladite journée , à conduire et traittier ladite paix; et requérez fort affectueusement audit roy d'Engleterre de vouloir incontinent escripre et commander à sondit ambassadeur de se trouver de sa part à ladite journée et qu'il besongne et conforte léalment nosdits ambassadeurs et des roys dessusdits à la conduite d'icelle paix. Si voulons de rechef et vous requérons que incontinent et à dilligence ainsi Tescripvez audit roy d'Engleterre ; et qu'il vous veulle pour ce envoyer ses lettres à sondit ambassadeur et que vous les luy ferez adresser ; et en caz qu'il les vous envoyé, les nous envoyerez, et signimerez à dilligence la responce qu'il vous aura sur ce faicte.

Pour ce que avons de grandz et pesans affaires avec nostredit frère, le roy d'Arragon, désirons et avons advisé que mieulx vault les faire manyer, dresser et conduire par plus grand et nobles personnages que ceulx que avons de présent vers luy ; et nous semble que le pourrons faire pour une mesme clespence. Pour quoy pourrez mander à messire Claude de Cilly qu'il retourne vers vous et ordonner à nostre président de Bourgoingne qu'il y demeure aincores peu de temps et

tant que y viendront les autres personnages que y avons proposé envoyer, dont serez brief avertie par aucuns noz conseillers que entendons envoyer vers vous.

Nous vous requérons que faictes tousjours entretenir les postes depuis vous jusques en court de France,

Nous vous envoyons noz lettres audit roy d'Engleterre, par lesquelles luy signifiions les doloreuses nouvelles que avons eu du trespaz de nostre très chière et très amée compaigne, vostre belle-mère, à laquelle Dieu face mercy, afïin que les luy envoyez avec celles que luy escripverez. Et à tant, très chière et très amée fille , nostre Seigneur vous ait en sa garde.

Escript en nostre ville de Fribourg en Brisco , le ime jour de janvier xvc xi. Per Regetn. — Plus bas, Hannart.

Provision de chambellan de l'archiduc Charles pour Guilebert du Peschin. — {Original.)

(Lyntz, le 13 janvier.)

Très chière et très amée fille , pour ce que nostre chier et bien amé escuier, Guilebert du Peschin, a bien et honnestement servy feu nostre filz, le roy dom Philippe de Castille, que Dieu absoille, et nous aussi en toute nostre guerre d'Ytalie, nous, ce considérans et qu'il est homme pour encoires povoir bien servir nostre filz, l'archiduc Charles , luy avons accordé ung estât de chambellan de la maison d'icellui nostre filz, ou lieu du feu sieur de Boussu, ou autre vacant, tousjours compte

ET DE MARGUERITE SA FILLE. — 1511. 471 comme les autres chambellans du nombre des gentilzhommes que avons dernièrement ordonnez à nostredit filz; et à celle cause se tire présentement devers vous. Sy vous requérons le recevoir et faire mectre en possession dudit estât de chambellan , et au surplus en ses affaires l'avoir pour recommandé. En quoy faisant vous nous ferez chose agréable. A tant, très chière et très amée fille , nostre Seigneur soit garde de vous.

Escript en nostre ville de Lyntz, le xine jour de janvier, Fan xvc xi. Vostre bon père Maxi. — Plus bas, JRenner.

L'Empereur recommande à Marguerite de veiller à l'entretien des postes vers la France , afin qu'il puisse être informé avec promptitude des négociations de son ambassadeur auprès du roi de

France. — (Original. )

(Lintz, le 14 janvier. )

Très chière et très amée fille , pour ce qu'il est aussi nécessaire d'entretenir la posterye jusques vers nostre frère, le roy de France, que jamais, à celle fin que d'heure à autre puissons estre adverty du besongne de nostre amé et féal chevalier et conseiller, messire Andrieu de Burgo, que despeschons présentement pour retourner vers nostredit bon frère, aussi que entendons que icelle posterye et celle dez noz pays de par delà jusques par deçà sont mal payées et entretenues , comme nostre maistre des postes nous a fait déclairer, et qu'il estoit délibéré de oster lesdites postes, par faulte de payement ; à ces causes nous vous requérons très acertes que sur ce pourvéez que lesdites pos-

teries puissent estre entertenues et payées, et mesmement celle de France, jusques a ce que ledit messire André aura la fin de sa présente charge; car nostre plaisir est tel. A tant , très chière et très amée fille , nostre Seigneur soit garde de vous.

Donné en nostre ville de Lints, le xiine jour de janvier, Fan xvc xi. Per Regem. — Plus bas, Renner.

Arrivée d'André de Burgo auprès de l'Empereur, avec une mission du roi de France. Le traité qui se conclut avec les Vénitiens ne permet pas de prendre une résolution sur les matières de cette mission. A. de Burgo se rend à Inspruck pour en délibérer avec d'autres conseillers. La mauvaise volonté des Vénitiens a retardé la paix. Le pape persévère en ses bonnes dispositions. Nécessité de conserver l'amitié de la France. — ( Original. )

( Lintz , le 19 janvier. )

Très chière et très amée fille, nostre amé et féal chevalier et conseillier, messire André de Bourgo , est depuis naguères arrivé devers nous , lequel nous a déclaré la charge qu'il avoit à nous de par nostre bon frère , le roy de France, qui est fondée sur trois points principaulx, dont, comme il nous a dit, vous a par cy-devant adverty de la substance; c'est assavoir sur guerre , paix ou plus grande restrainte et intelligence, pour l'augmentation de nos deux maisons.

Et, pour ce que sommes en trahain, comme sçavés, de faire une paix avec les Venissiens , et que de jour à autre attendons avoir la conclusion d'icelle, nous avons différé de prendre résolution sur la charge dudit messire André,

ET DE MARGUERITE SA FILLE. — 1511. 473 Et, pour éviter que nostredit frère ne prande à ce aucune suspicion sur nous, nous envoyons présentement ledit messire André en nostre ville d'Insprugg, atout nostre résolution, devers nos conseilliez , les évesques de Gurce , messire Paul de Liechterstain , et nostre chancelier Serutein , qui aussy se doibvent illec trouvé , avec le seigneur de la Villeneufve, ambassadeur de nostredit bon frère , pour, en présence d'iceluy ambassadeur, recevoir et prendre d'iceux nos conseillers, nostredite resolution sur sadite charge ; car nous espérons que cependant surviendra la conclusion de la paix du pape , selon laquelle et que iceux nosdits conseillers trouveront lors nos affaires disposez, ils pourront bailler ausdits ambassadeurs et messire André nostre résolution ; et de ce que en sera fait vous advertirons bien et au long.

Lesdits Vénissiens, par leurs maulvaises voulentés, ont adez retardé ladite paix , cuidans tant faire que lesdits pape et nostre frère, le roy d'Arragon, deussent commancer la guerre contre nostredit frère, le roy de France; auquel cas lesdits pape et roy d'Arragon ne s'eussent peu bonnement sitost retirer de la guerre , ny iceluy nostre frère , le roy de France , nous donner secours ; car il eust eu assés affaire à l'encontre d'eulx , et partant entendoient de regagner tout ce que avons pris sur lesdits Vénissiens ; car ils eussent mis toute leur puissance à l'encontre de nous.

Mais nous sommes advertis que ledit pape persévère en son bon vouloir, et est la chose encores en bon trahain pour nous faire avoir la paix; car il a mandé a l'ambassadeur desdits Vénissiens qui estoit près de Home, de se haster et faire la conclusion de ladite

paix, ou autrement luy et nostredit frère, le roy d' Arragon , mettront toute leur puissance à l'encontre d'iceux Vénissiens ; ainsy que espérons dedeans quatre ou six jours au plus tard avoir ladite paix.

Et soit que ayons icelle paix ou non , si nous semble il que pour le bien , proufit et entretenement de nos maisons d'Autriche et de Bourgogne, nous devons entretenir en bonne amitié ledit roy de France, et à ce con tendre par tous moyens; priant à tant nostre Seigneur qu'il , très chière et très amée fille, soit garde de vous.

Escrit en nostre cité de Lynts, le 49e jour de janvier, l'an 1511. Per Regem. — Plus bas, Rentier.

Différer les alliances jusqu'à la conclusion de la paix avec les Vénitiens. Remerciements pour les soins que la princesse met à entretenir les garnisons de Brabant et de Hollande, et à recouvrer les aides. Prise de Wercken et du comte de Hornes. L'Empereur n'accepte pas la résignation que l'audiencier voudrait faire de son office. Affaire des Suisses avec la France. Si les Suisses veulent pénétrer en Bourgogne , il faut faire rentrer les sujets du comté avec leurs biens , dans les places fortes , et ne point avoir querelle avec ces Suisses qui sont très mauvais vil-

lains. — ( Original. )

(Linlz, le 19 janvier.)

Très chière et très amée fille , nous avons receu la responce que nous avez faicte au contenu des lettres que vous avons escriptes par ung de noz paiges, laquelle nous prenons bien et nous en contentons.

Et quant au fait des aliances, nous sommes aussi bien d'oppinion de tenir la chose en suspens , jusques

ET DE MARGUERITE SA FILLE. — . 1511. 475 à ce que aurons une fin de la paix que attendons de jour à autre avoir avec les Vénissiens; et à celle cause retenons les articles que avez conceuz par delà sur le fait desdits aliances , lesquelz , après ladite paix faicte , vous renvoyerons et vous advertirons amplement comment vouldrons être fait en icelles aliances.

Depuis, nous avons encoires receu deux voz lettres : l'une du xve et l'autre du xxixe de décembre dernier passé.

Sur quoy nous vous mercyons grandement la peine que prenez à mectre ordre et bonne reigle sur le fait des garnisons en noz pays de Brabant et de Hollande, et de la bonne solicitude et diligence que faictes de recouvrer aydes des Estas d'iceulx pays pour l'entretenement des gens de guerre qui convient entretenir; et nous plaist très bien ce que en avez fait et ordonné jusques à oires, vous requérant y vouloir continuer et sur le tout adez pourveoir et ordonner avec l'ayde de ceulx de nostre conseil de par delà, comme trouverez estre affaire pour le mieulx , et que les affaires le requerront; car dez icy à grant peine vous y sçaurions donner conseil à propos ou grande assistence.

Quant à ce que nous escripvez que ne sçavez se avons receu aucunes lettres que, puis aucun temps ença, nous avez escriptes et mesmement touchant la prinse de Wercken et de nostre cousin, le conte de Hornes ',

' Jacques III, comte de Hornes, chevalier de la Toison d'or, mourut le 7 août i53i, sans postérité de ses trois femmes, Marguerite de Croy, Claude, légitimée de Savoie, et Anne de Bourgogne. Son titre passa donc à son frère , Jean II , qui lui-même n'ayant pas d'enfants, adopta ceux de sa femme, Anne d'Egmont, veuve de Joseph de Montmorency, seigneur de Nivelle. C'est ainsi que le comté de Hornes fut dévolu à cette

nous vous advertissons que depuis ung mois ou vi seponaines ença avons receu autres trois ou quatre voz lettres ausquelles vous avons adez fait responce à ce que faisoit à respondre et assez entendu, entre autres choses, par une d'icelle voz lettres la dessusdite prinse, laquelle avons prinse en patience , sans en faire autre semblant; car nous sçavons bien l'avez eue aussi à regrect que nous mesmes, et pourvéez à l'affaire dudit Worsken aux mieulx que pourrez, et que noz subgectz de par delà en reçoyvent le moins de dommaige qu'il sera possible.

Quant à l'assemblée de tous les Estas de noz pays de par delà en général, nous sommes bien de cest advis.

Au surplus, nous vous avons dernièrement escript que ne voulons point consentir à la résignation que nostre audiencier veult faire dudit estât d'audiencier, et encoires de rechief vous en advertissons ; car nous voulons estre servy de luy en icellui estât '.

Au regard des Suyches, il est bien vray qu'ilz sont retirez du duché de Millan et que nostre frère , le roy de France, leur a fait présenter lxxv"1 florins d'or pour avoir appoinctement avec eulx; à quoy les aucuns sont esté enclins de prandre l'argent et les autres d'oppinion contraire, et sont ainsi retournez en Suyche; mais nous sommes au vray advertis qu'ilz ont eulx voulenté d'aller contre nostredit frère par la duchié de Bourgogne. Par quoy nous avons incontinent ce escript

maison illustre, circonstance que m'a rappelée M. le baron de%eiffenberg, et qui est omise dans l'Art de vérifier les dates. Chronologie des Mon tmorency .

' Voir ci-dessus la lettre du 16 décembre i5ii.

ET DE MARGUERITE SA FILLE. — 1511. 477 à nostre cousin, le sieur de Vergy *, à celle fin qu'il vueille à ce avoir bon regard.

Et s'il congnoist ou entend que lesdits Suyches vueille faire le dessusdit voiiaige, faire retirer tous les biens et bestials des subgectz dudit conté es fortes villes et chasteaux d'icellui conté; car ilz ne seroient pas puissant de empeschier le passaige desdits Suyches; et sommes encoires d'oppinion que escripvez à nostredit cousin et à voz conseilliez oudit conté que, ou cas que lesdits Suyches vueillent passer par ledit conté , ilz y pourveoient tellement que iceulx subgectz ne puissent estre d'eulx guères adommaigez et se conduysent oudit affaire qu'ilz ne tombent en différendt avec lesdits Suyches; car ce sont très maulvais villains qui ne serchent que querelles, comme congnoissez bien journellement par efïect. Priant à tant nostre Seigneur qu'il, très chière et très amée fille , nostre Seigneur soit garde de vous.

Escript en nostre ville de Lyntz , le xixe jour de janvier, l'an xvc xi. Per Regem. — Plus bas, Renner.

Guillaume Normant , omis sur l'ordonnance des offices de la

maison du prince Charles, y est rétabli en qualité de contrôleur

des finances. — ( Original. )

(Lintz, le 19 janvier.)

Très chière et très amée fille , nous avons receu voz lettres du xxe jour de décembre, par lesquelles faictes mencion des remonstrances que Guillaume Normant , contreroleur de noz finances , vous a faictes à cause

' Guillaume de Vergy, maréchal du comté de Bourgogne.

qu'il a esté obmis mectre es ordonnances que avons dernièrement faictes des offices de l'hostel nostre filz Charles et finances de par delà, oudit office de contreroleur à dix-huit solz par jour, selon les lettres qu'il a de nous dudit office , nous requérant à ce avoir regard et sur ce vous mander nostre bon plaisir, soit de le relever de l'obmission d'icelle ordonnance ou autrement le pourveoir. Sur quoy, très chière et très amée fille, vous advertissons que sommes bien content que pourvéez ledit Guillaume touchant ledit estât de contreroleur, comme vous et ceulx de nostre conseil de par delà trouverez estre affaire pour le mieulx. Et du tout vous en donnons entière puissance , si comme à celle qui désire le bien et prouffit de nous et noz très chiers et très amez enffans , et qui en sçaura bien ordonner. Priant à tant nostre Seigneur qu'il, très chière et très amée fille, soit garde de vous.

Escript en nostre ville de Lyntz , le xixe jour de janvier, l'an xvc xi. Per Regem. — Plus bas , Renner.

L'Empereur renouvelle l'ordre de délivrer à Philippe Lombart les lettres de collation d'un canonïcat vacant parle décès du doyen de l'église Saint-Gomard , de Liere »". ■ — {Original.)

( Wels, le 22 janvier. )

Très chière et très amée fille , nous vous avons naguères escript comment désirions que feissiez despeschier à nostre bien amé fourrier de nostre hostel , Philippe Lombart, noz lettres de collation de la chanonye

1 Voyez ci-dessus, p. ^5g, une lettre du i5 décembre i5ii.

ET DE MARGUERITE SA FILLE. ~ 1511. 479 de l'église Saint-Gomard, en nostre ville de Lyere, vacant à nostre disposition par le trespas du doyen d'icelle église, et appartenant audit Philippe par le tour de nostre roolle. Toutes voyes nous entendons que n'en avez encoires riens fait au moyen de quelque empeschement à ce fait à icellui Philippe par ung esleu audit doyenné. Et pour ce que voulons ledit Philippe estre entretenu en sondit tour de roolle, sans luy souffrir à ce estre fait ou baillier aucun empeschement au contraire par qui que ce soit, nous vous requérons bien acertes que, incontinent et sans plus de délay, vous faictes despeschier audit Philippe noz lettres de collacion de la dessusdite chanonye ; et vous nous ferez chose agréable. Priant à tant nostre Seigneur qu'il , très chière et très amée fille , soit garde de vous.

Escript en nostre ville de Wels, le xxne jour de janvier, l'an xvc xi. Per Regem. — Plus bas, Renner.