MARGUERITE A MAXIMILIEN
Condoléances sur la mort de l'impératrice Blanche-Marie. —
( Minute. )
( Janviei . )
Mon très redoubté seigneur et père , etc.
Monseigneur, j'ay par voz lettres du ine de ce mois, qu'il vous a pieu m'escripre, entendu voz piteuses et lamentables nouvelles du trespas de feue madame ma belle-mère , qui m'ont esté fort desplaisantes pour la tristesse que sçay en avez souffert, et pour la grande affection que avoye à elle , avec ce que c'estoit une princesse tant vertueuse et extimée que je ne congnois cueur de pierre si inhumein qui n'en doise avoir regret et desplaisir. Toutes voyes, Monseigneur, veu et considéré que ce desplaisir n'y peult aucunement aydier, ains plustost procurer maulx et maladies incurables, et que c'est chose si naturelle de payer le tribut de nature que nul, seit grant ou petit, n'en peult eschapper, se convient avoir de la vertu de patience et, en postposant ce dueil corporel, venir à la consolacion céleste et remémorer la belle et saincte vie qu'elle a mené jusques à l'heure de son trespas , et la belle grâce que nostre Seigneur luy a fait d'avoir receu tous ses sacremens, et en si belle cognoissance et repentance de ses peschez, à l'heure de sondit trespas, que croyons clèrement son âme estre colloquée au royaulme de paradis, et pour plutôt y parvenir, se d'aventure, elle fust es peines de purgatoire, ne reste que faire faire prières et oraisons pour le remède d'icelle. A quoy, Monseigneur, je me acquiteray de ma part en bonne et
482 LETTRES DE MAXIMILTEN
obéissante fille , et accompliray certainement ce que m'avez mandé, vous suppliant oster tout regrectz de vostre cueur et vous conformer à la voulenté divine et remercier nostre Seigneur de ce qui luy a pieu en faire, considérant qu'il fait toutes choses pour le mieulx.
Diverses affaires à traiter plutôt avec l'ambassadeur de Frauce qu'avec le roi , son maître. Jean Venatoris , promu au titre de conseiller de l'archiduc Charles. Affaire des ducs de Clèves et de Juliers remise à la journée impériale. — ( Original. )
(Nuremberg, le 6 février.)
Très chière et très amée fille, nous avons receu trois voz lettres du xnne et xve jour de janvier dernier passé.
Sur quoy, quant à vostre advertissement touchant le différend devers ceulx de Nevers et autres questions des hommaiges d'Oostervan, Waze , Riplemonde et autres parties mouvans de nostre empire , nous le prenons bien; mais il nous semble estre meilleur faire traictier ces matières par le maistre d'ostel , Rigault Doreilles ' , que d'en escripre à nostre frère , le roy de France. Par quoy nous luy ferons le tout communiquer pour en faire son rapport a nostredit frère et en besongnier avec luy, selon vostre advis, et que le désirez.
En tant qui touche la requeste à vous faicte, de la part de maistre Jehan Venatoris, licencié es loix,
' Iligaut Daurelle était, dès i5oc), ambassadeur de Louis XII auprès de l'Empereur. Voyez Lettres de Louis XII, III, 'j5i.
ET DE MARGUERITE SA FILLE. — 1511. 483 pour Testât de conseillier et solliciteur aux honneurs de nostre filz , l'archiduc Charles , en court de parlement, à Paris, attendant le premier lieu ordinaire, nous sommes bien contens que luy accordez ledit estât, se le trouvez à ce ydoine.
Au regard de noz cousins de Clèves et Juilliers , nous avons bien entendu, tant par vosdites lettres que autrement, les praticques que leur sont faictes; mais comme vous avons autreffois escript , nous avons remis leur affaire sur nostre journée impériale , où nous espérons y pourveoir de si bonne sorte qu'ilz auront cause eulx contenter, Dieu en ayde; qu'il, très chière et très amée fille, soit garde de vous.
Escript en nostre ville de Nuremberg, le vie jour de février, l'an xvc xi. Per Regem. — Plus bas, Renner.
L'Empereur mande qu'il est venu à Nuremberg pour vider le différend qui existe entre l'archevêque de Mayence et le duc de Saxe. Il est informé que les Vénitiens diffèrent le traité de paix le plus qu'ils peuvent. S'ils persistent , le pape fera une ligue avec l'Empereur et le roi d'Aragon. — {Original.)
(Nuremberg, le 7 février.)
Très chière et très amée fille , depuis que vous avons dernièrement escript, nous sommes venuz en ceste ville, en intencion de appaiser le différend estant entre l'archevesque de Meiitz ' et nostre cousin , le duc Frédéric de S^axssen ; .car se délaissions icelluy sur nostre
1 Uriel, dit le Hardi, occupa le siège de Mayence depuis l'an ioo8 jusqu'à sa mort, arrivée le g février i5i4-
journée impériale, il empescheroit beaucoup nostre affaire. Et ce fait, sommes délibérez nous tirer à ladite journée impériale.
Nous avons aussi eu nouvelles de Homme , comment les Vénissiens délayent l'appoinctement tant qu'ils peuvent. Parquoy nostre saint Père le pape nous a fait escripre que s'ils ne se condescendoient à ladite paix , qu'il et nostre frère, le roy d' Arragon, feront une ligue avec nous contre lesdits Vénissiens; et espérons avoir brief nouvelles de l'un ou de l'autre. Dont de ce qui nous en surviendra vous advertirons, Dieu en ayde, qu'il, très chière et très amée fille, soit garde de vous.
Escript en nostre ville de Nuremberg , le vne jour de février, l'an xvc et xi.
Élection des échevins du Franc de Bruges. Matière délicate. —
( Original, )
( Nuremberg , le T fe'vrier. )
Très chière et très amée fille, nous avons receu les lettres que nous avez escriptes, du xxiine de novembre dernier passé , touchant aucune requeste et remonstrance à vous faictes par les bourgmaistres et eschevins de nostre terroir du Franc , à celle fin que leur vueillions accorder que toutes et quanteffois que aucun desdits eschevinaiges escherra vacant, lesdits bourgmaistres et eschevins nous donront et envoyeront par escript les noms et surnoms de quatre francs-hostes dudit terroir les plus ydoines et souffisans qu'ilz sauront trouver et aviser à l'exercice dudit eschevinage,
ET DE MARGUERITE SA FILLE. — 1511. 485 pour d'iceulx personnaiges ainsi envoyez et dénommez prandre l'un et le pourveoir de l'eschevinaige ainsi vacant , ou lieu du trespassé , comme il dient autreiFois avoir fait en vertu d'un prévilége de feu monseigneur le duc Jehan, et d'un autre accord de feu nostre filz, le roy dom Philippe , dont Dieu aient les âmes.
Sur quoy, très chière et très amée fille, vous advertissons que, pour ce que trouvons ceste matière grandement touchant à l'auctorité et préhéminence de nous et noz très chiers et très amez enffans, et que ne voulons faire aucune chose à ce préjudiciable , nous ne sommes point en voulenté de faire le dessusdit accord; mais vous povés bien advertir lesdits bourgmaistres et eschevins de nostredit terroir du Franc que sommes bien en intencion de pourveoir ausdits eschevinaiges , quant ilz escharront decy en avant vacant, de gens ydoines et si souffisans qu'ilz auront bien cause eulx en contenter. Priant à tant nostre Seigneur qu'il, très chière et très amée fille, soit garde de vous.
Escript en nostre ville de Nuremberg, le vne jour de février, l'an xvc xi. Per Regem. — Plus bas, Renner.
Mauvaises nouvelles de l'armée. Venue du duc de Saxe et d'autres princes vers l'Empereur, qui désire entendre leur avis sur les affaires de l'empire et les siennes. — ( Original. )
(Nuremberg, le 11 février.)
Très chière et très amée fille , nous avons puis naguères receu aucunes voz lettres , datées des xxvme et dernier de janvier passé avec une petite lettre escripte
de vostre main et la dernière du premier de février, et par lesdites dernières entendu la desfortune qu'est advenue aux nostres, dont il nous en desplaist amèrement; mais puisqu'il est ainsi advenu, il nous en fault avoir la pacience et recommander les choses à Dieu.
Et pour ce que nostre cousin , le duc de Sacchsen , avec aucuns autres princes viendront icy devers nous, nous voulons avoir en toutes choses concernant les affaires de l'empire et les nostres aussi leur bon advis; et cependant nous espérons avoir bonnes nouvelles de Romme et aussi de noz conseilliers qui sont présentement à Ysbroug, traictant avec les ambassadeurs du roy de France ; et alors vous déclairerons nostre intencion sur vosdites trois lettres et mesmement sur la petite escripte de vostre main. Car après ce nous nous pourrons tant mieulx régler en tous noz affaires et vous signiffier nostre résolucion sur le tout. A tant , très chière et très amée fille, etc.
Donné en nostre ville de Nuremberg , le xie jour de février, l'an mil vc et xi. Per Regem. — Plus bas, Renner.
Assaut donné avec perte à la ville de Bologne par l'armée du pape et du roi d'Aragon. Le duc de Nemours en a fait lever le siège. Brescia prise par les Vénitiens. Défaite des Vénitiens près deLescale. Le pape et le roi d'Aragon veulent obliger les Vénitiens à faire la paix avec l'Empereur. — ( Original. )
( Vintzer, le 22 février.)
Très chière et très amée fille , hier nous sont venues nouvelles comment l'armée de nostre saint Père le pape et de nostre frère, le roy d'Arragon, a esté par l'es-
pace de douze jours devant la cité de Boulongne et icelle batue d'artillerye jusques à y donner l'assault ; ce qu'ilz ont assayé par aucunes fois ; et à ce faire sont bien demeurez cent hommes mors ; mais les gens de nostre frère , le roy de France, estans deans ledit Boulongne, y ont obvier et résister qu'ilz n'ont riens prouffité ausdits assaulx ' . Aussi , nostre cousin , le duc de Nemours, a rassemblé tous les gens d'armes de nostredit bon frère , le roy de France , qui estoient ou duché de Millan , et atout iceulx s'est approuché dudit Boulongne, en intencion de, avec les gens d'armes qui estoient desjà en icelle cité , lever ledit siège et combatre la dessusdite armée ; de quoy icelle armée a esté advertye; et considérant qu'ilz nepovoient riens prouffiter audit Boulongne se sont retirez d'illec à leur avantaige.
Et ce pendant que les gens de nostredit frère, Je roy de France, venoient audit Boulongne, comme dit est, nostredit cousin de Nemours a eu nouvelles comment les Vénissiens avoient gangnié la cité de Bresse3 par aucune intelligence qu'ilz avoient deans icelle cité; sur quoy, icellui nostredit cousin et les gens de nostredit frère ont esté en deux propositions à sçavoir, si devoyent suyr la dessusdite armée ou retourner secou^ rir les gens d'icellui nostre frère qui s'estoient retirez ou chasteau dudit Bresse avec ceulx d'icelle cité tenans leur party.
' Le dernier et principal assaut eut lieu le 28 janvier, suivant une lettre latine d'André de Burgo à Marguerite, en date du 5 février suivant.
2 Brescia, qu'occupaient les Français, fut reprise par les Vénitiens, qui avaient mis dans leurs intérêts divers habitants notables de la ville, à la tête desquels s'était mis le comte Ludovic Advogado.
Et pour résolution , leur a semblé que de suyr la devantdite armée ilz n'y sçauroient guères prouffiter ; car ilz se retiroient tousjours à leur avantaige et eussent eu grant disette de vivres à cause de l'yver; et ont conclu de aller audevant par derrier desdits Vénissiens pour les surprandre et enclorre contre ledit Bresse ; et en ce faisant et eulx venus prez de Lescalle , trois lieues d'Allemaigne prez de Véronne, ont rencontré vic lances desdits Vénissiens avec un grant nombre de leurs piétons desquelz ilz ont tué et desfait, comme il nous a esté escript, environ 1111e lances et la pluspart de leursdits piétons et gaingnié xx pièces de leur artillerye ; et les autres 11e lances se sont mis à la fuyte et en y a beaucop de nyez sur la rivière nommée Ladiesse (?), et sont passez oultre les gens de nostredit frère , le roy de France , pour desfaire lesdits Vénissiens qui sont demeurez audit Bresse , secourir leurs gens qui sont ou chasteau d'illec et prandre six grandes pièces d'artillerye que iceulx Vénissiens avoient desjà envoyé pour batre et gaingnier ledit chasteau; dont de ce que nous en surviendra vous advertirons plus au long.
D'autre part , nous avons nouvelles de Romme comment nostredit saint Père et l'ambassadeur de nostredit frère, le roy d'Arragon, on fait le concept de la paix qu'ilz vueillent que les Vénissiens facent avec nous, et icellui envoyé ausdits Vénissiens par ung secrétaire de nostredit saint Père, auquel ilz ont donné charge de présenter icellui concept, et attendu que lesdits Vénissiens ont, passé a trois mois, toujours dilayé ladite paix, ordonné de non sur ce attendre leur responce et finale résolution plus hault de quatre jours;
ET DE MARGUERITE SA FILLE. — 1511. 489 et que se, iceulx passés, ilz n'aceptent ladite paix, faire protestation que par leur reffus et deffault , icelle paix demeure à faire, et que par ce ilz rompent la ligue qui est entre eulx et ne leur sont en riens plus obligé ; ains nostredit saint Père et frère , le roy d' Arragon , pour ce se déclairent dès là en avant à l'encontre d'eulx et de leur faire la guerre avec nous jusques à ce que nous raurons d'eulx ce que par le traictié de Cambray nous doit appartenir.
A ceste cause, nous ne vous povons bonnement faire responce sur les lettres que nous avez escriptes dernièrement jusques à ce que aurons la fin dudit présent affaire, que espérons de avoir bien brief, et selon ce, vous advertir de toutes choses amplement, Dieu en ayde, qu'il, très chière et très amée fille, soit garde de vous.
Escript en nostre ville impériale de Vintzer, le xxiie jour de février, l'an xvc xi. Per Regem. — Plus bas, Renner.
Maximilien demande l'avis de sa fille sur ce qu'il y a à faire au sujet de la demande du jeune duc de Clèves pour l'investiture des duchés de Juliers et de Berg. Ligue à redouter en cas de refus. Prétentions de la maison de Saxe sur lesdits duchés. — ( Original. )
( Wiertbourg, le 24 février.)
Très chière et très amée fille, pour ce que par pluiseurs fois nous avez escript que voulsissions bailler l'investiture au jeune duc de Clèves ' des duchiez de Juil-
' Jean, fils aîné du duc de Clèves, né en novembre i4qo, avait des
lers et des Mons ' , et que aviez entendu qu'il y avoit praticque sur main pour, à nostre reffuz, faire une ligue entre le roy de France, ledit duc de Clèves, l'évesque de Liège et messire Charles de Gheldres, aussi que par aventure ledit duc de Clèves pourrait donner sa sœur audit messire Charles, que serait à nous et nostre filz , l'archiduc Charles , à gratis et insuportables dommaiges.
Nous vous advertissons que depuis naguères ledit jeune duc de Clèves a envoyé devers nous ung de ses conseilliers nous requerre pour avoir ladite investiture. Sur quoy nous lui avons fait responce que avons remis le fait d'icelle investiture jusques à la prouchaine journée impériale qui se doit tenir, et à ce propos, donné toutes bonnes et gracieuses parolles pertinentes ; mais nous avons bien apperceu dudit conseiller que ledit jeune duc, son maistre , ne se contentera guères de nostredite responce et que pour ladite investiture il ne vouldra attendre sur ladite journée impériale, ains conclurait l'avantdite ligue avec les François et autres dessusnommés, sans point avoir de fiance à nosdites parolles ne se vouloir submectre desdits duchiés sur aucuns articles ou faire quelque appoinctement amiable et par justice ; car il doubte bien qu'il n'y ait guères de droit. Par quoy nous avons sur le tout bien pensé et considéré que se ledit duc de Clèves concluoit ladite aliance, comme dit est, elle nous pourrait estre bien dommaigeable en pluiseurs manières.
droits sur les duchés de Berg et de Juliers, à cause de sa femme Marie, fille et héritière universelle du duc Guillaume VIII.
1 Les mots Berg et Mont ont la même signification. Dans les titres latins, le duché de Berg est toujours nommé Montensis ducatus.
ET DE MARGUERITE SA FILLE. — 1511. 491 D'autre part , que les ducz de Zaexssen ont par ci devant euz de feu nostre seigneur et père, l'empereur Frédérich , que Dieu absoille , promesse et l'investiture dédits duchiez, au cas qu'elles advinssent et escheyssent à l'empire , comme il est advenu ; laquelle promesse nous avons confermée; aussi qu'ilz sont bien puissans et ont beaucop d'amis et adhérans par toutes les Allemaingnes , à raison de quoy nous ne les sçaurions bonnement habandonner ne leur faire tort en leur droit.
Et pour ce que ces matières sont de grande importance, nous vous requérons que semblablement y vueillez bien panser, et à ceste cause envoyer devers nous un g de voz conseilliers ou secrétaires privez , par lequel nous vueillez amplement advertir cle vostre bon advis sur ce, et s'il vous semble que l'on y pourroit trouver quelque appoinctement au contentement desdites parties, avec lequel vostredit conseiller ou secrétaire disputerons aussi lesdites matières et lui en déclairerons nostre advis pour vous en faire le rapport, Dieu en ayde qu'il, très chière et très amée fille, soit garde
Donné en nostre ville de Wiertzbourg, le xxime jour de février, l'an xvc xi. Vostre bon père Maxi. — Plus bas, Renner.
Succès devant Hueckelein. Avantages remportés par le duc de Nemours en Italie. S'informer de ce que l'ambassadeur d'Angleterre va faire auprès du pape. — (Original.)
(Francfort, le 1er mars.)
Très chière et très amée fille , nous avons receu voz lettres. du xxie de février dernier passé, et entendu la bonne fortune qui est advenue devant Hueckelein, dont avons esté bien joyeulx , espérant que , Dieu en ayde , elle se retournera de nostre cousté de bien en mieulx.
Et ensuivant ce que vous avons dernièrement escript, nous avons aussi eu nouvelles de nostre cousin , le duc de Nemours, du xme jour dudit mois , où entre autres choses il nous advertist que , après avoir mis bonne provision à Bouloigne, il se partist d'illec avec la reste des gens d'armes qu'il a voit de nostre bon frère, leroy de France, pour venir devant Bresse, et que en chemin lui sont venues nouvelles que messire Jehan Paule Bâillon avec cincq cens hommes d'armes, nm piétons à pied , une bende de chevaulx légiers et quelques pièces d'artillerye légière estoient sur chemin pour aller deans Bresse avec les autres gens des Vénissiens qui y estoient desjà. Sur quoy il se voulsist retirer et passer par Ysolle de l'Escale, et incontinent envoya une bende de gens d'armes devant pour veoir que c'estoit; lesquelz rencontrèrent lesdits ennemis vénissiens , les rompirent et tuèrent d'eulx environ n ou nic hommes de pied , xxx ou xl hommes d'armes et pluiseurs prins , d'entre lesquelz fut prins le conte Guy Rangon et ung capitaine de chevaulx légiers; et s'il ne luy
ET DE MARGUERITE SA FILLE. — 1511. 493 eust convenu de partir pour la nuyt qui les surpruist r ilz eussent pourté plus grand dommaige ausdits Vénissiens.
Et deslà s'est tiré nostre cousin le duc de Nemours
pour aller audit Bresse * et
et gaingnier messire Andrieu qui est celle part
atout iiic hommes d'armes, une bende de chevaux légiers et de gens à pied, de sorte qu'il n'en retournera point ung d'iceulx; dont de ce qu'il nous en surviendra vous advertirons. A tant ? très chière et très amée fille, nostre Seigneur soit garde de vous.
Donné en nostre ville de Franckefort , le premier jour de mars , l'an xvc xi. Vostre bon père Maxi. — Plus bas, Renner.
P. S. Et pour ce que par vosdites lettres nous advertissez comment ung ambassadeur de nostre bon frère , le roy d'Angleterre , doit aller devers nostre saint Père le pape , nous vous requérons que , par tous les meilleurs moyens que sçaurez, vous sachiez de luy la charge qu'il a devers nostredit saint Père ou ailleurs , et de ce nous en advertissez incontinent.
Maximilien invite sa fille à lui envoyer un gentilhomme ou secrétaire pour résider auprès du duc de Nemours , au nom de l'Empereur, et tenir celui-ci au courant des événements qui surviendront en Italie. ■ — - ( Original. )
(Francfort, le 1er mars.)
Très chière et très amée fille , pour ce que désirons avoir auprez de nostre cousin , le duc de Nemours ,
' Le duc de Nemours reprit Brescia d'assaut le 18 février; et, entre autres prisonniers qu'il y fit, se trouvait le comte Advogado qui avait livré la ville aux Vénitiens,
quelque personnaige qui nous advertisse des affaires et occurrances qui journellement surviennent es Ytales, et qui saiche traicter et commun icquer avec nostredit cousin des affaires que lui ordonnerons, nous vous requérons que vueillez adviser de envoyer incontinent devers nous quelque honneste gentilhomme ou secrétaire pour faire la charge dessusdite ; et à sa venue nous lui ferons délivrer noz instructions comment il se aura a conduire. A tant, très chière et très amée fille, nostre Seigneur soit garde de vous.
Donné en nostre ville de Franckfort, le premier jour de mars, l'an xvc xi. Per Regem. — Plus bas, Renner.
L'Empereur invite sa fille à foire dresser, pour être présenté au pape , un mémoire en latin concernant les droits du prince Charles sur le duché de Gueldre , en y marquant que Charles de Gueldre a violé le traité de Cambrai , en dépit de la ligue dont le pape est le chef. — ( Original. )
( Wisbaden, le 3 mars.")
Très chière et très amée fille, pour ce qu'avons intencion de donner à congnoistre au pape le droit et action que nostre très chier et très amé filz , l'archiduc Charles, a et lui doit appartenir au duché de Gheldres et le requérir de à ce vouloir baillier son assistence spirituelle par le ban papal , nous vous requérons que incontinent vueillez faire faire par ceulx de nostre conseil de par delà bonne et ample déclaration en latin dudit droit et des tiltres y servans, mesmement comment il a rompu le traictié fait à Cambray, au despit
de la saincte ligue apostolique , de laquelle ledit pape est chief, et de tous autres roys et princes de la mesme ligue , et le tout nous envoyer pour nous en aydier à l'intencion dicte. A tant, très chière et très amée fille, nostre Seigneur soit garde de vous.
Escript en nostre ville impérialle de Wysbaden , le 111e jour de mars, l'an xvc xi. Per Regem. — Plus bas, Botechou.
L'Empereur annonce qu'il écrit aux États afin de les rendre plus favorables à la proposition qui leur a été faite. — ( Original. )
(Koquem, le 8 mars.)
Très chière et très amée fille, nous avons receu les lettres que nous avez dernièrement escriptes avec le double de la proposition qu'avez fait faire à ceulx des Estas de tous noz pays de par delà, et le tout bien entendu; et affin que lesdits des Estas soient plus enclins de faire bonne responce sur ladite proposition, nous, ensuyvant icelle, escripvons présentement à iceulxdes Estats, et à noz villes de par delà particulièrement, comme entendrez par le double d'icelles que, ensemble lesdites lettres, vous envoyons avec cestes, et vous requérons de incontinent les faire envoyer par tout nosdits pays et tousjours tenir la main au bien et effect de ladite journée , comme trouverez estre nécessaire ; vous merciant chièrement du bon devoir et diligence que jusques à oires y avez fait qui , avec vostredite besongnye, nous plaist très bien.
Escript en nostre logis de Koquem, le vme jour de mars, l'an xv° xi. Per Regem. — Plus bas, Renner.
496 LETTRES DE MAXIMILÎEN
Prise de Worcken. L'Empereur ne peut, quant à présent, répondre
à certaines questions de sa fille. Affaire du seigneur de Rœux.
(Trêves, le 12 mars.)
Très chière et très amée fille, nous avons dernièrement receu voz lettres faisant mencion de la bonne délibération qu'aviez prinse pour enclorre et gangnier la ville de Worcken , et comment ceulx qui estoient deans ledit Worcken se sont retirez et ont habandonné icelle ville ; dont avons esté bien joyeulx et vous mercyons de vostredite bonne délibération. Et pour ce que par vosdites lettres, nous requérez que vous vueillons faire responce aux lettres que nous avez depuis naguères escriptes mesmement a celles escriptes de vostre main , nous vous advertissons que de xv jours nous ne vous povons bonnement sur ce faire responce , à cause que nous n'avons pas encoires certaines nouvelles et responces de noz affaires , tant de nostre saint Père le pape , de nostre frère , le roy de France, que des Vénissiens; pendant lequel temps espérons que d'un des cousté ou l'autre aurons ample responce de nosdites affaires et de en iceulx, avec les princes de nostre saint-empire qui sont icy assemblez, prandre une bonne et finale conclusion et vous faire entière responce à vosdites lettres, Dieu en ayde qu'il, très chière et très amée fille, soit garde de vous.
Escript en nostre cité de Trêves, le xne jour de mars , l'an xvc xi.
P. S . Nous escripvons à nostre conseillier, messire André de
ET DE MARGUERITE SA FILLE. —1511. 497 Bourgo , pour l'affaire de nostre cousin, le sieur du Rœulx, comme nous requérez , et en ensuivant autre ordonnance qui desjà il en a de nous , comme verrez par la copie que vous envoyons avec cestes , affin que selon ce faictes aussi solliciter cest affaire, ainsi que bon vous semblera.
Per Regem. — Plus bas , Rentier.
L'Empereur mande à sa fille de lui envoyer l'état qu'elle a dressé pour la maison de l'archiduc , et de ne pas le faire publier jusqu'à ce qu'il lui ait notifié ses intentions. — {Original.)
(Trêves, le 1& mars.)
Très chière et très amée fille, nous entendons que faictes par delà ung autre estât pour nostre filz, l'archiduc Charles, que celuy que vous avons dernièrement envoyé et que le voulez incontinent faire publier l. A ceste cause nous vous requérons que par ung de voz secrétaires nous vueillez envoyer ledit estât, sans icelluy publier ne y touchier plus avant, jusques à ce que vous soyez advertye de nostre vouloir et intencion sur ce; car nostre plaisir est tel. A tant, très chière et très amée fille, nostre Seigneur soit garde de vous.
Escript en nostre cité de Trêves, le xme jour de mars, l'an xvc xi. Vostre bon père Maxi. — Plus bas, Rentier.
' L'Empereur, quand il signa cette lettre, ne savait pas encore que l'état dont il s'agit était publié. Ce fut le même jour, après l'avoir appris, qu'il s'en expliqua plus sévèrement par la lettre suivante.
498 LETTRES DE MAXÏMILÏEN
L'Empereur est blessé de ce que sa fille a réglé et publié un nouvel
état de la maison du prince Charles , sans l'avoir consulté. Il
lui fait défense d'y donner suite sans avoir reçu ses ordres. —
( Original. )
(Trêves, le 13 mars.)
Très chière et très amée fille , nous avons receu voz lettres du xe de ce mois par lesquelles nous signifiiez comment, pour contenter pluiseurs gentilz-hommes et autres noz subgectz qui ont servy à la guerre de Gheldres , vous , par l'advis de ceux de nostre conseil privé de par delà, avez fait un nouveaul estât à nostre filz, l'archiduc Charles, à demi an; dont nous donnons merveilles, mesmement que l'avez fait publier sans nostre sceu; car nous eussions bien cuidyer que vous nous eussiez fait cest honneur de premier nous en advertir, avant ladite publication.
Puisque ainsi est, nous désirons et vous requérons bien acertes que ne recepvez le serement de personne qui soit oudit estât, ne aussi leur en faictes despeschier lettres de retenue, jusques à la venue d'aucuns noz conseilliez que à ceste cause envoyerons devers vous , et par lesquelz vous ferons sur ce sçavoir nostre vouloir. A tant, très chière et très amée fille, nostre Seigneur soit garde de vous.
Escript en nostre cité de Trêves, le xme jour de mars, l'an xvc xi.
P. S. Et nous despeseberons deans deux jours ou trois nosdits conseillers pour aller devers vous.
Vostre bon père Maxi. — Plus bas, Renner.
L'Empereur consent à accorder un sauf-conduit aux députés du duc de Gueldre , et à envoyer les siens pour traiter de la paix avec le duc , bien qu'à son avis toutes ces pratiques ne soient qu'abusion et tromperie. — {Original.)
(Trêves, le 13 mars.)
Très chière et très amée fille, sur la despesche de la présente poste , nous avons receu lettres de tous par lesquelles nous advertissez comment messire Charles de Gheldre vous a requis d'avoir saulf-conduit pour envoyer ses depputez à Weert ' ou à Vienne % pour entendre à quelque bonne paix, en lui rendant son patrimoisne, ainsi que par la copie de ses lettres, avons entendu plus au long, et que, par l'advis de ceulx de nostre conseil privé de par delà , lui avez accordé ledit saulf-conduit et d'envoyer aucuns conseilliers au jour et lieu que les depputez dudit messire Charles se vouldront trouver, pour entendre d'euîx quelle chose ilz vouldront dire ne mettre en avant de la part d'icellui messire Charles.
Et combien que nous n'eussions jamais esté dudit ad vis; car ce n'est que toute abusion et tromperie que ledit messire Charles serche et praticque pour nous erapescher en noz affaires et donner occasion à ceulx des Estaz de noz pays de par delà de riens accorder et mesmement de ce crainte (crédité) au roy de France pour avoir de luy argent, touteffois, puisque ainsi est, nous sommes contens que envoyez pour ceste fois îesdits
' Petite ville du comté de Hornes, résidence du comte. a Viane, sans doute, ville de Hollande, au sud d'Utrecht-
conseilliers illec et incontinent nous advertissez
de ce qu'ilz ' . . . .
Trêves, le xme de mars xvc xi.
Simon François est nommé gentilhomme du prince Charles; et
Jehan de Lusy, en compensation , obtient une pension viagère
de cent florins. — {Copie. )
(Trêves, le 15 mars.)
Très chière et très amée fille , depuis le partement de noz conseilliers de par delà, qui l'année passée furent devers nous à Fribourg , nous vous avons fait sçavoir par noz lestres comment , pour pourveoir Simon François et Jehan de Lusy , tous deux noz bons et vielz serviteurs, nous avions à leur requeste et pour aucunes bonnes raisons à ce nous mouvans, appoinctié et accordé que ledit Simon François auroit Testât de gentil-homme que ledit Jehan de Lusy devoit avoir vers nostre filz, l'archiduc Charles et icellui Jehan de Lusy, les cent florins de pension par an , sa vie durant, que par Testât que feismes à ceulx de noz finances de par delà, avions ordonné audit Simon François, comme nosdites lettres sur ce contiennent plus à plain ; et combien que ledit Simon François soit selon ce à présent pourveu et joysse dudit estât de gentilhomme, toutesvoyes ledit Jehan de Lusy nous a î emonstré que obstant qu'il a adez depuis esté en nostre service contre les Vénissiens , il n'a peu recouvrir ses lestres patentes de ladite pension et ne joyst point d'icelle pension , nous requérant pour ce de rechef vous en escripre. Parquoy, nous, ce considéré, et
1 Le reste est illisible.
ET DE MARGUERITE SA FILLE. — 1511. 501 que icellui de Lusy de long temps a bien mérité ladite pension, car il nous a tousjours bien et léalment servy ; à ces causes, escripvons présentement devers vous et vous requérons très acertes que, ensuivant nostredit accord , vous faictes despeschier audit Jehan de Lusy nosdites lettres de pension, comme dit est, sans y faire aucune difficulté, et au demeurant l'avoir pour recommandé et lui faire donner par delà quelque charge et entretenement avec noz autres gens de guerre, ainsi que le trouverez à ce estre propice et convenable. A tant, très chière et très amée fille, nostre Seigneur soit garde de vous.
Donné en nostre cité de Trêves, le xve jour de mars xvc xi. Per Rege?n.
P. S. Ayés \y pour recommandé.
Plus bas, Renner.
L'Empereur demande que Marguerite lui envoie un capitaine expérimenté qui puisse lui donner des notions certaines sur la situation des opérations militaires dans la Gueldre. — (Original. )
( Trêves r le 18 mars.)
Très chière et très amée fille , nous désirons et vous requérons que vueillez incontinant envoyer devers nous en nostre cité de Trêves quelque capitaine, dont l'on se puisse légièrement passer, qui sayche et congnoisse bien le pays de Gheldres et qui nous puisse bien et emplement informer à la vérité de la conduicte et manière de guerre que noz gens y ont faict jusques à oires; de quoy servent les vinm payes qu'il y convient
entretenir, et quel exploit de guerre ilz font; aussi que (quelle) fortiffication ont fait ceulx de Worken, quel nombre de gens il y a deans ; se les ennemys font sainblent de vouloir tenir et deffendre et si on les attempteroit de assaillyr ne pratiquer de gaigner par force ou autrement, et sur ce savoir donner bon advertissement, mesmement desdites fortiffications et comment icelle ville seroit a présent à recouvrer.
Pareillement qu'il nous saiche à dire comment le boleuwart qui estoit fait devant Boemel a esté prins; quel nombre de gens il y avoit deans ; et semblable-
ment ceulx de nostre ville de Boisleduc
tant de leurs bourgeois que gens de guerre , comment
ilz voulsirent donner. et combien il y a
demouré de gens tuez desdits bourgeois et gens de
guerre et qui sont esté prisonniers
nous ferez chose bien agréable. Ce scet nostre Seigneur, qu'il, très chière et très amée fille, soit garde de vous.
Escript en nostre cité de Trêves, le dix vin de mars, l'an xvc xi.
Maximilien recommande de faire inscrire, au rôle des bénéfices , Jean Spirinck, fils du fourrier de l'hôtel de l'archiduc Charles. — ( Original. )
(Luxembourg, le 25 mars.)
Très chière et très amée fille, en faveur des bons et loyaulx services que nostre bien amé fourrier de l'ostel de nostre très chier et très amé filz , l'archiduc Charles, Andrieu Spirinck, nous a parcidevant faiz et à feu
ET DE MARGUERITE SA FILLE. — 1511. 503 nostre filz , le roy dom Philippe , que Dieu absoille , à icellui Andrieu avons accordé de mestre ou roolle de noz bénéfices de par delà Jehan Spirinck , son filz , en deux lieux sur telles chanonyes qu'il vouldra choisir et après ceulx qui sont desjà inscript en nostredit roolle; dont vous adver tissons et requérons de, selon ce, faire inscripre oudit roolle ledit Jehan Spirinck; car nostre plésir est tel. A tant, très chière et très amée fille , nostre Seigneur soit garde de vous.
Escript en nostre ville de Luxembourg , lexxvejour de mars, Fan xvc et xi. Per Regem. — Plus bas, Botechou.
L'Empereur recommande de nouveau d'inscrire sur le rôle des bénéfices , Clays Liévin , pour la troisième prébende qui vaquera à Ziriczée *. ■ — • {Original.)
( Luxembourg , le 25 mars. )
Très chière et très amée fille, en la faveur et requeste de nostre receveur général des finances, Jehan Mycault, avons donné et accordé à Clays Liévin, son beau-frère, la 111e prébende qui escherra vacant à Zéerixée , et entendions que fust ainsi inscript et mis ou roolle de noz bénéfices. Et pour ce que entendons que, par faulte de clerc ou autrement, il a esté obmis à inscripre oudit roolle , et que voulons le don à luy fait sortir effect, vous requérons Finscripre et faire mectre oudit roolle le 111e, ainsi que luy avons accordé par noz lettres closes que de ce vous avons escriptes de nostre ville de Halle, le xne de juing xv° unze dernier, et, la
1 Y oyez ci-dessus, p. 4io, la lettre du 12 juin i5n.
vacation advenant, luy en faictes despeschier noz lettres de collation en tel cas pertinentes, non obstant et sans avoir regard à ce qu'il n'est inscript oudit roolle, comme l'entendions que ne luy voulons préjudiciel-, et sans pour ce attendre autre ne plus ample ordonnance de nous que cestes; car nostre plaisir est tel. A tant, très chière et très amée fille, nostre Seigneur soit garde de vous.
Escript en nostre ville de Luxembourg , le xxve jour de mars, l'an xvc xi. Per Regem. — Plus bas, Botechou.
