MARGUERITE A MAXIMILIEN

Les États de Brabant se montrent mal disposés pour accorder les subsides exigés par la guerre de Gueldre. Placards séditieux contre Marguerite. Épuisement des finances. — {Minute.)

Monseigneur, j'ai receu les letres qu'il vous a pieu m'escripre de vostre main du xvi de ce mois, par lesquelles m'escripvés comment renvoies de par deçà le duc de Brunsvich mon cousin, à ceste fin qu'il puist mectre en subgection messire Charles de Gheldres et les autres rebelles gheldrois, et aussi comment vous désirés qu'il soit entretenu par les Estatz de Brabant et Hollande, et autres choses contenues en vosdites lettres. Monseigneur, je vous promects que, si vous le désirés, je n'en ay pas moindre désir et voulenté, congnoissant que c'est vostre bien et honneur et le mien, et aussi le bien et seurté du pays. Touteffois, Monseigneur, nostre peuple desdits Estas est d'une si maulvaise nature, que il ne me semble point que il

ET DE MARGUERITE SA FILLE. — 1511. 505 soit conduysable en manière quelconque, si ce n'estoit au moyen de vostre venue, qu'est toujours plus que nécessaire; car à l'assemblée que lesdits Estas firent à Breda devers mondit cousin, ilz conclurent de non le vouloir entretenir, et contendent unanimement à vouloir avoir paix, quelle qu'elle soit; et ont desjà, ceulx de Bosleduc, mys en avant aux aultres villes de Brabant de la conduyre et passer, demandant leur consentement. A quoy a esté obvié jusques icy. Monseigneur, j'avoye fait assembler lesdits Estas pour furnir au paiement des gens d'armes, qui ont par leur advis esté mys aux frontières de Brabant, cuydant qu'ilz n'y deussent mectre difficulté. Touteffois, ilz ont absolutement reffusé de le faire, assavoir les villes de Lovain et Bruxelles, et par conséquent les autres. Et en se partant de moy, lesdits Estas dirent qu'ilz leur convenoit avoir une paix; et que ce pendant qu'ilz baillieroient argent ou paieroient gens d'armes, jamès n'auroient paix. Monseigneur, je leur ay remonstré et fait communicquer le devoir en quoy vous estiés mis pour ledit affaire de Gheîdres, et prié de vouloir autrement conduyre les affaires pour le bien de leur prince et pour leur honneur; et ay fait reprendre nouvelle journée à Bruxelles ou mie d'avril, pour veoir si l'on pourra riens faire, quant au paiement desdits deux mois. Et au surplus de ce que désirés et pour dire vérité, Monseigneur, je n'y ay pas grant espoir, veu le maulvais vouloir dudit peuple. Je croy bien, Monseigneur, que Anvers, Bosleduc et ceste ville seroient aucunement maniables; mais des aultres je ne voy le moien; et si ne vous seroie dire à cuy il tient; car ce sont choses qui ne se font ou traictent publiquement pour le savoir. *

Monseigneur, pour ce que le peuple m'a trouvé tousjours conforme à vostre désir et preste à vous obéir de mon povoir, tant en cest affaire de Gheldres que aultres choses, il commence, par Fenhort d'aucuns maulvais espritz, comme il fait à croire, à murmurer sur moy, disant que je ne demande que la guerre et les destruyre, comme vous avés fait çà devant, et plusieurs aultres maulvaises parolles tendans toutes à commocion de peuple; et que pys est, la nuyt du vendredy saint s'avancèrent secrètement de planter aucuns billietz es portes de l'esglise de ceste ville, à ma dérision et contemnement ; que sont, Monseigneur, toutes maulvaises choses , èsquelles par vostre venue pourrés remédier, et verres en quel train sont les affaires qui ont bien besoing de vostre conduicte; car je ne sçay plus quel tour y donner, veu la petite assistance que j'ai d'ung chacun et la povreté des finances. Et si tout se devoit perdre pour mil florins , le trésorier dit n'avoir moien de les trouver. Par quoi, Monseigneur, povés assés comprendre l'extrémité desdits affaires. Si vous supplie, Monseigneur, très humblement avancer vostredite venue; aultrement tout viendra bref en si grande confusion qu'il n'y aura remède y bien pourveoir. Monseigneur, il me déplait que suis contrainte vous escripre tousjours choses tristes et desplaisantes; mais je ne puis aultrement faire , et en ay après vous plus d'ennuy et de regrect que personne qui vive. Et néantming, moyennant vostre venue, suis preste à reprendre cueur pour y faire le mieulx que possible me sera ; et si puis ma venue par deçà n'ay espargnié ma painne, encoires ne suis-je délibérée i'épargnier, ayns de tout mon povoir faire tout ce que me sera

ET DE MARGUERITE SA FILLE. — 1511. 507 possible pour le bien et l'honneur de vous et de monsieur mon nepveur. Aydant, nostre Seigneur, auquel je prie, etc.