MARGUERITE A MAXIMILIEN
Coadjuteur demandé par l'évêque de Cambrai. — * {Minute.)
Mon très redoubté seigneur et père, etc.
Monseigneur, j'ay receu les lettres qu'il vous a pieu m'escripre, touchant la porsuyte que l'évesque de Cambray ' fait en court de Rome pour avoir ung coadjuteur en son évesché, dont me ordonnés me informer et vous en escripre ce que en trouveray.
Monseigneur, il est vérité que j'ay eu encoires nouvelles de court de Rome, assçavoir de l'archidiacre de Besançon % comme ledit évesque avoit consenty et requis avoir pour coadjuteur en icelle éveschié le cardinal d'Alebret % et, à ce que despuis j'ay peu entendre , c'est aux fins de conduyre que icelle éveschié , cy après par succession de temps , puisse venir es mains de M. de Renty 4, nepveur de M. de Chièvres; dont
• Jacques de Croy, mort en i5i6, âgé de quatre-vingts ans. La ville de Cambrai avait été érigée pour lui en duché par lettres patentes de Maximilien, du 28 juin i5io.
* Ferry de Carondelet qui , étant devenu veuf, entra dans les ordres en i5o4, et mourut abbé de Mont-Benoît en 1028.
3 Amanieu, deuxième fils d'Àlain-le-Grand, sire d'Albret, mort en i52o. Cette coadjutorerie, cum spe futur os successionis , avait été révoquée par Jules II , à la prière de l'Empereur qui voulait disposer à son gré de l'évêché en cas de vacance ; mais Léon X, dans un consistoire tenu le iei juillet i5i5, y restitua le cardinal d'Albret, lequel, du reste , n'en prit pas possession.
4 Guillaume et Robert de Croy, surnommés de Renty, succédèrent en effet tour à tour à leur oncle, Jacques de Croy.
508 LETTRES DE MAXIMILIEN , etc.
pourrés plus à plain estre averty par ledit archidiacre, et selon ce y pourveoir et remédier à vostre bon plésir.
Mon très redoubté seigneur et père, je prie, etc.
Marguerite recommande à son père un médecin italien pour remplacer, en cas de mort , celui de l'archiduc et de ses sœurs , qui est caduc et très malade. — {Minute.)
Mon très redoubté seigneur et père, etc.
Monseigneur, mon cousin , le duc de Millan , m'a fait très instamment requérir que, advenant le trespas de maistre Nycolas, médecin de monseigneur mon nepveur et de mesdames mes nyepces , lequel est fort vieulx, caducque et opressé de maladie, je voulsisse pourveoir oudit estât, en son lieu, ung sien médecin ytalien qu'il a de très bonne extimation et renommée. Et pour ce, Monseigneur, que vouldroie bien en ce complaire à mondit cousin, moyennant que ce fust vostre bon plésir, je luy ay fait responce que vous en escriproie très voulentiers, en faveur de sondit médecin , à ce que vostre plésir fust en ce l'avoir pour recommandé, ledit cas advenant; dont, Monseigneur, je vous supplie, et que sur ce il vous plaise m'en mander vostre bon plésir pour Pacomplir de mon povoir, Dieu en ayde, ouquel je prie, mon très redoubté seigneur et père , etc .
