MARGUERITE A MAXIMILIEN

Marguerite prie son père d'agréer Guyot Lempereur comme sergent à masse de l'archiduc Charles. — {Minute.)

( Malines , décembre. )

Mon très redoubté seigneur et père, très humblement à vostre bonne grâce me recommande.

Monseigneur, il pleust au feu roy, mon frère, cuy Dieu pardoint, permectre l'office de sergant à masse de monseigneur mon nepveur, à Guyot Lempereur, son plumassier, porteur de cestes, comme verrez par la cédulle de mondit feu seigneur et frère, dont il vous fera apparoir pour en avoir la joyssance ; et pour ce que aucuns mes espéciaulx serviteurs m'ont requis^vofrs escripre en sa faveur, vous supplie, Monseigneur, l'avoir pour recommandé en ce que dessus.

Mon très redoubté seigneur et père , je prie à tant nostre Seigneur qui vous doint très bonne vie et longue.

Escript à Malines , ce. . . jour de décembre xvc et vu.

Il lui annonce qu'en attendant l'accord à intervenir entre les seigneurs de Vergy, de Chalernez et de Flagy, il a ordonné à ce dernier de se rendre auprès d'elle pour le service de l'archiduc Charles. — ( Original. )

(Bolzane, le 16 février.)

Très chière et très amée fille , pour ce que nous ne povons de présent bonnement entendre de mectre une lin ou différent estant entre nostre cousin le seigneur de Vergy d'une part, et les seigneurs de Chalemez et de Flagy, jusques à nostre retour de nostre vouaige de Romme, que alors nous espérons de les appoinctier finablement, se faire se peut, et ainsi que trouverons estre affaire , nous avons chargé audit seigneur de Flagy de ce pendant soy tirer devers vous et ou service de nostre très chier et très amé filz, l'archiduc Charles. Et voulons et vous ordonnons que le recepvez et faictes traicter et entretenir ou service de nostrediz fils, en tel estât et à tels gaiges qu'il avoit et prenoit de feu nostre très chier et très amé filz, le roi de Castille, que Dieu absoille, sans y faire faulte; car ainsy nous plaist-il.

Donné à Bolzanne ', le xviejour de février, l'an xvc et vu. Per Regem. — Contresigné Renner.

' On ne comprend pas trop comment l'Empereur a pu se trouver le même jour à Bolzane dans le Tyrol, et à Dislingen dans la Souabe , comme la lettre suivante paraît l'indiquer. Aussi la date de cette dernière doit-elle être reportée à l'armée i5o6 (vieux style de France)

L'Empereur invite sa fille à une partie de chasse. — {Original.)

{ Dislingen, le 16 février. )

Maximilianus, divina favente clementia, Romanorum rex semper Augustus, etc.

Illustris principissa, filia charissima, significamus dilectioni tuae nos hodie in proximo oppidi Auraci ' parrasse venationem, ad quam ipsam invitantes hortamur ut obviam nobis procedendo proficiscatur ad eum locum ad quem presentium lator ipsam conducet : ubi nos eam bénigne excipiemus et conabimur illi ex venatione voluptatem inducere non mediocrem, optantes ut Deus omnipotens ipsam diu incolumem conservare dignetur. Datum in arce Inslingen, die martis xvi februarii, anno Domini m c vu, regni nostri xxi°.

Vostre bon père Maximilianus; ad niandalum domini Régis proprium.

L'Empereur recommande à sa fille de bien accueillir Pierre de Targis, dépêché vers elle par le légat, cardinal de Sainte-Croix.

(Brauneck en Tyrol, le 24 fe'vrier. )

Très chière et très amée fille, très révérend père en Dieu nostre très cher et féal cousin, le cardinal de Saincte Croix, légat vers nous de nostre saint Père le

' Auraci, Aurach ou TJrach, petite ville de Souabe avec un château, entre Ulm et Tubingue.

pape, envoyé présentement par delà ung nommé Pierre de Targis, son chambrier, pour veoir et visiter vous et nostre très chier et très amé filz l'archiduc Charles, et à vous deux présenter quelques choses ecclésiastiques de par luy. Si vous requérons et néantmoins ordonnons que quant icellui Pierre viendra devers vous , le recepvez gracieusement et le menez devers nostredit filz , et aussi le faictes par luy recepvoir bien et gracieusement et au surplus traictier le plus honnestement que pourrez, et en sorte qu'il ait cause de faire bon rapport audit légat, son maistre ; car nous trouvons ledit cardinal estre fort affectioné à nostre maison ; et en ce faisant nous ferez chose agréable. A tant, très chière et très amée fille, nostre Seigneur soit garde de vous.

Donné en nostre ville de Bruneck, le xxmie jour de février, l'an mil vc et vu. Per Regem.

Motifs du délai qu'il a mis à lui renvoyer ses députés avec la ratification des traités d'Angleterre. Il annonce une solution favorable pour ses affaires particulières , et lui fait un don de dix mille écus pour les dépenses de sa maison. — {Original. )

( Brauneck , le 25 février. )

Très chière et très amée fille, combien que de pieçà et nous estans à Kaufpueren , eussions despéchié voz députés et baillié noz instructions et lettres de crédence, ensemble noz lettres de povoir du gouvernement de par delà que vous avons ouctroyé en nostre absence , ainsi que verrez, et que ne sceussions autre

40 LETTRES DE MAXIMILÏEN

chose que vosdits députez deussent dès-lors partir pour s'en retourner devers vous à tout icelles despêches; toutefois pour ce que vostre président de Bresse se disoit avoir commandement de vous de non retourner jusques à ce que les traictez d'Angleterre fussent entièrement accomplis et ratifiiez par nous , et que n'avions adoncques nul autre féable ayant la langue franchoise, que à faulte de lui , eussions peu envoyer avec messire Sigismond Phloug, pour vous exposer la teneur de nosdites instructions et vous déclairer notre intencion et ce que avons proposé faire , envoyasmes icellui messire Sigismond à Ausbourg, attendre nostre amé et féal conseiller, messire Andrieu de Burgo, lequel nous espérions de incontinent envoyer devers lui, pour eulx deux ensemble se tirer devers vous. Ce que ne nous a esté possible de faire si tost que en avions le désir, comme pour pluseurs noz affaires et de grans importances tant d'Espaigne que d'Italie, avons esté contraintz de le retenir jusques à présent. Et de la despesche desdites ratifications des traictez d'Angleterre, il ne nous a esté possible d'y povoir plustot entendre, obstant les grans affaires et occupations que avons à présent touchant les affaires de la guerre. Et après que avons eu ung peu donné bon ordre à iceulx affaires, nous avons visité iceulx traictez d'Angleterre, desquelz nous avons fait despeschier noz lettres, selon les mynutes et ainsi que le désirez.

Au surplus , nous avons donné quelque autres instructions ausdits messire Andrieu de Burgo et vostre dit président, lesquelz s'en vont présentement avec ledit messire Sigismond devers vous, et leur avons aussi chargié de bouche vous dire quelque chose de

nostre part, si les vueillez croire comme nous mesmes de ce qu'ilz vous diront de par nous.

Et en tant que touche vostre cas particulier, nous y avons donné tel ordre que aurez cause d'estre bien contente de nous. Et si vous ne povez avoir ce que désirez, du moins vous aurez récompense que créons qu'il vous sera bien agréable , et conduirons les choses à nostre honneur et à votre prouffit, comment entendrez à la venue de vosdits depputez, et espérons vous faire valoir icelle récompense , autant que les pièces que vous demandiés par vostre requeste.

Et affin que n'ayez faulte , pendant la despêche, à vostredit cas particulier et pour mieulx povoir furnir à la despense de vostre estât , vous envoyons unes lettres de don de dix mil escus, lesquelz , s'yl n'y a autre argent plus cler, pourrez prendre des deniers d'Angleterre , en disposant du demorant , selon la forme de noz instructions qu'avons baillié à vosdits députez, ensemble ledit messire Andrieu de Burgo. A tant, très chière et très amée fille, nostre Seigneur soit garde de vous.

Donné à Bruneck, le xxve jour de febvrier, l'an XVe vu.

Vostre bon père Maxi. — Plus bas, Botechou.

Il renvoie à sa fille le secrétaire Louis, en attendant les instructions qu'il ne pourra donner qu'à son arrivée à Cologne. Il l'entretiendra plus tard du conseil privé et du grand conseil. Dorénavant elle recevra tous les jours de ses nouvelles , qui seront quelquefois étranges ; toutefois il espère finir par battre rudement les Français. — {Autographe. )

(Prame, le 10 mars)

Ma bonne fylle , je a oy la crédence de mester Loys, vostre secrétaire, et aussy les lestres qu'il vous a pieu nous envoyer de par luy ; et sur se , yl vous dira la respons en généralité ; lequel instruction ne peult estre prest jusques que soes à Colloingne; là el sera sy tost cumrae vous en vous mains adressés par la postery.

Nous vous envoyuns cy enclos la cedulles dount je vous ay parlé de vostre privé conseil et du nostre, jusques que plus avant nous pourruns parler assamble et du grand consel en camun.

Vous aurés dornesavant tout le jour novelles de nous ; et sur ce je vous dys adieu. Je eusse prins volentier plus graciosement mon recès ou partement de vous; mes les poursuans m'ont sela entrerumpu. Je creins que lesdites mes novelles serunt souventesfois estranges ; car le cours de mond me gouvernt trop fort ; toutefoes je espoer en Dieu que tout sera parfaet auderain selon votre désir. Au surplus, je prie notre Creator que yl vous doint tousjours bon prospérité et sainte , et sela que plus désirés , et à moy que je pusse pour son honneur donner ung lurde baste aux Franzoes par myll leor traison.

Faet à Prame, le xe jour de mars, de la main de vostre bon père Màxi.

L'Empereur conseille à sa fille de rester en bonne intelligence avec

le roi d'Aragon , afin de ne pas compromettre son douaire ; il

l'autorise à conserver Claude de Cilly comme agent auprès de

ce prince, et charge André de Burgo de lui mander ses intentions

sur d'autres affaires. Il recommande de faire arrêter le sieur

de Ravestain et l'évêque de Liège, s'ils viennent en ambassade

sans sauf-conduit. Vœux pour l'accord des seigneurs de Chièvres

et de Berghes. Gouvernement de Vilvorde, et renouvellement de

la loi a Anvers. Ratification des traités d'Angleterre, etc. —

( Original. )

(Augsbourg, le 25 mars.)

Très chière et très amée fille , pour les grans afferes qui nous sont survenuz depuis un mois encà , nous ne vous avons peu jusques k oires, faire responce à ce que depuis ce temps nous avez escript et fait dire par vostre président de Bresse, ne aussi entendre à la despesche des afferes de par delà. Mais à présent que sommes à loisir pour ce faire, vous voulons bien sur tout faire responce et avons entendu à la totale despesche de voz députez.

Et en tant qui touche les lettres du roy d'Arragon et de Claude de Cilly, nous avons entendu le contenu d'icelle; et puisque les choses ne sont bien à nostre propos, nous sommes d'advis que debvez donner bonnes parolles audit roy d'Arragon et l'entretenir au mieulx que vous pourrez , pour povoir mieulx joyr de vostre douhaire; et si vous samble bon de entretenir devers luy ledit Claude de Cilly pour vostredit cas, nous le remettons à vostre discrécion. Mais de l'appoinctement que désireriez estre fait avec ledit roy

d'Arragon, nous en avons dit à vosdits depputez et à messire Andrieu de Burgo , qui vont devers vous , ce que en entendons estre fait ; et semblablement de la neutralité pour laquelle vous avoit escript notre cousine la princesse d'Oranges. Si les vueillez croire de ce et d'autres choses qu'avons intencion de faire , dont leur avons chargé vous advertir à leur venue devers vous.

Au regard de ce que nous avez fait advertyr du sieur de Ravestain et de l'évesque de Liège, que l'on dit debvoir venir en embassade par delà , nous ne sçaurions penser qu'ilz y deussent venir, sans demander saulfconduyt. Parquoy, s'ilz envoyent pour avoir ledit saulfconduit , nous désirons que les remettez à nous comme principal tuteur et mainbour ; et si par fortune ilz sont si hardis que d'y aller sans icellui saulfconduyt, en ce cas il n'y aura point de mal de les tenir, ainsi que firent les François nos ambassades de par delà.

Touchant l'appoinctement des seigneurs de Berghes et de Chierves dont vous nous avez escript , pour ce que verrions voulentiers tous les grans maistres de par delà en bonne union, et que sçavons ledit seigneur de Berghes avoir aussy différent avec le sieur de Ville, mesmement de la vénerie de Brabant , aussi que vouldrions le tout estre appaysé ensemble , nous voulons préalablement, devant que faire nulle conclusion dudit appoinctement , que vous nous envoyez bien et au long tous les articles de l'appoinctement que lesdits seigneurs de Berghes et de Chierves vouldroient faire, ensemble vostre advis sur chacun desdits articles. Et aussi que nous escripvez particulièrement quelle chose il vous semblera estre affaire dudit seigneur de Cilly ;

car il entend aussi estre premier chambellan de nostre filz Charles , et touchant la vénerie de Brabant.

Pareillement de ce que vous semblera du gouvernement de Villevorde et de l'office de commectre les eschevins en Anvers ; et que sur toutes choses nous donnez plain advertissement, affin que, eu nostre advis, puissions mieulx entendre et mectre lesdits seigneurs en bonne union.

Au surplus, nous avons fait despeschier les ratifications d'Angleterre, selon les mynutes qui nous sont esté envoyées , et sans riens chaingier de la substance, lesquelles nous vous envoyons par vosditz députez ; car nous ne nous avons osé fier de les envoyer par les postes , et escripvons de ce bonnes lettres excusatoires à nostre frère le roy d'Angleterre, et telles que nous espérons qu'il se contentera de nous de la retardacion d'icelle et prendra toutes choses en bonne part.

De Haluin vostre escuier, lequel désirez estre pourveu de l'office d'eschevin du Franc, puis qu'il est du pays et vostre serviteur, nous sommes contens que le pourvoyez dudit estât et que luy en faictes despescher noz lettres patentes , si nous ne l'avons promis à autre, comme créons que c'est.

Et semblablement du maistre des postes de par delà qui demande estre entretenu en son estât, ainsi qu'il estoit du temps du feu roy de Castille, nostre filz, nous sommes contens que le faictes entretenir en sondit estât et qu'il soit paier de ce qu'il luy pourra estre deu à celle cause.

En oultre, nous avons escript à nostre cousin le duc de Savoye, pour les afferes de votre douhaire de par delà , telle lettre que désiriez et selon la mynute que

nous avez dernièrement envoyée, lesquelles nous luy envoyerons par ung chevaulcheur exprès de nostre escuierie. Et sommes bien délibéré de vous y aidier et assister ainsi qu'il appartient. A tant, très chière et très amée fille, nostre Seigneur soit garde de vous.

Escript en nostre ville d'Ausbourg, le xxve jour de mars, l'an xvc et vu. Vostre bon père Maxi. — Plus bas, Renner.