CCLXXX1V

LA DUCHESSE DE PARME A PHILIPPE II

BnUXELLES, 23 JANVIER 1563 (1564, N. ST.).

Monseigneur, au mois de juing dernier il pleust à Vostre Majesté m'envoyer ses lettres avec certaines confessions et déclarations d'un nommé David Macquelen, condampné par deçà perpétuellement aux gallères, m'enchargeant de faire faire sur le contenu d'icelles ce que verrois convenir, et particulièrement à l'endroit des personnes dénommées et chargées par luy, tant au faict de la religion, transport de chevaulx, que forge de faulse monnoye.

Monseigneur, ayant faict veoir en conseil les confessions dudict Macquelen, tant celles qu'il a faict par-devant le corrégidor de la cité de Cadis, l'alcade de vostre court, que le conseiller Tisnacq, icelles n'ont esté trouvées sans grandes suspitions que Iedict Macquelen avoit forgé et controuvc cela à plaisir, pour eschapper lesdictes gallères, selon mesmes que en ce regard est la présumption du droit. Néantmoins, comme Vostre Majesté m'ordonne de faire faire sur les poinctz susdicts ce que trouverois convenir, m'a samblé expédient, devant toute œuvre, auparavantcommencherallenconlre de quelcundes dénommez par luy, que me debvois informer, du juge l'ayant condampné ausdictes gallères, quel personnaige et de quelle qualité, vie etconduicte ilesloit, pour de là mieulx estimer le demeurant. Qui m'a adverty amplement de tout par ses lettres, m'envoyant la copie autenticque du procèz avec la sentence par luy rendue contre Iedict prisonnier : par où se trouve Iedict Macquelen avoir esté constitué prisonnier pour certain vilain et meschant homicide par luy commis et pour avoir aussy forcé quelcque fille oujeusne femme, pareillement faict faulse monnoye, et commis et perpétré divers aultres délictz et maléfices. Pour quoy ne debvoit aucunement eschapper la mort, comme Iedict juge dit avoir aussy considéré : mais, comme il le trouvoit fort dispost pour les gallères, l'averoit perpétuellement condampné à icelles, selon que plus amplement se

poeult veoir par le double desdicles sentences et lettres que j'envoye à Vostre Majesté; se trouvant aussy, parsondict procèz, que ledict Macquelen est fin et cauteleux, grand affronleur de gens, trompeur et menteur, ayant tousjours hanté mauvaise et meschante compaignie d'un boult de pays à Paultre, et pour tel congneu de chascun; lequel, pour ses ruses, impostures et mensonges, vulgairement s'appelloit le roy des merchiers, qui sont gens discourans le pais avec petites et menues marchandises, que l'on appelle porte-panniers.

Et quant à divers papiers de conséquence qu'il a dit, par sesdictes confessions, avoir eu chez luy quant il fut prins, il appert, par la rescription dudict juge, que Iesdicls papiers ne faisoient aucune mention de ce qu'il a déclairé par delà : dont tant mieulx se poeult de cela juger le surplus de son dire; mesmement, durant sa prison, n'en dit oncques un seul mot au juge, lequel aussy, pour le congnoistre trop grand menteur, ne s'y euist vollu arrester, comme il dit par sesdictes lettres.

Bien est-il vray, Monseigneur, que ayant aussy faict prendre information de ceulx que l'avoient mené depuis Vallenchiennes jusques à Midelbourg, pour le mectre es mains de celluy ayant charge de transporter telz condampnez aux gallères en Espaigne, je trouve que ledict Macquelen, estant en chemin, avoit déclairé que, si l'on le voulloit oyr parler de quelque emprinse et intelligence qu'il sçavoit estre du costé de France allencontre des pays de par deçà, que bientost on le mecteroit à délivrance et n'yroit plus avant, avec certains aultres propoz contenus en l'information que j'envoie aussy à Vostre Majesté. Mais, comme ledict Macquelen se congnoissoit homme pervers, aslute (1) et affronté menteur (comme dit est), ilz n'ont prins aucun regard à ses propoz, avec ce qu'il n'est vraisamblable qu'il ayl eu l'accointance qu'il maintient avec les capitaines à Callais, ne recevant son dire aucune apparence de vérité : de tant plus que par ledict procèz il appert que, après qu'il se seroit réfugié audict Callais pour l'homicide par luy perpétré et falsification des monnoyes commise en Artois, ayant demeuré audict Callais cincq mois, il averoit esté constrainct s'en départir, comme tous aultres estrangiers, en vertu d'une publication générale que tous estrangiers eussent à eulx en départir inconti-

(1) Astute, astucieux. Ce mot n'est pas dans Roquefort.

iset

23 Janvier.

iv.i -J.t Janvier.

ncnt, sur peine de la harl, dont il cuisl bien eu dispense du contraire, s'il euist eu l'intelligence qu'il donne à congnoislre.

Et au regard qu'il dit ces pays si fort infectez d'hérésies, jusques là mes m es que la pluspart, voires des principaulx, seroient corrompuz et gastez, je sçay bien, Monseigneur, que cernai est bien avant en aucuns lieulx et quartiers en ces pays, chose qui me desplaisl grandement, comme il faict à tous gens de bien : pour quoy convient que je tienne et use de la vigilance et remède que sçait Vostre Majesté. Mais (grâces à Dieu) les choses ne sont en si mauvais termes que ledict prisonnier les faict, et tiens que la milieure partie est beaucop la plus grande. Et quant à ceulx dénommez particulièrement par luy, combien que sur le dire d'un tel condampné on ne puisl faire fondement ny enquester d'eolx, pour ne leur faire tort ny injure (comme dit estj, néantmoins je feray prendre secrètement et discrètement le regard sur eulx, pour sçavoir comment ilz font et vivent, et si l'on pourroit avoir quelque mauvaise et sinistre suspition sur eulx; mesmes j'enlens jà qu'il n'est riens d'aucuns qu'il a vollu suspecter, comme encoires le tout s'entendera plus particulièrement avec le temps.

Touchant les faulx monnoyers, je sçay bien aussy, Monseigneur, qu'il y en a plussieurs qu'ilz s'en voeullent mesler : mais je fays prendre tout le regard qu'il est possible pour les descouvrir, et en divers lieux en a esté faicle la justice, et particulièrement ay ordonné d'informer secrètement de ceulx qui sont dénuncez par luy.

Comme aussy se faict le mesmes contre ceulx qui transportent les chevaulx en France ou hors du pays: à quoy se tient un grand regard, non seullement par les officiers, mais aussy par les subjeetz, à cause qu'ilz ont partie des confiscations et amendes, quant ilz poeuvent trouver quelques chevaulx allans en France ou hors ces pays.

Qui est ce, Monseigneur, que j'ay pour advertir Vostre Majesté sur le faict dudict Macquelen, ayant différé donner plus lost response sur cela, tant que me fusse mieulx informée de sa personne et d'aucunes parlicularilez qui me sambloient se debvoir entendre devant que donner responce sur cela à Yostredicle Majesté.

De Bruxelles, le xxmcjour de janvier 1563.

liARCELONNE, 18 FÉVRIER 1563 (1564, N. ST.).

Madame ma bonne sœur, j'ay receu vostre lettre du vi° de janvier par les gens de feu évesque de Quadra ; et présupposant que, avant que ceslcs viennent en voz mains, vostre conseillier Armenteros, que je despeschiz avant mon parlement de Monçon (1), sera arrivé devers vous avec ce que je luy avois donné de charge, il y reste de moins à respondre sur les voslres. Pour satisfaire ausquelles, et premièrement, quant aux aydes de Brabant, je vous mercie de la diligence dont vous y usez, vous requérant de la continuer par les chemins que vous verrez plus à propoz pour en avoir bientost une fin. Je m'esbahiz bien que ceulx du troisiesme membre de Bruxelles, qui par raison debvriont eslre les plus faciles et plus promptz, se monstrent les plus obstinez et sans considération ; et quand ilz ne se vouldroient mieulx renger selon la raison, il ne seroit que bien d'user de la retraite mentionnée en voz lettres : en quoy toutesfois vous verrez, selon le succès, ce que plus conviendra.

Aussi n'y a-il guaires à respondre aux éditz et placcartz que vous m'escripvez avoir fait publier respectivement au regard de France et Angleterre, et les plaintes itératives qu'a fait Testu, pour n'y savoir que dire davantaige que ce que vous aurez entendu par la copie que je vous ay envoyée de ce que l'on avoit icy passé, sur les mesmes affaires et aultres, avecq l'ambassadeur de France, le Sr de S^Suplice, qui promit d'en advertir le roy son maistre et faire tout bon office. Reste doneques d'attendre ce qu'en succédera et ce que aurez advisé de respondre sur l'escript délivré au Sr de Chantonney, et que le secrétaire la Torre, que vous m'escripvez avoir envoyé vers la royne d'Angleterre, vous rapportera : dont je vous prie continuer de m'advertir particulière-

(1) Voy. la Correspondance de Philippe II tur les affaires des Pays-Bas, t. I, p. 285.

JS64 18 Février.

i8Fé»ri«r. ment, trouvant toul ce que vous avez fait, tanl à l'endroit de l'ung que de l'aultre, très-bien et très-prudemment advisé.

Au regard du besoigné de mon cousin le marquis de Berghes et des conseillers de mes privé et grand consaulx d'IndeveldeetRatalleràValenchiennes, dont vous m'avez envoyé le rapport et la résolution prinse en mon conseil d'Estat, en présence dudict marquis, je ne puis laisser de vous dire que ce point m'est autant et plus à cœur que nul de tous les autres; et pour tant ayje bien voulu non seullcment oyr le rapport que m'en a fait bien particulier le guarde des scaulx Tisnac, mais aussi ay fait relire en ma présence la susdicte résolution de point en point, laquelle m'a singulièrement contenté en tout, et signament en ce que s'ordonne que, au renouvellement de la loy, l'on prengne soigneulx regard de commettre gens calholicques et qui soient d'esloffe et de zèle qu'il convient pour savoir et oser exécuter les ordonnances, et que l'on aye aussi soing particulier de faire bien instruire les jeunes enfans orphelins et aultres de gens de bonne vye et dont l'on soit asseuré quant à la religion : que sont deux choses surtout nécessaires pour l'establissement de ce que l'on prétend; m'ayant aussi semblé bien raisonnable que ce que aucuns peuvent avoir ou pourrîont déposer à l'encontre des principaulx se tiègne secret, et qu'il ne se communicque à ceulx qu'il y a matière de tenir suspeetz, afin que la crainte que les tesmoings pourriont avoir d'estre descouverts ne soit cause que l'on ne puisse enfoncer la vérité. Et pour tant m'a semblé aussi très-bien advisé d'y commettre juges particuliers : mais pour cela ne faull-il moins laisser d'y renvoyer (comme je liens vous aurez renvoyé) lesdicts deux conseilliers d'Indevelde et Rataller, pour y assister le marquis de Berghes, du moins jusques à ce que le principal et plus important soit achevé et les choses encheminées et remises en quelque bon trayn. Et pour plus de seureté, me conforme aussi à vostre advis, qu'il ne convient encoires de retirer les gens de guerre que sont audict Valenchiennes, le payement desquelz seray content que vous continuez du dépost, selon que vous ay escript par mes précédentes, tenant pour bien ce que vous en avez fait jusques à maintenant, oires que (comme vous povez bien penser) ce m'eust esté plaisir qu'il s'y fut offert aul- Ire moyen; mesmes que l'on l'eust peu obtenir de la ville : en quoy porrez encoires faire le mieulx que porrez. Mais enfin, comme qu'il soit, je feray

tout ce que sera possible pour remédier à ung si grand mal et qui tant importe, m nrri Et me ferez chose fort agréable de m'advertir continuellement du succès et de la particulière exécution des pointz de vostredicte résolution.

J'ay aussi entendu le rapport du verbal et relation que vous avoit fait le conseiller Goebcl du succès de son voiaige d'Oostlandc, et ay trouvé son besoigné très-bon; et Iuy pourrez faire dire le contentement que j'en ay receu.

Quant à la provision que vous demandez pour l'entretènement des forsaires et condempnez aux galères, j'y ay fait naguaires envoier la somme de mil escuz, et est-l'on après pour finer (1) le compte du commis Jehan-Fernandez de Çamora; et selon ce que résultera d'icelluy, feray faire la provision nécessaire; et plustost qu'il y vînt inconvénient, vous pourrez lever à change pour par deçà ce que ne se porra différer.

Aiant veu le besoigné de l'archidiacre d'Arras Pory, que vous avez renvoyé en l'abbaye de Marchiennes pour l'esclarcissement que je désirois avoir de Testât de la maison, du revenu et des charges, comme je vous ay icy-devant escript particulièrement, et le tout considéré, m'a semblé bien que ladicte abbaye demeure chargée de deux cens cincquante livres par an, dont elle a jà esté chargée dois le commencement de l'érection de l'université de Douay, et que ceste charge soit à perpétuité, pour sallarier les lecteurs, et que davantaige elle paye aultres deux cens cincquante livres, pour l'espace de dix ans, pour furnir aux édifices et aultres despences extraordinaires de ladicte université : que seroit en tout cincq cens livres par an, la moitié perpétuelle et l'aultre limitée, en conformité de ce que vous m'escripvez avoir esté négocié et conclud avec celluy que j'ay pourveu de la coadjutorie de Sainct-Guislain, à payer après le trespas de l'évesque de Tournay, qui en est abbé; et ne m'a semblé convenable, veu Testât de ladicte abbaye de Marchiennes, de la charger d'autre ultérieure pension ; voires ne l'eusse encoires voulu charger de tant, si ce n'eust esté pour une si bonne œuvre et dont s'espère tant d'utilité pour le publicque. Vous pourrez doncques selon ce faire traiter avec celluy que j'ay nommé à ladicte abbaye, et luy faire délivrer ses lettres de nomination que de pièça ont esté envoyées par delà.

(1) Finer, achever.

unnUt. La rcsponcc qu'a fait mon cousin le prince d'Oranges sur les brefz de Sa Saincteté, dont j'ay veu la copie et aussi ce qu'il vous en a escript, m'a semblé très-pertinente et bien justifiée. Et comme jà le nuncc m'en avoit parlé, cl mcsmes aussi l'évesque de Vintemille, nnguaires envoyé de Sa Saincteté vers moy avccq charge, entre aultres, de me remonslrcr aussi cest affaire, je le leur ay fait communicquer, et ay fait davantaige escripre à mon ambassadeur à Rome, afin d'en parler en conformité à Sa Saincteté.

Puisque, comme j'ay entendu par ce que vous a escript le docteur Tileto, celuy que j'avois nommé par provision au vice-doyenné de Tyclmont, nommé sire Arnoull Goudtsenhoven, se conduit bien en la déservilure d'icelluy, je tiens pour bien qu'il y soit continué et nommé, et que vous Iuy en facez despescher lettres pertinentes.

Comme cestc s'apprestoit pour faire partir le courier, le contrcrolleur de ma maison et Vandenesse sont arrivez avecq voz lettres du xxmc de janvier, qui contiennent pour la pluspart advertissemens despendant des précédens et ausquelz est jà respondu tout ce que, pour le présent, je sçaurois respondre par ce que dessus. Et ce que me reste à dire est vous mercier bien fort de la diligence dont vous usez généralement en tout ce que touche le publicque, et de ce que si particulièrement vous me faites entendre tout ce que y passe : en quoy vous requiers de continuer. Et puisque l'on a jà prias quelques malheureux en Allost aians fait saccagemens en Anvers, Bruges et ailleurs, vous ferez bien de mander parlout aux officiers d'user de toute vigilance pour attraper tous ceulx que lesdicts prisonniers auront descouvert, et en prendre rigoreuse et exemplaire punition et chastoy. J'escripz ung mot au Sr de Rassinghem, bailly d'Alost, pour luy monstrer le contentement que j'ay eu du bon debvoir qu'il a fait à ladicte appréhcnlion, que vous ferez bien de luy envoyer (1).

(2) Il lui écrivait :

« Chier et féal, aians esté nnguaires adverty, par lettres de madame la ducesse da Parme, nostre bonne sœur, le bon debvoir que vous avez fait à l'appréhention de quelques malheureux qu'aviont fait certain saccaigenieut à Bruges et ailleurs, nous vous avons bien voulu donner à cognoistre, par ce mot de lettre, le contentement et satisfaction que vous nous y ayez donné, comme de chose que nous ne povons délaisser d'avoir à cœur, comme il

Aussi sera-il besoing que l'on aye l'œiiil ouvert, non seulement à ce que les voisins pou rrion t brasser vers les frontières, mais pour descouvrir, si faire se poeult, les practicques que, comme vous m'cscripvcz avoir entendu, aucuns tàchiont de mener en Anvers, pour y concilcr quelque émotion.

Quant à Testât Je président de Namur, vacant, après avoir oy le rapport bien particulier de ce que vous m'en représentez, je me suis arresté sur l'advocat postulant en mon grand conseil nommé Guillame Manuy, auquel vous pourrez faire donner sa despesche.

Sur la lettre que vous m'avez escripl en particulier, pour responce à celles que je vous avois de pièça envoyé, touchant ung prisonnier condempné par delà aux galères, nommé David Maquclcn, ne chiet que respondre, sinon que en cas que hors de sa déposition l'on viègne avec le temps à descouvrir quelque chose, vous veullez tenir la main que l'on y ayt le regard que convient.

A tant, madame ma bonne sœur, nostre seigneur Dieu vous ayt en sasaincte

guarde.

De Barcelona, le xvme jour de febvrier 1563.

Vostre bon frère,

J. COURTEWILLE. PhLE.

18 FcTfUr.