CCLXXXVII

Barcelonne, 18 FÉVRIER 1563 (1564, N. ST.).

Madame ma bonne sœur, aiant veu et bien particulièrement examiné le dernier escript des prélatz de Brabant, mesmes conféré avec le premier, touchant les vin110 florins par an qu'ilz serionl conlens d'assigner sur les trois abbayes de Tongherloo, S'-Bernard et Affleghem pour l'entrctènement des éveschées nouvelles, nonobstant que leur escript n'en porte expresse mention, et ce que sur le tout vous me représentez par voz lettres du vic de janvier, je n'ay trouvé la chose telle qu'il m'ait semblé la debvoir accepter, et pour aucunes conditions y adjoustées; et premièrement, pour la limitation, qu'ilz mettent en ladicte assignation, de la povoir rédimer au denier vingt, que ne seroit chose ny convenable ny bien seure à l'advenir pour fonder la dotation d'ungévesque; et crains aussi aultrement que notre sainct-père le pape ne la voulsist confirmer, si ce n'estoit assignation à perpétuité et sans ladicte limitation, ou sur lesdictes abbayes ou autres pièces seurcs; et pour tant seroit mon intention que l'on traictast avec eulx pour les induire à y consentir, obmettant ladicte clause de rédemption. D'aultrc part, je ne sauroy estre d'intention de leur admettre ce que ledict dernier escript porte, que les abbayes ne se

puissent charger dépensions ou autrement, sinon du consentement des dénommez, après leur bénédiction, et que je debvroye nommer précisément celluy que, hors des dépositions de ceulx qui eslisent, et aiant regard à l'advis des commissaires, se trouveroit le plus ydoine de tous. Et me doubteroy, quant au premier, que nonobstant que l'on pourroit, avant que délivrer les lettres de nomination, comme escripvez, bien prendre d'eulx l'obligation telle que l'on a de coustume, toutesfois la chose ne seroit bien asseurée, et que les dénommez, et mesmes aussi les prélatz, se vouldroient à l'encontre fonder sur cest accord ou traicté, et que par ce moien Ton se y pourroit trouver en difficulté et contradiction : bien me semble, comme à vous, qu'il ne convient charger davantaige lesdictes trois abbayes que porteront la charge de ladicte dotation. Et quant au second, combien que je puis bien admettre, selon l'escript, de commettre les deux prélatz, avecq aultre commissaire de mon costel, si me sembleroit toutesfois l'adjection susdicte de dcbvoir prendre ainsi le plus ydoine, par trop préjudiciable ; et seroit contre ce que m'est permis par mon induit, et dévoierait de ce que y a esté usité et observé du passé; et seroit comme en effect réduire la chose à l'élection des religieulx. Et finablement n'y a cause ou matière pour quoy lesdicts prélatz me doibvent ou prétendre mectre en avant ny l'ung ni l'aultre, mesmes n'ayans ces poinlz rien de commun avecq le fait de l'incorporation en question. Par quoy je désire que cecy soit changé, et qu'il demeure comme du passé, et en substance du premier escript, en leur déchirant que je y auray tousjours, comme ay eu jusques oires, le regard tel que de raison. Et par-dessus ce désirerois aussi que l'on les puist induire de payer à l'évesque de Bois-Ie-Duc, pour le passé, du moins dois sa résidence, le mesme traitement et pension qu'ilz payeront pour l'advenir. Desquelz pointz je vouldrois bien que l'on leur fit une rencharge de ma part; et au cas qu'ilz se veullent accommoder, je seray content, pour en faire une fois une fin, d'accepter leur offre et passer oultre. Et en ce mesme cas pourrez-vous incontinent faire prendre nouvelles informations, tant en l'abbaye de S^Bernard qu'en celle de Tongherloo, et me les envoyer au plus tost, afin que, les aiant receues, je puisse procéder à la nomination sans plus de dilay, comme je feray. Toutesfois, s'il vous semble que ceste nouvelle rencharge pourroit causer quelque reculement au fait des aydes, et que pour tant il sera milleur

19(14 18 Février.

i» F#tritr. de non cn parler, vous pourrez temporiser et dissimuler d'avoir receu responce, en me rescrivant par le premier ce que vous occurrera sur cecy, avecq vostre advis sur chesque point et sur ce que en despend. Et à cest eflect vous ay voulu escripre ceste lettre à part, ne m 'ayant semblé que bon que, pour les considérations contenues en voz lettres, vous n'ayez fait parler ny de la prévosté de Merssem, ny de ce que l'évesque de Namur peult avoir en Brabant et où son diocèse se peult extendre.

Quant à ce que concerne la désignation des nouveaux limites pour les archevesché de Malynes et évesché de Bois-le-Duc, répartissant entre icelles ce qu'estoit destiné pour l'éveschiô d'Anvers, comme seroit mon intention, présupposant que l'on fût d'accord de ce que dessus avecq les prélatz de Brabant, vous ferez bien de y adviser encoires plus prèz, et d'en faire dresser par delà quelque concept et me l'envoyer : bien qu'il m'a semblé de prime face que Anvers et Lière et leurs districtz, pour la voisinance, duiriont bien avec Malynes, et que, pour la mesme raison, Berghes, Breda et Hoochslraete s'annexeriont plus convenablement à l'éveschié de Bois-le-Duc, et sepourroit délaisser à Malines ce que luy est jà attribué de Flandres. Toutesfois me ferez plaisir de y adviser plus près.

Aussi me sera-ce plaisir que vous faccz examiner plus près et me donniez plus particulièrement vostre advis sur les lieux et bénéfices où se pourriont consigner les vium florins restans pour le parfurnissement du dot prétendu.

J'ay différé d'escripre à l'évesque Zonnius jusques à ce que j'entendray quelle sera l'issue de ceste négociation.

A tant, madame ma bonne sœur, nosfre seigneur Dieu vous ait en sa saincle guarde.

De Barcelona, le 18e de febvrier 1563.

Vostre bon frère, Phle.

j. courtewille.

CCLXXXYIII.

Barcelonne, 18 FÉVRIER 1563 (1564, N. ST.).

Madame ma bonne sœur, j'ay sceu, par voslrc lettre du vic de janvier, le trespas du feu Sr de Glajon (que j'ay senlu comme vous povez penser, aiant perdu ung tel personnaige), et comme, par ce moyen, Testât de maistre de l'artillerie estoil devenu vacant, que ja aucuns commencent à poursuivre (dont vous m'avez escripf plus particulièrement par voz lettres du xxme de janvier), mais qu'il vous sembloit plus que requis de, avant que se résouldre de pourveoir dudict office, wider toutes les difficultez que ceulx de mes finances ont quant à icclluy. Que m'a semblé très-bien et que vous faciez esclarcir le tout; et m'en pourrez aprèz advertir, pour lors comme allors reguarder, quant à la provision dudict estât, ce que plus conviendra à mon service.

A tant, madame ma bonne sœur, nostre seigneur Dieu vous ayt en sa saincle

guarde.

De Barcelone, le 18 jour de février 1563.

Vostre bon frère,

J. COURTEWILLE. PhLE.

UBM

18 Fé»ritr.