CCCX1II

LA DUCHESSE DE PARME A PHILIPPE II

Bruxelles, 13 août 1564.

Monseigneur, ce me sont esté nouvelles tristes et douloureuses qui me sont venues par ce porteur, passant oultre avec icelles vers Vostre Majesté, du trespas advenu de l'empereur le xxve du mois de juillet, et ce, oultre mon particulier regard, aussy pour le bien publicq, aiant esté prince tant calholicque, vertueulx, débonnaire et amateur de paix, et tant désireux et soigneux

(1) Le baron Adam de Pietricbstein, ambassadeur impérial à Madrid. ■

de la entretenir et maintenir en la Germanie, et singulièrement pour le i3Aoùi. regard de l'affection et sollicitude que je l'ay veu lousjours porter au bien des affaires de Vostre Majesté et des pays de par deçà. Ce que sçachant icelle ne ignorer, je comprends aussi que de tant plus elle sentira ce trespas, y joinct la perte qu'elle y faict d'ung parent sien si proche et principal : ce que toutesfois estant de volante et ordonnance divine, laquelle Vostre Majesté cognoît ne se povoir changer, je sçay aussy que par sa grande prudence elle sçaura s'y accommoder, d'autant plus que, aiant la vie que Sa Majesté Impériale a passé en ce monde esté si vertueuse, saincte et exemplaire, comme ung chascun a bien cognu, il y a pour quoy fermement espérer qu'il soit appelle à vie pardurable : ce que prie Dieu soit ainsy et de luy vouloir faire mercy à l'âme. Je sçay bien que Vostre Majesté en fera faire (comme de raison) les principales funérailles par delà : si a-il esté considéré icy que, attendu que ces pays sont si prochains de l'AIlemaigne, alliez avec l'Empire et aulcunement deppendans d'icelluy, avec ce que c'est l'oncle de Vostre Majesté, l'on ne se peult passer d'en faire quelque démonstration et debvoir par deçà, comme d'escripre à tous chapitres et prélatz (1) d'en faire faire les prières et œuvres pieuses pour l'àme, selon que j'ay desjà commandé de faire, et que, oultre ce, je me dois mectre en deuil avec quelques gentilzhommes et dames miens; faire tendre quelque deux ou trois pièces de ceste court de noir, et après faire faire quelques excques en la chappelle de cestedicte court, à chappelle ardante, assistées des chevaliers de l'Ordre et aultres seigneurs que s'y pourront trouver (2). Dont j'ay bien voullu adviser Vostre Majesté, pour, là où aiant entendu ce que icy il a semblé en cest endroict, elle enlendist que se feist aultre chose, me le

(1) La duchesse adressa, de plus, le 12 août, uue circulaire aux gouverneurs et conseils de justice des provinces, les chargeant » de faire faire les debvoirs et offices qu'on estoit accoustumé « de faire en cas semblable; commandant, de la part du Eoi, que dans les bonnes villes et dans « les églises et monastères on fît sonner les cloches et célébrer le service divin à l'accoustumée, « en faisant aussi faire prières, oraisons et autres œuvres pieuses et salutaires pour l'âme du • feu empereur; et ce le plus tost possible. « (Archives du royaume, liasses de l'Audience.)

(2) Ce fut le 20 septembre que la duchesse fit célébrer à Bruxelles les obsèques de l'empereur Ferdinand.

«SCI 13 Août.

commander, pour me reiglcr selon ce. Et ce pendant la supplieray me tenir en sa bonne grâce, et au Créateur qu'il luy doint consolation très-bonne et très-prospère vie.

De Bruxelles, le xmc jour d'aougst 1564.

LA DUCHESSE DE PARME A PHILIPPE II

Bruxelles, 13 août 1564.

Monseigneur, Vostre Majesté se pourra souvenir, s'il luy plaist, d'avoir esté par ci-devant adverlie comment ung Anthoine d'Avalos, espaignol, s'estoit constitué prisonnier à Gand, es prisons de vostre conseil en Flandres, pour faict d'hérésie, ausquelz, ce pendantque l'on alloit faisanllc procès dudict prisonnier, j'escripvis que, icelluy fourny et veu, ilz eussent à m'advertir de ce qu'ilz y auroient trouvé et de leur advis là- dessus, avant que procéder à pronunciation de quelque sentence. Depuys quoy, mesmes au mois de may dernier (1), lesdicts du conseil en Flandres m'escripvirent que, aiant veu ledict procès fourny, tant à charge que descharge dudict prisonnier, lequel procès ilz m'envoyèrent joinctement avec leur lettre, leur auroit semblé, le tout bien considéré, que ledict d'Avalos avoit bien mérité, à cause de ses mésuz, d'estrc puny et chastié au corps extraordinairement, saulf et endessoubz la mort, et, par-dessus ce, comme inulil et pernicieux es pays de par deçà, d'estre de tous iceulx banny ou relégué sur la hart, se remectans néantmoins à moy, qui, aiant depuys faict visiter icy ledict procès, entendis, par le rapport d'icelluy

(1) Par une lettre du 20 mai, qui est dans le reg. Correspondance de Flandre, Artois, Lille et Tournai/, t. "VII, fol. 309.

qui m'en fust faicl, que se Irouvoil par ledict prisonnier avoir esté à diverses uaoùi. Ibis, en communes et aultres assemblées, proférez plusieurs propoz indiscrelz, scandaleux, voires en partie blasphématoires 5 et entre aultres, comme certain temps il se vantoil de ses prospérilez en ce monde, luy estant sur ce dict qu'il en debvoil regracier Dieu, en luy réduisant en mémoire l'évangille de sainct Luc, au ai* chapitre, touchant l'homme riche, soy confiant et mectant son repos en ses richesses, icelluy d'Avalos réplicqua soubdain, en présence de plusieurs personnes : «Bren pour Dieu!», y adjoustant après qu'il ne se soucioil de son âme quand son corps seroit mort, et que de ces et semblables parolles ledict d'Avalos a esté assez couslumier d'user, à grand scandale et offense des escoutans (1), chose nullement passable par dissimulation ny sans grande punition. Et combien que le chastoy que lesdicls du conseil en Flandres avoient advisé, comme dict est, avoit icy semblé assés propre, si fust-il néantmoins considéré que, bannissant ledict d'Avalos hors ces pays, il se povoit retirer es circumvoysins, et mesmes sur les frontières, et faire plus de mal, et que, pour à ce obvier, mesmes aclendu qu'il estoit subject de Vostre Majesté des pays d'Espaigne, et lequel Vostre Majesté m'avoit singulièrement enchargé, il eust mieulx valu de, en lieu de ladicte punition corporelle et bannissement advisé par lesdicts du conseil, l'envoyer au service des galères de Vostredicte Majesté, et qu'en ce faisant se garderoit la justice et se pourverroil joinctement audict danger. Suyvant quoy j'escripvis ausdicts de vostre conseil (1) de se reigler, et, aiant prononcé sentence, faire délivrer ledict prisonnier à Alonso del Ganlo, pour l'encheminer vers Espaigne, comme a esté faict, se trouvant icelluy prisonnier en Zélande, attendant le vent pour faire voyle. Et aiant faicl Iranscripvre ledict procès, il s'envoye vers Vostre Majesté, afin que, si icelle désire estre plus particulièrement informée de cest affaire, elle luy en puisse faire faire la relation.

(I) Dans sa lettre ci-dessus citée, le conseil de Flandre dit que d'Avalos, » estant reprins, » s'excusoit sur raisons fondées en philosophie naturèle.» Rajoute que d'Avalos ■ s'adonnoit • à toutte lubricité et mensongeries, de sorte que mesrae par ceulx de la nation espaignole il « e3toit tenu et réputé pour frauduleux et abuseur de gens. »

(1) Les 3 et 23 juillet. Les minutes des deux lettres sont aux fol. 351et 365 du registre cité à la page précédente, note 1.

«Sl.i

UAoit. A tant, Monseigneur, je me recommande très-humblement en la bonne

grâce de Vostre Majesté, priant le Créateur donner à icelle, en très-bonne et longue vie, santé et toute prospérité.

De Bruxelles, le xme jour d'aougsl 1564.

LA DUCHESSE DE PARME A PHILIPPE II

Bruxelles, 13 août 1561.

Monseigneur, ily a bien longtemps qu'il y a différend et procès entre vostre pays elconié de Bourgoigne, d'une part, et la cité impériale de Besançon, d'aullre, à cause des limites, pour pacification desquelz plusieurs communications sont esté tenues, lesquelles toutes sont esté infructueuses, comme aussy les députez commis d'ung costé et d'aullre à la Visitation et vuydange desdiots différends et procès, y aians entendu et vacqué, n'ont sceu s'accorder et résouldre : de manière que, pour une fois en sortir et maintenir lesdictes parties en bonne union, voisinance et intelligence, l'on n'a sceu trouver expédient plus convenable ny propre que de choisir gens neutraulx et non suspectz pour la décision desdicts différends, et s'est-1'on advisé et accordé (soubz le bon plaisir des supérieurs de ambedeux les parties) de messire Nicolas de Recourt, seigneur d'Eschigey, et le S1* de Monlholon, conseilliers au parlement de Dijon, pour arbitres, et le premier président audict parlement pour médiateur. Sur quoy aians lesdicts de Besançon impétré et obtenu de l'empereur aggréalion et consentement, selon que le m'ont adverti ceulx de vostre court de parlementa Dôle, et partant estre besoing y entrevenir pareillement l'aggréation et consentement de Vostre Majesté, il plaira à icelle ordonner qu'il soit envoyé par deçà au plus tost, afin que, ces débalz et différends une

fois vuydez et desmeslez, les parties susdiclcs puissent voisiner amiablement, « Août, en bonne union,, concorde et intelligence ensemble: aiant faict joindre à cesle les pièces concernons cest affaire, par lesquelles se pourra veoir ce qu'en est passé. Et n'a semblé icy se debvoir deflier du debvoir de ces arbitres et médiateur, pour estre du ducé de Bourgoigne, tenu par le roy de France, d'autant que ceste question n'est que de quelques limites et bornes entre lcdicl conté et ladicte cité : dont ne peult tourner aulcun prouffit ou avanlaige pour les François, et attendu aussy que ceulx dudict ducé de Bourgoigne tiennent toujours ensemble bonne voysinance et neutralité, aussy en temps de guerre, avec ceulx du conté.

Voslre Majesté a dois longtemps, quasi à chasque fois que j'ay despesché, esté continuellement advertie de la peine et perplexité en laquelle, non sans très grande raison, l'on se trouvoit et se trouve encoires présentement par deçà, à raison des deniers levez sur le crédit de quelques villes de Flandres et Haynnault, en aians, en l'an LVII, baillé leurs obligations la pluspart à Allemans et aullres marchans estrangiers, et des inconvéniens appareils de sourdre et s'estans desjà par ci-devant commencé à monslrer; aussy comment il ne convenoit entrer es lettres de surcéance et estât que aulcunes desdictes villes, travaillées des marchans, demandoient à faulle d'estre indempnées, comme à Vostre Majesté (si c'est son bon plaisir) en pourra estre rafreschie la mémoire par tant de mes lettres précédentes, par une desquelles mesmement du xxixe de mars dernièrement passé (1), Vostre Majesté fust advertie quej'avoye tant faict que la ville de Tournay, laquelle estoit le plus molestée des marchans par arrest de leurs bourgeois, tant à Francfort que Anvers, estoit contentée. Mais, comme l'on n'a sceu trouver façon ny moyen de traicter avec les aultres ny avec les estatz de Flandres, aians, comme est porté par ladicte lettre dudict xxixe de mars, refusé de prendre à eulx la charge des obligations des villes dudict pays courrans encoires à fraict, tant pour les convertir en rente, au moindre dommaige de Vostre Majesté, que pour par ce

(1) Nous n'avons pas donné cette lettre, qui est dans le reg. Correspondance de la duchesse de Parme et de Philippe II en matière de finances, fol. 125, à cause du peu d'intérêt qu'elle nous a paru offrir.

ISCl 13 Août.

moyen délivrer lesdicles villes de la poursuyle des marchans, iceulx, ne voyans aj)parcnce d'eslrc conteniez et ne vcuillans avoir plus longue patience, usans de la voye rigoreuse, ont tant pressé quelques villes obligées, par arreslz de leurs bourgeois en Anvers, nomméement des villes d'Ypre, Audenaerde, Allost et d'Aeth en Haynnault, qu'elles ont soubdain despesché icy leurs députez en grand nombre, requérans d'eslre indempnez, ou que leur fussent accordées et despeschées lesdicles lettres d'eslat et surcéance. El combien que, ne se vcuillans lesdictes villes ny estatz charger desdicles obligations, les convertissant en rente sur l'indempnilé que leur en promectroit Vostre Majesté, comme dict est, se defllans de telle promesse, sur le fondamment (selon que s'entend) que l'on ne lient point le soing de fournir et accomplir ce qu'on leur promect, l'on ne voit aullre moyen à cecy que desdictes lettres d'estat, si n'a-l'on toulesfois osé venir à les accorder, pour les notoires inconvéniens que de ce procéderoient aians cy-devant esté représentez, comme dicl est, à Voslre Majesté, y allant lanl sa réputation et si grand préjudice au cours de la justice, avec ce l'entier deffaillement du crédit que Vostre Majesté en une extrême nécessité sçauroit recouvrer par deçà : ce que advenant, icelle peult, par sa prudence, facilement considérer que quant et quant s'en va perdre celluy de ses subjeetz, estatz et villes, d'aultant que les marchans, voians que l'on use de ceste extraordinaire et absolute aulhorité es deniers que Vostre Majesté mesme doibt, pour les frustrer des obligations et plesgeries qui se feroient, ilz ne vouldroient plus à riens se fier, veu que, par la mesme voye, par semblables lettres de surcéance l'on leur pourroit osier l'effect des obligations qu'ilz auroient prins des estatz, de moy, des seigneurs de par deçà, des villes, des Fockers et aultres particuliers affectionnez au service de Vostre Majesté, qui aulcune fois pour icelluy interposent leur foy et crédit : de manière que en ung besoing icelle Vostre Majesté pourroit se trouver destituée de tout ayde et service de deniers, avec très grand-danger de tomber en perle de ces Estatz et pays. Ce qu'estant ainsy, il a icy semblé si, à faulte d'aultre provision, il fault par force entrer en ce desdictes lettres, que du moins ne le doibt-1'on faire sans le sceu et adveu de Voslre Majesté, et Iuy aianl auparavant remonstré les susdicts inconvéniens, oullre lesquelz il est encoires à doubler que le susdict moyen desdictes lettres ne sera point remède souffis-

sant pour s'exempter des poursuyles desdiets marchans, pour eslre principallement en la ville d'Anvers, où résident lesdiels marchans cl y trafficquenl ceulx des villes, que lesdicts arrcslz se font, et qu'icculx d'Anvers mouveront diflieultez, y voullans adapter la Joyeuse-Entrée et aultres previléges que aultrefois ilz ont allégué, quand l'on a voallu user de surcéance d'exécution de leurs sentences et décretz, avec ce que, refusans de faire droict ou exécution ausdicts marchans, les bourgeois et marchans d'Anvers mesmes, trafficquans et négocians en Allemaigne et ailleurs, pourront, à couleur de faulte de justice, estre arrestez es lieux où lesdictes lettres de surcéance n'auront point de lieu. Et encoires, oultre tout cecy, il seroit grandement à craindre que, venans les bourgeois à estre arrestez partout, et n'osans, pour craincte d'iceulx arrestz, aller à leurs affaires, par où la négociation et trafficque viendroit à s'empescher et diminuer, avec ce que, pour les différends avec Angleterre, elle n'est présentement point grande, et le peuple partant à souffrir, il en pourroit ensuyvre quelque esmotion populaire, chose que Vostre Majesté peull comprendre combien elle nous duisroil peu es termes où nous nous trouvons pour le présent, semble que l'on ne se doibt mectre en si grand danger et inconvénient, ains que Vostre Majesté, considérant le tout comme il convient, singulièrement pour son service, doibt continuer sa libéralité en cest endroict, dont très-humblement je la supplie, et nous ayder à sortir de ceste perplexité, puisqu'elle sçail que ces deniers ont esté employez promptemenl en son service, pour payer les gens de guerre aux dernières passées, sans estre iceulx deniers venuz es mains de ceulx de voz finances, et que Vostre Majesté, lorsque lesdictes villes s'obligearent, qui fust en saison de très-grand besoing, nécessité et presse des ennemis, leur promeit si expressément de les indemner, lesquelles, à ceste occasion, oultre la fascherie qu'elles en ont receu, sont tombées en indignation vers les membres et chief-villes de Flandres, pour avoir entré en ces obligations sans leur participation, à quoy elles sont esté induietfs par les grandes promesses de ladicte indempnité.

Par ma dernière du xnc du mois de juing dernièrement passé (1), Vostre Majesté aura entendu ce que, sur les plainctes que l'ambassadeur de France

(1) Nous n'avons pas cette lettre.

IMi

13 Août.

ISC4

i« *oùi résident par delà avoit faict à Voslre Majesté contre le Sr de Malbergh, commis à la garde de la maison de Lûmes au costé de Luxembourg!), j'avoye respondu au Sr Testu, résident icy pour les affaires de Sa Majesté Très-Chrestienne, m'en aiant icy faict les mesmes plainctes, et aussy ce que là-dessus j'avoye escript à vostre ambassadeur résident en France, avec ce que sur lesdictes plainctes respondoit ledict Sr de Malbergh, tant pour sa justification propre que pour la déclaration du droict de Vostre Majesté (dont copie va aullre fois avec ce despesche), afin que tant plus tosl icelle Vostre Majesté en puisse estre rafreschie, mesmes des rudesses que, du costé de France, l'on usoit lors contre ledict Sr de Malbergh, lesquelles l'on y a naguerres renouvelle et réitéré, selon que Vostre Majesté pourra veoir par copie de sa lettre allant joincte à ceste, et par aultre copie (aussy y estant) de la responce que là-dessus j'ay faict au seigneur de Berlaymont, qui dois Namur m'avoit ad dressé la lettre dudict de Malbergh en compaignie d'une sienne propre.

Vostre Majesté pourra entendre les considérations et respeclz pour lesquelz il n'a icy semblé debvoir entrer à résislence violente par gens et armes, selon que le demande ledict de Malbergh par sadicle lettre, ains de continuer la négociation précédentement enchargée à vostredicl ambassadeur en France sur cesl affaire, dont jusques à maintenant l'on n'a eu nouvelles : ensuyvanl quoy je luy ay escript, du vie de ce mois, ce qu'il plaisra à Vostre Majesté entendre par copie que aussy s'envoye avec ceste. Oultre quoy il a icy semblé qu'il seroit aussi bien qu'il pleust à Vostre Majesté faire faire quelque remonstrance à l'ambassadeur de France eslant par delà, pour le faire entendre à son maislre, et encharger audict don Francèz de faire le mesme, afin de tant plus tost povoir parvenir à la raison touchant ledict Lûmes, mesmement à la restitution de la possession de la place et deppendences, telle qu'en avoit auparavant, et lors de l'ouverture des dernières guerres, le Sr de Busancy, selon que par le traicté dernier de paix l'on est tenu de faire, puisque de par Vostre Majesté il a si entièrement esté accomply il y a si longtemps ; afin aussy que, voisinant plus doulcement, l'on s'abstiègne de telles forces et violences par trop disconvenables à la parfaicte amitié et bonne voisinance de Voz xMajeslez, ou que autrement vous seriez forcée à y meclre le remède que aviseriés con-

venir pour défendre et préserver voz vassaulx et subjeclz de semblables a» *ott. forces et violences.

Et pour non relarder plus ce présent courrier, je finiray ceste, me recommandant, Monseigneur, plus que très-humblement en la bonne grâce de Vostre Majesté, et priant le Créateur donner à icelle très-bonne, très-longue et très-heureuse vie.

De Bruxelles, le xme jour d'aougst 1564.

CCCXYI.

Madrid, 25 août 1564.

Madame ma bonne sœur, les doloreuses nouvelles du trespas de feu l'empereur, mon bon oncle, que Dieu ait en sa gloire, me sont ici venues au temps que la Royne, madame ma bonne compaigne, estoit si aux extrêmes d'une fîebvre continue, avecq ses accroissemens et pluisieurs autres accidens y concurrans, qu'il n'y restoit que la main de Dieu : dont vous porrez facilement imaginer combien je debvois sentir et l'ung et l'autre, aiant d'ung costel fait perte d'ung parent si proche et à qui j'ay lousjours porté une affection et amour particulière depuis que je le cognus, pour sa bonté et grandes vertuz, oultre toutes les aultres causes et considérations particulièrement spécifiées en voz lettres du xine de ce mois; et d'aultre part me trouvant en extrême peine et crainte de perdre aussi, oultre l'espoir que j'avois conceu de génération, celle qui me va de si prèz. Mais, grâces à Dieu, au temps que l'on doubtoit le plus, la maladie s'est changée en apparent amendement et mélioration, qui a lousjours continué depuis avant-hier bien peu devant midy jusques à cestheure (1), de sorte que

(1) Voir les lettres écrites à Catherine de Médicis, le 19 et le 25 août, par le S"" de Saint-

Suplice, ambassadeur de France à Madrid, dans La Bibliothèque nationale à Paris, Notices

et Extraits des manuscrits qui concernent l'histoire de Belgique, t. II, p. 174.

h Août, je demeure avecq grand espoir que Dieu ne nous vouldra lant de mal en ung coup. El retournant à la mort de Sa Majesté, puisque c'est ung pas commun à tous et qui ne se peult éviter quand il plaist à Dieu, je me conforte de mieulx, tenant pour certain que, aprèz une vie si vertueuse, Sa Majesté aura esté appelléc pour l'éternelle, et loue Dieu qu'il ait récompensé ceste perte par le nouveau empereur, mon frère (1), duquel, selon toutes ses actions passées, l'on ne peult attendre sinon qu'il suivra les vestiges de son père, au bien et repoz de la chrestienté, et particulièrement de ses subgcclz et miens. Reste de prier à Dieu pour le salut de son âme, que je ne fauldray de faire faire par deçà et les funérailles telles que de raison, comme d'ung prince si grand et de tant de mérites, et qui m'attouchoit de si prèz : mais, ce néantmoings, il me semble très-bien et très-prudemment advisé que, oultre et par-dessus cela, vous facez aussi par delà la démonstration et debvoir, tant au regard des prières, œuvres pieuses et exèques, que du deuil mentionné en vosdictes lettres; et désire qu'il s'effectue ainsi. Dont je vous ay bien voulu advertir incontinent avecq ceste oportunité, et semblablement de l'espoir que se conçoit par deçà de la convalescence de la Royne, pour vous en mettre hors de peyne.

A tant,, madame ma bonne sœur, nostre seigneur Dieu vous ait en sa saincte guarde.

De Madrid, le xxve jour d'aougst 1564.

Vosire bon frère, Phle.

j. codrtewille.

(2) Maximilien II, qui avait épousé l'infante Marie, sœur de Philippe II.