CCCXXXIV
Madrid, 25 novembre 1564.
Madame ma bonne sœur, ceste sera en responce à voz lettres du vme d'octobre en matière de consulte.
Ce a esté une bonne œuvre d'avoir procédé à la réformalion de l'abbaye de S^Michiel en Anvers, selon que je vous avois escript par mes précédentes, et va bien aussi que l'abbé nouveau se soit monstre voluntaire à l'accomplissement de mon intention, mesmes à l'endroit de la pension que cy-devant j'avois donnée et depuis continuée, sur ladicte abbaye, aux filz du Sr de Gaesbecke et des secrétaires Vander Aa et Berty respectivement. Et ferez bien de tousjours tenir la main à ce qu'il s'effectue.
Quant à l'abbaye de Tongerloo, j'y ay nommé frère Jacques Van Diessen, chamberlin du feu abbé, et selon ce luy pourrez faire faire de delà son despesche, mais que préalablement vous reguardiez aussi de l'induire à quelque gratuité pour l'évesque de Bois-Ie-Duc Zonius, en conformité de ce que a esté fait à l'endroit de l'abbé de Sl-Bernart. El ay fait escripre à ce propos une lettre audict frère Jacques Van Diessen nommé, semblable à celle que dernièrement s'escripvit audict abbé de S'-Bernart sur le mesme affaire, me remettant à vous de nommer la somme telle que vous jugerez convenir, aiant reguard à tout ce que vient en considération : de laquelle gratuité userez à
IBGi
l'endroit dudict Zonius comme vous ay escript par mes autres sur celle que a ss Novembre. esté obtenue dudict abbé de S'-Bernart.
Je suis content, suyvant vostre recommandation, que la concergerye de ma petitte maison à Bruxelles demeure à Jehan Paradis, que vous y avez colloque par provision : dont luy pourrez faire faire le despeche.
Au demeurant, comme feu Loys Sigoney, en son vivant contrerolleur de la maison de la royne (1), qui tenoit aussi lestât extraordinaire de maistre des comptes de Luxembourg à Bruxelles, soit icy décédé, je me suis arresté à donner ledict estai de maistre des comptes à son frère Jehan Sigoney, contrerolleur de ma maison, avec les mesmes gaiges et émolumens et à en joyr en la mesme sorte que en joissoit ledict feu Loys, nonobstant son absence pour nostre service; et partant vous requiers de, suyvant ce, luy faire despeschersa commission et ce qu'en despend de sorte qu'il puist joyr de l'effect de mon intention.
A tant, madame ma bonne sœur, nostre seigneur Dieu vous ait en sa saincte guarde.
De Madrid, le xxve jour de novembre 1564.
Vostre bon frère, Phle.
j. courtewille.
(1) La reine Marie, sœur de Charles-Quint.
ISU4 W Notembre.
Madrid, 25 novembre 1564.
Madame ma bonne sœur, veu la difficulté que se fail à Romme à l'endroit de l'abbé de S'-Pierre, que j'avois nommé à l'évesché de Gand, et à la vérité non du tout sans raison, puisqu'il n'a les degrez que se requièrent, par la concession du pape, es personnes que je nommerois aux éveschez et semblablement par le concilie, il m'a semblé que je n'y doibz plus insister; et ainsi me détermine de nommer ung aultre (2) que vous entenderez et verrez par la lettre que je vous escripz de ma main, et sera bien de non le divulguer tant que l'on saura s'il le vouldra accepter : à l'eftect de quoy j'ay aussi joinct icy une lettre pour luy, la superscription en blancq,que vous pourrez faire mectre par delà, et entenderez le contenu par une copie qui ira jointe; et pour gaigner temps, ay fait semblablement despescher lettres de nomination en son nom, et aussi en blancq, que, en cas d'acceptation, vous pourrez faire remplir et vous en servir sans plus de renvoy. Et pour aultant qu'il n'auroit de quoy se sustenter durant la vie deceulx qui joisscnt de la dotation dudict évesché, je faiz compte de luy assigner, pour ce temps pendant, mil cinq cens ducalz de pension sur l'ung des éveschez qui vacquent icy présentement, dont j'envoieray le despesche à Romme quand je le pourray : par où cessera l'inconvénient que se pourroit représenter icy. A tant, etc.
De Madrid, le xxve jour de novembre 1564.
(1) Nous donnons cette lettre et les trois suivantes d'après des copies qui furent faites, aux Archives impériales, à Vienne, par M. Bakhuizen Van den Brink. Les originaux n'en existent pas dans nos Archives.
(2) Corneille Jansenius, doyen de Saint-Jacques, à Louvain. Voy. Correspondance de Philippe II sur les affaires des Pays-Bas, t. I, p. 327.
