CCCXXXIII

Madrid, 25 novembre 1564.

Madame ma bonne sœur, à la principallc lettre que vous m'avez escript on matière d'Eslat, du vin" d'octobre dernier, se respond par une autre mienne cy-joinle. Ceste sera doneques pour faire le mesme à la seconde vostre de la mesme date, parlant en premier lieu de la commission provisionnelle du lieutenant de la gouvernance de Lille, que vous avez esté meu de donner à maislrc Baulde Cuvillon, advocat fiscal d'icelle gouvernance : que m'a semblé très-bien, et mesmes les instructions et charges particulières que luy avez baillé. Et se conduisant en icelle comm'il convient, à quoy vous ferez bien d'avoir regard, j'auray voluntiers de luy en temps et en lieu la souvenance que de raison.

Ce a esté une bonne despesche d'avoir fait exécuter le prebstre apostat dogmatizeur aiant fait la révolte que voz lettres contiennent au chasteau de Replemonde. Et ne doubte vous ferez aussi faire le debvoir que convient pour attraper (s'il est possible) ceulx qu'il a accusé infectez d'hérésie : ce que je vous recommande.

Et quant à l'aultre exécution faite en Anvers de Christoffle Fabricius, moine, aussi apostat dogmalizeur, durant laquelle est advenue l'insolence mentionnée en vosdictes lettres, comme cecy est chose de la conséquence que vous povez considérer, je ne puis délaisser de vous recommander aussi tout le debvoir possible pour attaindre les aulheurs et en faire la démonstration que convient.

Et sera bien que] d'icy en avant, quand il sera question de faire quelque semblable exécution, l'on y aille si bien accompagné et sur sa guarde que la force demeure à l'officier: ce que vous pourrez déclairer au maregrave d'Anvers, et luy louer, ce néantmoins, de ma part, le debvoir qu'il a fait en cecy, et à

ceulx de la ville la diligence dont ilz usent pour descouvrir et attraper lesdicts 2S autheurs, les exhortant de la continuer, comme chose qu'ilz sçavent j'ay tant à cœur et qui est de si grande importance pour le bien et prospérité de la ville. Et au regard de Olivcrius de Bock, qu'estoit prins avec ledict Fabricius et lequel toulesfois, pour ne s'avoir meslé de prescher et avoir esté nourry dois sa jeunesse en autres pays, aussi pour rendre aucunement content le conte palatin, électeur, qui avoit intercédé si instamment pour luy, l'on avoit esté d'advis en conseil de le bannir perpétuellement hors de mes pays, à peyne de la vie, et que cela souflîroit, il y a moins de dangier, veu lesdictes considérations. Toutesfois, à l'advenir, en choses semblables il sera mieulx d'en faire aussi quelque aultre démonstration, aOn que les estrangiers ne s'y fient, et ne viègnent soubz ceste couleur de plus hardiment semer leur venin.

Ce me seroit plaisir que l'on peust descouvrir l'habominable fait advenu, es Pasques dernières, à Bruges, et les autheurs des derniers pasquilles dont vous m'avez envoie copie. Et ferez bien de m'adverlir particulièrement du différent d'entre ceulx de Bruges et l'inquisiteur Titelmanus, et d'y mettre ordre au plus tost que pourrez, et d'appointer semblablement, si faire se peult, ce qu'est en controverse entre lesdicts de Bruges et l'évesque illecq.

Quant aux anabaptistes qu'estoient venuz en la ville de Bruxelles, j'eusse bien désiré que l'on les eust peu appréhender, mesmes pour descouvrir leurs complices. Et quant aux dénommez pour l'appréhension desquelz les informations n'avoienl esté trouvées soufïisanles, il sera bien que toutesfois l'on aye l'œil et reguarde sur telz suspeetz, si d'aventure s'ouffroit matière de faire contre eulx ultérieure diligence : ce que je vous recommande, oires que je sçay que vous n'obmeltez riens de ce que peult servir à l'extirpation dudict mal.

Vous avez très-bien fait d'escripre si expressément à ceulx de la loy de Middelbourg de, touttes excuses cessantes, procéder à la pronunciation de sentence, conforme aux placcartz, contre les anabaptistes qu'ilz liègnent prisonniers: et désire bien savoir ce qu'ilz en auront fait.

Au demeurant, ce m'a esté singulier plaisir de veoir que les affaires de Tournay et \alenchiennes commenchionl à s'encheminer assez bien, pour les bons debvoirs que l'on y a fait, que vous requiers faire tousjours continuer et tenir la main, avec les seigneurs qui sont chez vous, à tout ce que vous verrez se povoir faire de vostre costel, selon la confidence que j'en ay.

I5C4 Novembr».

l5W A tant, madame ma bonne sœur, noslre seigneur Dieu vous ait en sa saincte

ii5 Novembre. "

guarde.

De Madrid, le xxvc jour de novembre 1564.

Vostre bon frère,

J. CoURTEWILLE. PhLE.