AUX MAIRE ET ECHEVINS DE BEAUNE

Dijon, 27 soptombro loG7.

^ïossieurs, j'ay rcceu voz lettres (1) contenant que depuis le département de Monsieur de Vantoux, Bénigne Hityer filz du greffier de vostre chambre, qui s'estoyt retiré avec les aultres de la nouvelle religion de vostre ville , y est rentré et vous a demandé les clefz de ladicte chambre de vostre conseil, pour y rentrer comme auparavant ; ce que vous trouvés fort dangereux, estants tous les tiltres et papiers ensemble voz municions en icelle , et que ledict Hityer est de ladicte religion et des plus affectionné. Sur quoy vous me demandés advis. Vous sçavez que je vous ay tousjours recommandé le service du Roy, le repos publicq et la seurté de vostre ville . Par ainsi, puisque ledict Hityer s'est retiré avec les aultres qui ont prins les armes contre la volunté de Sa Majesté et sorty de vostredicte ville, vous y debvés commectre ung aultre en son lieu, homme de bien, jusques par Sadicte Majesté aultremant en soyt ordonné. Et toutesfoys où il vouldroyt venir devers moy pour me remonstrer quelque chose, vous ne luy empesclierés la sorlye de la ville.

¥A pour le regard des aultres de ladicte religion de vostredicte ville, vous adviserés de n'en laisser sortir aucun, affin q Tilz ne suyvent les aultres; et

(1) En date du mtînio jour. (Ms. 4036, f. 23.)

DE GASPARD DE SAULX-TAVANES 21 o

pareillement s'il en revient de ceulx qui estoyent partiz avec les dessusdicts, vous ne les laisserés rentrer, affin qu ilz ne monopollent, jusques à ce qu'il en soyt aultremant ordonné. Et vous gouverneras, quoy qu'il en soyt, tousjours sans tumulte. Monsieur de Yantoux sera bien tost de retour devers vous, par lequel vous vous gouvernerés. Priant Dieu, etc.

De Dijon, ce xxvii« septembre 1567.

Bibl. Nat. — Fonds français. — Ms. 4636, f. 27. — Minute.