A M. DU MOUCIIET

Dijon, 18 décombro liJGO.

Monsieur du Mouchet, j'ay receu voz lettres par lesquelles me mandés que vous avés faict renforcer la garde des portes de Seurre, à raison de l'inconvénient qui est advenu de la mort du roy, qui nous est une grande perte. Toutesfoys je ne voy qu'il y ayt aucune nouvelleté par deçà par quoy Ton doibve renforcer les gardes; sy esse que sera bien fait que ayez l'œil au debvoir de vostre charge. J'ay sce jourd'uy receu des lettres du Roy, desquelles je vous envoyé le double, par où vous congnoistrés son intencion; satisfaisant à laquelle je vous prie prendre garde qu'il ne se remue rien du costé de voz voisins dont vous ne m'advertissiés, pour y pourveoir promptement. Et estant asseuré du bon ordre que vous y mectrés, ne vous en tiendray plus long propos, me recommandant sur ce à vostre bonne grâce. Je prie Dieu, Monsieur du Mouchet, vous donner longue vie.

De Dijon, te xviii» d«^cembre 1560.

Bibl. Nât. — Fond» françai*. — .Ma. 4G31, f. 11.;. — Minute,