BIRA DAVANTAIGE, DE MA PART, A LEURS MAJESTEZ

Que ne sachant comme la Royne d'Angleterre eust peu prandre ce que Leurs Majestez me commandoient de luy dire , .touchant la ligne d'entre la Royne d*Escoce et elle, comme le Hoy estoit contant d'y entrer, j'ay estimé que, pour réserver tout l'advantaige à Leurs Majestez , et obvier qu'on n'y puisse rien calompnier, que j'en debvois parler en la façon que j'ay faict :

C'est que j'ay dict à la dicte Dame qu'ayant le Roy entendu les trois poinctz , ausquelz s'estoit restreinct tout le premier pourparlé d'entre les seigneurs du conseil d'Angleterre et l'évesque de Roz; sçavoir : de la religion, du liltre de ceste couronne et de la ligue; que, quant au premier, de la religion, estant desjà certain ordre re-

ceu là dessus eu Ëscoce, lequel la Royne n'a jamais enfraiuct, il vouloit tant seulement prier à ceste heure la dicte Dame de ne fère force ny viollance à la conscience de la dicte Royne d'EscDce , ny innover rien en ceste matière qui peult admenei* plus d'altération au monde qu'il n'en y a :

Et du segond, qui est le tillre de la couronne d'Angleterre , qu'il desiroit que la dicte Royne d'Escoce luy en fit toute la cession et transport, qu'elle et son conseil estimeroiènt luy estre besoing pour sa perpétuelle seurlé et pour ceulx qui pourroient provenir d'elle :

Au regard du troisiesme , qui concerne la ligue , qu'il ne seroit marry qu'elle se fit entre elles , pourveu que ce ne fût contre luy, ny .au préjudice des aultres ligues qu'il a avec la dicte Royne d'Angleterre et son royaume , et pareillement avec la Royne d'Escoce et le sien; et layssay là dessus amplement discourir la dicte Dame et estendre ses responces, sans l'int^errompre de rien, ainsy que je l'ay desjà mandé.

Mais reprenant^ puys après, le propos, je luy diz que, ayant considéré de moy mesmes combien il sourdoit à toute heure de grandes espines et de nouvelles diflicultez en ce faict de la restitution de la Royne d'Escoce , à cause qu'on la luy proposoit toutjours fort suspecte du costé de France , j'avois suplié le Roy de vouloir luy mesmes intervenir en la ligue deffencive , qui se feroit entre elles deux , affîn qu'en lieu de se dcffyer de luy, elle en print dorsenavant toute asseurance et seurté ; et que le Roy m'avoit respondu qu'il le vouldroit bien^ mais qu'il ne voyoit pas le moyen commant cella se pourroit fère ; toutesfoys, si je le voyois icy sur le lieu, qu'il s'en remettoit bien à moy de passer oultre ;

Et que je pensoys qu'il avoit regardé à la jalouzie , que les aultres princes en pourroient prendre , et possible encores à la diversité de la religion ; dont , de tant qu'il ne m'avoit commandé d'en déclairer si avant à 'la dicte Dame , et que néantmoins c'estoit chose que je ne pouvois effectuer sans elle , je prenois sa parolle pour garant que le propos seroit réservé et ne passeroit plus avant qu'entre nous deux , ou bien , si elle en vouloit communiquer à son conseil , qu'elle me promettoit de ne dire jamais que cella fût procédé de moy.

La dicte Dame , ayant très agréable le dict propos , lequel a este cause que toutl'affère est retourné en bons termes, et néantmoins, estant marrye que je y allois si réservé, me demanda, trois ou quatre foys, si j'avois poinct pensé nul bon moyen en cella. Je ne luy volluz soubdain respondre , affiu de luy en laysser à elle mesmes mettre

quelcun en avant ; mais enfin je luy diz que celluy que je voyoîs le plus honeste estoil que la Royne d'Escoce le requist, et que le Roy, pour le bien et considération d'elle, auroit plus grande ocasiond'y entendre : et n'en est encores la chose plus avant.