OVLTRE LE CONTENU DES LETTRES

le dict S' de Vanal dira, de ma part, à Leurs Ki^jettei :

Qu'on juge icy diversement de la paix de France , car les ungs disent que le Roy Ta faicte ainsy que monsieur rAdmyral Ta voUue, hiy laissant, après Tavoir veincu, plus d'exercice de sa religion qu'il n'avoit auparavant , et toutz les estatz et villes qu'il a demandé : les aultres, au contraire, disent que le dict sieur Admyral s'est layssé aller aulx promesses du Roy, et qu'il s'est condescendu aulx plus honteuses et dommaigeables condicioss de paix qu'il se pouvoitfère, ayant layssé perdre les principalles esglizes, que ceulx de sa religion eussent ez bonnes villes du royaulme, pour se contanter de quelques mescbantz faulxbourgs ; et d'avoir soubmiz, de rechef, eulx et leurs biens aulx parlemens , lesquelz leur sont capitalz ennemys; et d'avoir accordé au Roy le quint de leur revenu pour payer les reytres, dont beaucoup de Catholiques et de Protestans estrangiers , et mesmement ceulx , qui n'ayment ny la grandeur ny Pestablisseraent du ^oy, arguent parla qu'il y doibt avoir quelque secrecte Gonventioii

contre les estatz voysins ; et descouvrent qu'en leur cueur ilz sont inarrys de la paix de France , et quMlz la craignent.

Mais d'aaltres plus modérez , qui en désirent la conservation, jugent tout librement que nul moyen plus heureux^ ny plus pitident, ny plus conjoinct d'honneur avec profQct, se pouvoit trouver au monde , que cestuy cy de la paciflication ; par laquelle le Roy a regaigné Tobéyssance de ses subjeciz, et, eulx la bonne grâce sienne, et toutz ens.emb1e chassé le trouble et le malheur hors du royaume. ,

£t, à ce propos, la Royne- d'Angleterre m'a dict que quelquefoys ung prince pouvoit bien avoir fort bon droict sur un estât, qui pourtant ne le jouyssoit pas, et (jue, hormiz le liltre, il estoit toutjour en peyne ou d'en conquerre ou d'en deffandre tout le reste \ et par ainsy que le Roy a conquiz , par ceste paix, le plus beau royaulme de tout le monde *, lequel auparavant il ne possédoit pas , et dont nul aultre que le sien n'eust peu si longtemps suporter les maulx de la division, sinon avec la mutation ou avec la ruyne entière de Testât, dont elle le conseille de ne le mettre plus eu hazard.

Néantmoins monstrans aulcuns des principaulx du conseil de la dicte Dame qu'ilz craignent meinteanant la dicte paix , ilz donnent à c'ognoislre (ju'ilz ne,la desiroienl pas; et mesmes ung, qui sçayt assés de leurs secretz, a raporté.qu'ilz ont dict que, si leur entreprinse de Picardie n'eust point esté descouverle, et que je n'en eusse rien senty, ou bien que monsieur l'Admyral eust peu conduyre son armée vers la frontière du dict pays de Picardye ou Normandie , ilz luy eussent bien donné moyen d'évitter l'honteuse paix qu'il a faicte.

£t despuys la conclusion d'icelle , ceulx de ce pays n'usent de si familière conversation avec les Françoys de leur mesmes religion, comme ilz faisoient auparavant , et ne leur layssent nulz marinyers anglois dans leurs vaysseaulx, bien qu'ilz n'en ayent quasi point d'aullres; et seulement vers M' le cardinal de Cbastillon ilz monstrent luy porter encores quelque honneur et respect, pour l'obliger davantaige à estre ministre de conserver la paix entre ces deux royaulmes..

Et , encor que de certains propos qu'on leur a faict acroyre , qui ont esté naguières tenuz près du Roy, au préjudice de ce royaulme ; et de la rescente mémoire de la bulle, avec la division qu'ilz voyent croistre toutjour parmy leurs subjectz; et de certaine coppie de lettre qullz pensent avoir recouvert , que le duc d' Alve a escripte à Monsieur, frère du Roy, pour l'inciter, à ce qu'ilz disent, contre eulx; et de l'advertissement , qu'ilz ont, que le dict duc pourchasse, envens

PEmpereur, de fère mettre en arrest toutes les merchandises d'Angleterre, qui sont en Hembourg, pour la réparation des prinses, que les Anglois ont faictes en mer sur les subjectz de son Maistre, la dicte Dame et les seigneurs de son conseil soyent entrez en de bien grandz et divers pensements , néantmoins ilz n'en ont esté guiëres esmeuz jusques à la nouvelle de la paix ; mais lorsqu'ilz ont veu qu'elle estoit conclue à Tbonneur et advantaige du Roy, ilz n'ont heu rien plus hasté que de consulter et d'ellibérer, tout incontinent, comme ilz se pourroyent munyr contre Torage, qu'ilz craignent leur advenir; en quoy ilz ont pensé quUlz le pourroient divertyr par gracieuses négociations et bonnes parolles, bien que possible esloignées de ce qu'ilz ont en intention.

Et ont commancé de dépescher premier devers le Roy le S*^ de Vualsingan pour la conjouyssance de la paix , et pour luy donner bonne espérance des affères de la Royne d'Escoce , avec le surplus de sa commission , sellon que je Tay mandé , en la sorte que je Pay peu descouvrir; bien que la dicte paix leur semble formidable parce qu'ilz n'ont esté appeliez à la fére , et que les principaulx , qui guident les conseilz de la dicte Dame , s'opinyastrent, de plus en plus, à la détention de la Royne d'Escoce , et à interrompre le tretté encommancé, pour fère de rechef rentrer les Anglois en Escoce, ainsy que l'empeschement qu'on a donné à M' de Leviston en la frontière, pour créer cependant le comte de Lenoz régent, et la forme de procéder du comte de Sussex contre ceulx du party de la Royne d'Escoce, le tesmoignent ; dont le Roy me commandera s'il sera expédiant que je tire de la dicte Royne d'Angleterre une résolue responce sur le dict affère.

Et pour le regard du Roy d'Espaigne, ayans eulx pensé de tretter plus mal que jamais son ambassdeur, et luy ayant mandé par ung sien secrétaire que la Royne d'Angleterre ne le tenoit plus pour ambassadeur, et faict dire par deulx aldremans qu'il s'en vtnt trouver ceulx du conseil à S^ Aulban, à xl mil de Londres, où j'ay sceu despuys qu'ilz avoient faict préparer ung logis pour le resserrer, l'asseurance de la paix n'est si tost arrivée qu'on n'ayt changé de toute aultre façon en son endroict, l'envoyant visiter avec bonnes parolles et ofires d'accord sur les différans; et luy ont envoyé Haquens pour se justifiQer de ce qu'on luy avoit rapporté qu'il dressoit une flotte pour aller aux Indes, qui l'a asseuré qu'il n^en estoit rien , et qu'il n'avoit intention de naviguer en lieu d'où le Roy, son Mestre , peuH estrç offancé. Hz ont envoyé Fuyguillem devers le

duc d'Alve, et ont dépesché le jeune Coban devers la Royne d'Ëspaigne, avec les plus expresses parolles et les meilleures démonstrations d'amytié, dont ilz se sont peu adviser.

Et néantmoins , ne se trouvans bien satisfaictz de la responce, que le duc d*Alve leur a faiote touchant son armement, parce qu'il a faict mencion qu'il estoit dressé contre les ennemys , ilz ont résolu de se présenter en mer, quant la dicte Dame passera , et de disposer leurs grands navyres, en sorte quHlz luy gaignent le vent , (ainsi qu'ilz disent qu*ilz ont cinq ventz qni leur servent et qui leur donnelit Tadvantaige , ) et en ceste sorte la saluer et luy monstrer toutz signes d^amytié ; mais s'il n'est prins en ceste sorte de Taultre part, et qu*ilz ne ressaluent, et ne rendent les mesmes signes d'amytié et d^amayner, avec la soumission requise, que , à la moindre mauvaise démonstration qn'iiz feront , ceulxcy se tiendront pour provoquez, et attacheront le combat. Et y a grande apparance que, si la dicte Dame est contraincte , par quelque occasion de temps , de relascher par deçà, qn*elle ne s'en pourra partyr quant elle vouldra, bien qu'on luy fera tout l'honneur et bon trettement qu'il s wa possible; et monstrent ceulx cy estre toutz advertys de Tapareil du duc d' Alve et de de celluy d'Espaigne, mais ne craindre l'ung ni l'aultre ; et ont donné charge par tout le pays d'user de signalz pom* courir aulx portz , au cas que l'on y aborde, affin d'en demeurer les maistres.

Et ont donné charge au susdict jeune Coban, après qu'il aura visité la Royne d'Espaigne , de passer oultre devers (^Empereur, avec lettres, parolles et offres de grande amytié et de grande intelligence en son endroict ; et pour l'exortçt de demeurer en bonne unyon avec les princes de l'Empyre ; et luy donner compte des différans des Pays Bas ; et aussi , à ce que j'entendz , quelque peu des choses d'Escoce ; mais surtout de le prier quil n'ordonne rien en Hembourg contre les Anglob, ny contre leurs merchandises ; et, afBin de le disposer mieulx vers elle, que icelluy Coban luy remettra en termes, avec affection, le propos du mariage avec l'archiduc son frère , bien que nul se peult persuader qu'elle ayt intention de l'effectuer.

Et cependant, en l'endroict du dict Empereur et des aultres princes catholiques, elle faict valoir et se sert de ceste légation des princes protestans, qui ont encores icy leurs ambassadeurs ; et je les ay faict fort observer , et ay trouvé que entre eulx y a ung docteur, qui a seufla charge de toute la négociation, et porte seul la parolle, sans en rien conférer aulx aultres , personnaige si secret et réservé ,

qu'on ne peult tirer ung seul mot de luy : seulement Ton m'a adverty qu'il a porté une lettre à la dicte Dame , soubsignée de plusieurs princes, sçavoir ; des trois ellecteurs Pallatin, de Saxe, Brandebourg, les premiers des lansgcaVes, après et succecifvement d'auUres, jusques à douze des principaulx d'Allemaigne, réservé cellui de Yitemberg , quia accepté , à ce qu'on dict, pencion du Roy d'£spaigne ;et qu'en la dicte lettre est faicte mencioai de ce que le Roy leur a escript de la paix , et la responce qu'ilz luy ont faicte , et qu'ilz exortent la dicte Dame d'espérer toutjour bien d'eulx, et de s'asseurer que toutz ensemble luy demeureront bien unys en affection et intelligence, ainsy quilz le luy ont promiz; et qu'ilz n'obmettront rien de ce qui sera requiz pour l'establissement de leur religion, et pour la seurté des princes, peuples et estatz, qui l'ont receue ; et que , sur la dicte lettre, il a beu quatre foys conférance, à part, avec la dicte Dame, laquelle, à mon adviz, Tentretiendra jusques après avoir heu responce des aultres princes , car elle ne se veult vollontiers obliger à nulle ligue , et ne le fera sinon bien contraincte, de tant que les plus grandz frays en auroient à tumber sur sa bourse. Ce qui s'entend icy de la diette est que les trois ellecteurs ont fort suspecte la proposition, que l'Empereur y a faicte, parce qu'il leur semble qu'elle tend à leur oster l'authorité des armes , et de ne pouvoir fère levées de gens de guerre en AUemaigne, et de diminuer la grandeur de celluy de Saxe , par prétexte de relever celle de ses cousins ; et que le dict Empereur finira la dicte ' diette par tout le moys d'octobre , pour s'en retourner avant l'yver à Vienne , non sans en avoir premièrement indicté une aultre ; et qu'encores qu'il n'ayt, pour ceste foys, procédé à la création duroy des Romains, il a néantmoins si bien dressé la pratique , que, pourveu qu'M puysse gaigner les trois eclésiastiques, dont ne se deffye plus que de celluy de Colloigne, il espère qu'il le pourra effectuer, en baillant le tiltre de roy de fiohéme à ung tiers pour avoir ceste voix davaataige aulx suffrages; et n'y obstera plus que le reiglement de la bulle dorée de n'admettre tant d'Empereurs d'une mesmes famille , mais le Pape y dispensera ; et semble bien que , cella advenant, l'on procédera aussi à la privation du Pallatin, car l'on a opuiion que, celluy là séparé de» trois , les aultres deux demeureront bien foybles, et que le plus grand soing, qu'ayt à présent le Roy d'Espaigne, est de fère créer son nepveu roy des Romains pour la conservation de ses Pays Bas et de ses estatz d'Itallye , et qu'il n'espargne peyne , ny argent, ny nul de toutz les moyens dont il se peult adviser, pour l'effectuer.