DIRA D'ABONDANT , A PART , A LEURS, MAJESTEZ

Que le duc de Norfolc, despuys estre hors de la Tour, m'a envoyé remercyer des bons offices, qu'il a sentys de ma bonne vollonté durant sa pryson , lesquelz luy ont esté d'un singulier espoir et très grande consolation ; et s'asseurant que cella est procédé du commandement de Leurs Majestez Très Chrestiennes , il m'a prié de leur en bayser très humblement les mains de sa part, et de les asseurer qu'après sa Mestresse, il leur demeure très dévot et fidelle serviteur plus qu'à nul prince de la terre , et qu'il leur recommande toutjour la cause de la Roy ne d'Escoce , pour la restitution de laquelle il veult mettre sa personne, sa vie et son bien.

Il suplie néantmoins Leurs Majestez que l'expécial propos de sa dévotion et affection, vers leur service et vers la Royne d'Escoce , ne passe plus avant que entre Leurs dictes Majestez et Monseigneur, pour le dangier qu'il y a que , s'il estoit sceu de deux endroictz, lesquelz j'ay expéciffiez au S' de Vassal , il ne luy en advltit beaucoup de mal ; bien désire qu'en ce que Leurs Majestez vouldront parler en leur conseil des gens de bien et principaulx de ce royaulme, qui désirent la continuation de la paix , et l'entretennement des trettez d'entre la France et l'Angleterre, et la restitution de la Royne d'Escoce , qu'ilz luy facent l'honneur de le nommer toutjour des premiers.

Leurs Majestez ont veu de quelle façon j'ay procédé ez affères de la Royne d'Escoce, et parce qu'il semble adviz à la dicte Dame que je me repose trop sur les parolles de la Royne d'Angleterre , et que par icelles je pourrois interrompre le bon secours qu'elle attend du Roy, elle m'a escript : dont Leurs Majestez, s'il leur playt, orront là dessus le dict S" de Vassal, et me manderont par luy comme j'en anray à user, et si le Roy trouvera bon que, de sa part, je face instance à la Royne d'Angleterre de restablyr, dans ung moys, la Royne d'Escoce en son estât par la voye du tretté, en s'acommodant entre elles mesmes de leurs différans , ou bien luy bailler son secours pour estre remise ; et, à faulte de ce fère, que la dicte Royne d'Angleterre trouve bon que le Roy luy baille le sien, soubz bonne seurté qu'il ne portera aulcun dommaige ny à la Royne d'Angleterre, ny à son royaulme , ny n'usera par mer, ny par terre, vers elle , ny vers les Anglois, sinon comme avec bons amys, allyez et confédérez, pourveu qu'ilz facent de mesmes :

Au regard de Tadviz, qu'on a donné au Roy, de Tentreprinse de Callais , je pense avoir toutjour mandé à Sa Majesté ce qui en a esté ordinairement proposé à ceste Royne et à son conseil, despuys que jesuys par deçà, et les choses n'en sont pas passées plus avant. Il est vray que milord Coban, despuys le xv* d'aoust, a falct entendre à la dicte Dame que, si elle veult entretenir quelques compaignies^ l'espace de deux ou trois moys , toutes prestes , en la coste de deçà^ qu'il a promesse d'aulcuns, qui habitent dans la ville et territoire de Callais, lesquelz ont desjà prins argent de luy, de les mettre d'emblée dedans la dicte ville, et de surprendre M' de Gordan , et de le luy randre prysonnier entre ses mains. A quoy la dicte Dame a respondu que son advertissement venoit tard, de tant que la paix estoit desjà conclue en France ; et qu'il faul droit rompre toutz les trettez et commancer, à ceste heure , qui est bien hors de sayson, une grosse guerre; en quoy je suplie très humblement Sa Majesté de regarder s'il sera bon que la gamyson du dict Callais soit changée , piûsque les choses en sont en cest estât.

Touchant l'intention , que le Roy d'Ëspaigne a sur les choses de ceste isle, il se descouvre, de plus en plus , qu'il del libère d'y fère quelquefoys ung essay, quant il en aura le moyen; car, il a mandé à son ambassadeur qu'il entretienne les plus vifves qu'il pourra, les bonnes intelligences qu'il a dans le pays, et que^ quant bien on le vouldroit renvoyer, qu'il ne bouge en façon du monde de sa charge, jusquesà ce que tous les différans de ces prinses soyent vuydez ; et,^ quant au faict de la Royne d'Escoce, que le duc d'Alve a commandement résolu de la secourir, mais ne dict en quelle façon; seulement le dict ambassadeur inciste qu'elle se veuille mettre ez mains du dict duc, et que, sans double, il pourvoirra à ses afifères et à sa restitution.

La Royne d'Angleterre, vivant en très grand deCQance du Roy d'Ëspaigne, et en peu de confiance du Roy, a mandé à l'Empereur que, si l'archiduc Charles veult passer en Angleterre, qu'il y sera le très bien venu , et que n'estant demeuré la conclusion de leur mariage que sur le différand de la religion ,' elle espère que ses peuples luy accorderont l^exercice de la catholique à luy et à sa mayson très vollontiers, en contemplation de ce mariage. Et à quoy que aille ce jeu, car quelques ungs l'extiment plein de tromperie, la dicte Dame commance de publier qu'elle assemblera bientost ung parlement pour cest effect; et, en la dernière audience, elle m'a dict qu'ellf* n'avoit nul aultre regrect , sinon de n'avoir pensé à sa postérité, et

comme je luy respondiz qu'il y avoit encores assés temps : « Je crains, dict elle, que mon temps ayt emporté la vollonté à ceulx qui y eussent vollu prétendre. »

Il y a ung certain persoûnaige prez de Leurs Majestez et de Monseigneur, qui escript assés souvent au secrétaire Cecille par aultre voye que celle de M' Norrys , et naguières luy a envoyé deux lettres, lesquelles le S' Espinolla et Fortivy luy ont baillées, par où il s'esforce merveilleusement de broiller les matières par deçà , et aigrir ceste' princesse, et la mettre en grand deffiance du Roy; mais le plus souvant il luy représente des motz et des propos , qu'il dict que Monsieur a tenuz contre elle , tant en sa chambre que en ses repas : et, en toutes sortes, celluy là se monstre si malicieulx que ung Anglois, qui a communication des dictes lettres , lequel n'ayme pas beaucoup la France, mais ne vouldroit pourtant que la guerre se prtnt entre les .deux royaumes, m'en a faict toucher assés expressément ung mot, affîn que j'advertisse Leurs Majestez, mesmement Monsieur, de fère observer qui peult estre celluy qui faict ung si mauvais office près d'eulx. Il ne se soubscript guières aux lettres, seulement il s'est une foys soubsigné E manuel. Il y a en son cachet ung lyon rampant, et compose assés souvent ses lettres, partie en itallien, partie en françoys , et partie en latin. Il avoit mandé cy devant plusieurs choses, lesquelles , ayant esté trouvées manteuses , on n'y adjouxte grand foy ; mais, despuys trois moys, ayant faict entendre à Ml- Norrys que Leurs Majestez le feroient appeller pour luy tenir ung tel et ung tel propos, et estant ainsy advenu, il a fort regaigné son crédit.

11 a esté escript une lestre de ceste court en la contrée, dont les chefz m'ont esté raportez : c'est que la paix de France a esté conclue au préjudice et pour aller faire la guerre aulx Pays Bas; que le Roy ne prétend plus espouser la fille de l'Empereur, ains la sœur du Prince de Navarre , et donner Madame, sa sœur, en mariage au dict Prince de Navarre, ayant pour cest effect interrompu le propos du Roy de Portugal , et que M» de Guyse avoit prétandu d'espouser Ma dicte Dame , sœur du Roy : à quoy M' le cardinal de Lorrayne luy tenoit la main, dont toutz deux en sont mal veuz à la court.

CXXXU* DÉPËSGHË

— du x« jour de septembre 1570. — ( Envoyée exprès jusques à Calais par Jehan Volet. )

Maladie de l'ambassadeur. — Mission de sir Henri Coban auprès de la reine d'Espagne et du duc d'Àlbe. — Continuation des armemens en Angleterre.— Troisième invasion du comte de Sussex en Ecosse; changement apporté dans ses résolutions par la nouvelle de la paix de France. — Demande d'une réparation pour cette dernière atteinte portée aux traités.

Au Roy.

Sire , despuys mes précédantes , lesquelles sont du cinquiesme du présent, je n'ay point sorty de mon logis à cause d'une grosse fiebvre, qui m'avoitdesjà surprins, quant j'allay trouver la Royne d'Angleterre à Vuynck , et ce voyage là me l'augmenta bien fort, parce que je le fiz parung bien mauvais temps, de sorte qu'il ne m'a esté possible de me ravoyr jusques à ceste heure, que, grâces à Dieu, je commence à me trouver mieulx, et pourray continuer le service de Vostre Majesté comme auparavant; et si, ne l'ay tant intermiz, durant mon mal, que je n'aye toutjour heu soing de m' enquérir comme alloient les aflëres en ceste cour; d'où l'on m'a raporté. Sire, qu'on y est fort attandant de sçavoir quelle aura esté la négociation 4u S** Yualsingan devers Vostre Majesté, ainsyque le sir Henry Coban a desjà mandé , touchant la sienne de Flandres, qu'il a esté bien veu du duc d'Alve, et bien fort gracieusement receu de la Royne d'Espaigne, et qu'elle a monstre tenir grand compte du messaige qu'il luy a faict de la part de la Royne d'Angleterre, sa Mestresse, et luy a grandement gratifié non seulement les bonnes parolles et offres, que la dicte Royne d'Angleterre luy a mandées,

mais encores le voyage qu'elle luy a commandé fère devers l'Empereur, son père; dont, pour ceste occasion, elle l'a tant plustost licencié avec faveur et avec ung présent d'une chayne de quatre centz escuz. Il a mandé aussi la belle distribution et consulte , qui a esté faicte , de beaucoup de bienfaictz aulx seigneurs de Flandres, à l'arrivée de la dicte Dame; ce que l'on estime qui confirmera grandement le pays à la dévotion du Roy, son mary, et d'elle.

€eulx cy cependant se hastent de getter dix grands navyres dehors, et maistre Charles Havart, qui a charge d'y conomander, est passé, despuys trois jours, en ceste ville avec les capitaines et gentishommes qui le vont accompaigner. L'on dit que, parce que le duc d'Alve a miz douze navyresen mer pour la conserve de la pescherie, que ceulx cy se veulent trouver eu esgalles forces dans ce canal.

Le comte de Betfort est encores au pays d'Ouest, où a semblé, du commancement , qu'il n'eust esté envoyé que pour dresser certayne flotte , de laquelle je vous ay desjà mandé que Haquens se préparoit pour la conduyre aulx Indes ; mais s'en estant despuys le dîct Haquens venu excuser envers l'ambassadeur d'Espaigne , et l'asseurer qu'il n'a point pensé en la dicte entreprinse, et ne cessant pourtant le dict Betfort de fère tout jour armer et équiper vaysseaulx au dict quartier d'Ouest, je ne puys fère que je ne suplie très humblement Vôstre Majesté d'en fère donner adviz aulx gouverneurs de voz portz et places de dessus ceste mer; et je mettray peyne d'en fère aussi advertir en Ëscoce, car, pour ceste heure, je ne puys descouvrir rien de plus particullier de la dicte entreprinse ; seulement , Sire, par un nouvel adviz qu'on m'a donné, je me confirme en l'opinion, que je vous ay desjà mandée, qu'il est expé-

diant de changer quelque partie de la garoyson de Gallays sellon que M"" de Gordan estimera qu'il se debvra fère, en la vertu et vigilance duquel ceulx cy cognoissent bien que conciste grandement la conservation de ceste place.

Le comte de Sussex a escript freschement une lettre au comte de Lestre, en laquelle ils'esforce de fère trouver bon son dernier exploict en Escoce, encores qu'il l'ayt exécuté sans le commandement de ceste Royne ni de ceulx de son conseil, alléguant qu'il a estimé importer beaucoup à l'honneur de la couronne d'Angleterre, et bien fort à sa propre réputation , de ne laysser inpuny ung seul de ceulx qui ont retiré et soubstenu les rebelles de ce royauhne ; et qu'à la vérité, il se soucyebien fort peu que la Royne d' Escoce et les siens se trouvent offancez , pourveu qu'il ayt bien servy à la Royne , sa Mestresse ; mais qu'il a entendu que la paix est conclue en France , sans que la dicte Royne, sa Mestresse, y soit comprinse, ny sans qu'elle s'y soit entremise si avant qu'on ayt grand occasion de luy en sçavoir grâce ; par ainsy qu'il crainct que Yostre Majesté tourne meintennant ,ses entreprinses aulx choses d'Escoce, et qu'il luy semble que la Royne, sa Mestresse, les doibt accommoder, le plustost qu'il luy sera possible, avec la Royne d'Escoce, et la restituer par ses propres moyens, sans attandre que les estrangiers y mettent la main. Qui est desjà. Sire, bon conmiancement de veoir réprimé, par l'establissement de la paix et de vos afieres, le cueurde cestuy cy, qui monstroit de l'avoir merveilleusement obstbié; et le réprimera aussi, comme j'espère, à plusieurs aultres , qui se débordoient, à cause des troubles de vostre royaulme , en plusieurs audacieuses entreprinses contre vostre grandeur.

Or n ayant, Sire, pour mon indisposition, peu aller trouver la Royne d'Angleterre , affin de me plaindre du dict comte de Sussex ; et estant aussi M"* de Roz conseillé de n'y aller point, toutz deux avons escript à la dicte Dame et aulx seigneurs de son conseil , et, pour mon regard, je leur ay demandé, au nom de Yostre Majesté, que rayson et réparation soit faicte des choses attamptées au préjudice du tretté , et que la dicte Dame me veuille mander quelle satisfaction j'auray à donner à Yostre Majesté de ceste dernière expédition du dict de Sussex, et en quelle intention elle demeure du susdict tretté; dont Ton m'a desjà adverty qu'il me sera faict une bien fort bonne responce , aussitost que le secrétaire Gecille se trouvera ung peu mieulx; lequel, pour quelque indisposition, n'a ozé, il y a phis de six jours, venir en la présence de la Royne, sa Mestresse; et maistre Mildmay a esté envoyé quéryr en dilligence, afiin que le dict Cueille et luy, et M'I'évesqne de Roz s'acheminent incontinent devers la Royne d'Escoce. Sur ce, etc. Ce x"" jour de septemlKe 1570.

Je viens d'estre adverty que le sire Guilhemme Stuart est présantement arrivé d'Ëscoce , de la part du comte de Lenoz ; je croy que c'est pour mettre quelques mauvais paftys en avant : nous prendrons garde à sa négociation.

to

CXXXIir DÉPESGHE

— du XV* jour de septembre 1570. — ( Envoyée exprès jusques à ta ceurtpar M^ Lavaur Féron, )

Sortie en mer d'une partie de la flotte anglaise. — Explication» données par Elisabeth sur la récente expédition du comte de Sussex en Ecosse. — Nécessité de se montrer prêt en France à porter secours aux Écossais. — Message du cardinal de Ghatillon à Pambassadeui'.

Au Roy.

Sire , landy dernier , xi*^ de ce moys , le sire Charles Havart est sorty en mer avec dix grandz navyres seulement de ceste Rope et envyron trois mil cinq centz hommes dessus, envitaiUez pour deux moys, dont les huict centz sont harquebouziers ; le surplus de l'armement se va en- U'etennant en petitz appareik , sans y donner trop grand haste : dont semble qu'on se contantera d'honnorer le passaige de la Boyne d'Espaigne de ce nombre de dix yaysseaulx , sans en mettre davantaige dehors ; et qu'on tiendra le reste de l'armée preste pour ung besoing , si d'avanture quelque ocasion survenoit, comme, à la vérité, ceulx cy ne se peuvent fyer uy aulx parolles ny aulx démonstrations du duc d'Alve. Néantmoins ilz ont, despuys la paix de vostre royaulme, changé de dellibération touchant les choses d' Espaigne , car ayant proposé , commant que ce fût , de renvoyer ou bien de resserrer estroictement l'ambassadeur d'Espaigne , j'entendz qu'ilz ont meintennant résolu en ce conseil de ne parler plus de cella , et que la Royne d'Angleterre se layssera conduyre à luy permettre de continuer son office vers elle, si son Maistre lé requiert; bien qu'elle ne le peult avoir guières agréable parce qu'elle estime

qu'il a dict et faict aulcunes choses directement contre elle et contre Testât de son pays.

Au regard de ce que j'avois escript à la dicte Dame, et aulx seigneurs de son conseil, de me fère rayson et réparation du dernier eiploict , que les Anglois ont faict en Escoce, la dicte Dame m'a mandé que je ne vouldray estre si inique juge que de condampner Tune des parties sans Touyr ; et que je n'imputeray la coulpe de ce faict au comte de Sussex son lieuctenant, quant j'enteiidray que milord Herys et aultres, de la frontière d'Escoce, sont venuz aecompaigner eu armes les rebelles de ce royaume pour courre et piller de rechef la frontière d'Angleterre, et fère de telles insolances qu'ilz ont donné de très grandes occasions au dict de Sussex de leur courre sus; choses toutesfoys qu'elle m'asseureestre advenu sans son conunandément et sans l'ordonnance de son conseil , et en laquelle le dict de Sussex a procédé de luy mesmes , mais avec telle modération qu'il n'a touché qu'à ceulx cpii l'avoient provoqué, dont le dommaige n'est pas grand , et il s'est desjà retiré ; et elle luy a mandé qu'il ne passe plus oultre, parce qu'elle est résolue de pourvoir par le tretté à toutz ces différans, qu'elle a avec la Royne d'Escoce et son royaulme , ainsy que desjà elle a ordonné à maistre Mildmay et au secrétaire Gecille d'aller, pour cest effect, devers la dicte Dame ; et , en ce qu'il semble que je me voulois atacher à sa paroUe et promesse, qu'elle me -veult bien dire que je n'ay heu nulle occasion et ne l'auray jamais de me plaindre qu'elle ne me l'ayt toutjour randue véritable , me priant de vous donner là dessus, Sire , ceste mesmes satisfaction de l'expédition de son lieuctenant, affiu que Yostre Majesté ne la preigne en pire part qu'elle

n'est. Qui est tout ce que la dicte Dame et ceulx de son conseil ont respondu à ce que je leur avois escript.

Or, Sire , il semble bien par aulcuues coppies de lettres, que j'ay veues du dict de Sussex, et par ce que M"" le comte de Lestre m'en a faict entendre, que ceste entreprinse est advenue sans le sceu de la dicte Dame , et qu'elle n'en est guières contante; tant y a qu'on ne désadvouhe pour cella le dict de Sussex , lequel a sou garant en court , et il a cependant porté beaucoup de dommaige d'avoir abattu sept ou huict maysons nobles et faict le gast partout où il a passé dans le pays. L'aparance est que ceste princesse veult en toutes sortes passer oultre au dict tretté ,meue de l'apréhention du dangier, où il luy semble qu'aultrement elle va tumber , lequel les ennerays de la Royne d'Escoce n'ont de quoy le luy pouvoir meintennant effacer ; mais ilz la font opiniastrer à des condicions trop dures, comme d'avoir le Prince d'Escoce entre ses mains , quelque place et des ostaiges ; dont ceulx, qui entendent bien les afi^res, estiment que , pour les bien effectuer, il est requis que la dicte Dame sente vostre secours en Escoce , ou au moins si prest d'y passer qu'elle ne le craigne moins que s'il estoit desjà par della.

Je n'ay encores peu savoir quelle est la commission du sire Guilhaume Stuard, lequel le comte de Lenoz a envoyé; bien m' a l'on dict qu'il asseure que les seigneurs d'Escoce ont desjà ordonné quelques depputez pour venir icy , mais nous incisterons qu'on passe oultre sans les attandre. Sur ce, etc. Ce xv« jour de septembre i570.

Ainsy que je fermoys la présente , M** le cardinal de Chatillon m'a envoyé visiter et dire qu'il avoit esté se conjouyrde la paix avecques la Royne d'Angleterre, et que bientost il retournera prendre congé

d'elle pour all«r trouver Yoz Majestez ; mais qu'avant (Martyr il ne fauldra de me venir saluer, cgmme ambassadeur de son Roy et Maistre, et prendre le diner en mon logis ; et qu'il desiroit bien entendre comme procédoientles choses de la dicte paix en France, parce que plusieurs attandoient de le sçavoir- pour s'y retirer. J'ay respondu qu'il y avoit assés longtemps que je n'avois point heu de dépesche , mais que je sçavois bien que Yoz Majestez donnoient bon ordre que la paix print establissement et durée , dont vous plairra me commander comtne j'auray à me gouverner et conduyre envers le dict S' cardinal et aultres Françoys qui sont par deçà.

CXXXIV DEPESCHE

— du xix« jour de septembre 1570. — (Envoyée exprès jusques à Calais par Olivyer Champernon.)

Nouvelles de la flotte. —- Négociation avec TEspagne. — Affaires d*Éco8se. — Incertitude où sont les protestans français de savoir s'ils peuvent rentrer en France. — Nouvelles d'Allemagne.

Au Roy.

Sire, estans sortys les dix navyres de la Royue d'Angleterre soubz la conduicte de sire Charles Havart, ainsy que je le vous ay mandé par mes précédantes, ilz se tiennent meintennant parez en la coste de deçà , attandans que la flotte de Flandres se mette à la voyle , et demeurent ceulx cy assés persuadez que le passaige de la Royne d'Espaigne sera paysible, sans rien attempter eu nul de leurs portz ; mais ilz craignent grandement qu'estant arrivée par dellà, le retour de l'armée ne soit à leur dommaige, et qu'on n'y embarque des Hespaignolz pour fère quelque descente en Irlande , ou bien ez quartiers du North d'Escoce, ou en quelque aultre endroict de ceste isle , attandu mesmement que milord de Sethon et uug

frère du S' de Ledinthon sont passez en Flandres, et qu'on dict que le comte de Vuesmerland et la comtesse de Northomberland sont arrivez devers le duc d'Alve, et que plusieurs fuytifz de ce royaulme sont en F armée, qui va conduyre la Royne d'Espaigne; dont a esté miz icy ung nouvel oi*dre de tenir si pretz les aultres grandz navyres de ceste Royne qu'il n'y puysse avoir une seule heure de retardement , quant ilz seront commandez de sortyr, et ordonné d'augmenter les vivres, qui y sont nécessaires pour quelque moys davantaige ; bien que la dicte Dame et les seigneurs de son conseil se contantent bien fort des bonnes responces , que le dict duc d' Alve a faictes au jeune Coban, en ce mesmement que, luy ayant faict plëincte de l'ambassadeur d'Espaigne, de ce qu'il avoit dédeigné de venir devers iceulx seigneurs du conseil , et qu'à ce moyen l'accord de leurs différans avoit esté retardé, il luy a respondu que l'ambassadeur avoit quelque raysoh de n'avoir vollu eomplayre du tout à ce que les dicts du conseil luy avoient mandé , parce qu'ilz avoient usé de trop dures formalitez envers luy, et ne l'avoient, il y a tantost deux ans , tretté ny recogneu pour ambassadeur , et mesmes ceste foys avoient envoyé des aldremans devers luy conune s'il eust esté crimineulx ; néantmoins qu'il luy escriproit de ne fère plus de difficulté de convenir avec eulx, toutes les foys qu'ilz te feroient appeller pour tretter des affères d'entre le Roy, son Maistre , et la Royne d'Angleterre; et ainsy l'a escript le dict due au dict ambassadeur, de sorte qu'ihc vont, de chacun costé, cerchant les moyens de renouer leurs affères et d'acommoder leurs différans.

' La malladie du secrétaire Cecille a donné quelque retardement aulx aflfères de la Royne d'Escoce ; néantmoins

ToB avoit desjà ordonné à sire Quainols de s'aprester pour aller avec M® Mildmay devers la dicte Dame, mais se trouvant le dict secrétaire GeciUe meintennant ung peumieuh, le voyage luy est réservé; et cependant milor dç Sussex a escript que les seigneurs escouçoys , du party de là Royae d'Ëscoce, ont tenu une grande assemblée sur les choses que nous leur avions mandées par milor de Leviston , et qu'ilz y ont prins une résolution, laquelle ilz envoyent fère entendre à la Royne d'Angleterre par le dict mesmes Leviston et par aultres leurs depputez , lesquelz il attandoit du premier jour en la frontière pour leur bailler saufcouduict de passer plus avant. Et mande néantmoins le dict de Sussex que, en Escoce, l'on ne s'attend guières d'avoir secours de France; tant y a qu'on m'a dict que madame de Norrys s'est pleincte grandement à la Royne sa Mestresse de ce que le dict de Sussex est rentré en Eâcoce , parce qu'ayant son mary asseuré Yosbre Majedté quecella ne se feroit point , elle craint que ne vous en preigniez meintennaiit à luy, et que ne le faciez arrester et resserrer. Les Françoys, qui sont icy^ se préparent pour retourner toutz en leurs maysons : il est vray qu'entendans qu'àRoan, à Dieppe, à Gallais, et en quelques aultres endfoictz, l'on faict difficulté de les recepvoir , il y en a quelques ungs qui demeurent en suspens , dont envoyent devers moy pour sçavoir comme ilz en auront à user; et je leur répond que je n'ay pas de plus expresse déclaration de vostre intention là dessus que celle qui est contenue par vostre éedict, et que, de ma part, je ne voy qu'ilz ayent nulle occasion de doubter. Je ne sçay si cella sera occasion que M"^ le cardinal de Chatillon prendra le chemin de la Rochelle pour voir , de là en hors , comme il se pourra as-

seurer de l'establissement de la dicte paix. M' le yydamey à ce que j'entendz, part dans deux jours et va passer ou à la Rye , ou à Gallais ; et , de tant, Sire , qu'on donoe entendre à aulcuns merchans voz subjectz, qui poureuyvent encores icy la restitution de leurs biens , que tout le faict des déprédations est remiz jpar vostre éedict, il vous plairra me commander ce que je leur en auray à respondre , affin qu'ilz ne facent dorsenavant la poursuyte en vain.

Il semble que le S'' de Ghantonay , eàcripvant icy à l'ambassadeur d'Espaigne , luy ayt mandé que F Empereur n aprouve guières la paix de France, conime ne l'estimant de durée ; et que la diette se prolongera beaucoup oultre le moys d'octobre ; et que les fianceailles de Yostre Ma^ jesté se feront avant la Toutz Sainctz, sans toutesfoys qu'on y attande pour cella la venue de Monseigneur vostre frère, mais plustost celle de monsieur de Lorrayne; et que , es* tant le comte Pallatin à Espire , il a entendu que ses ministres avoient presché publiquement l'arrianisme à HeK delberc, dont il dellibéroit d'aller réprimer une telle inpiété, mais qu'il fauldroit qu'il corrigeât premier la sienne. Sur ce, etc. Ce xix* jour de septembre 1570,