XCIV DÉPESCHE

— du ix« jour de mars 1570. — (Envoyée exprès jmques à Callais, par Olyvier Cambemon.)

Affaires d'Ecosse. —Crainte de l'ambassadeur que tous ses efforts ne puissent empêcher la guerre d'éclater.— Son désir de voir donner satisfaction sur les diverses plaintes d'Elisabeth contre la conduite tenue, à l'égard des Anglais en France. —-Mission du S' de Garteley. — Arrêt prononcé contre milord de Lomeley. -~ Nouvelles des Pays-Bas.

Au Roy.

Sire, quant j'ay dépesché le S»^ de Sabran devers Vostre Majesté, le iiii* de ce moys, je Tay instruict, le plus particuUièrement que j'ay peu, de Testât des choses qui se passent icy, lesquelles continuent en Fapareil de guerre, qu'il vous aura dict, de lever toutjours soldàtz en ceste ville de Londres et ez envyrons , pour les envoyer au North ; et dilligenter Taprest des navyres; et fère les provisions pour iceulx; et cercher deniers de toutes partz, bien que la malladie, intervenue là dessus, de M'^ le comte de Lestre , a donné quelque peu de retardement aulx dellibérations de ce conseil, lequel ne s'est assemblé durant son grand mal, mais à présent il se porte bien ; et aussi que toutz en ces choses ne se sont trouvez d'accord en ceste court, néantmoins j'entends qu'on y a résoluement conclud l'entreprinse d'establyr , par toutz les moyens qu'on pourra , le gouvernement d'Ëscoce ez mains de ceulx qui ont relevé la part du comte de Mora, parce qu'ilz se monstrent fort contraires aulx fuytifz d'Angleterre; et se soubmettent à la protection de ceste Royne ; et luy demandent le comte de Lenoz pour régent; qui sont choses qu'elle trouve bonnes, et

qui sont conformes à ce qu'elle désire pour tenir le dict royaulme divisé, et avoir toutjour l'une des partz à sa dévotion. Je ne sçay si l'assemblée des Estatz , qu'on attandoit au dict pays le iiii^ du présent, aura esté tenue, et si elle aura heu nul effect; il ne s'en dict eilcores rien, et croy qu'il sera bien tard, quant j'en auray des nouvelles, car l'on tient les passaiges bien fort serrez.

Cependant la Royne d'Angleterre est entrée en grand deffiance sur ce que M*" Norrys son ambassadeur luy a escript que Voz Majestez Très Chrestiennes luy ont tenu quelque propos Ibrt exprès sur les affères de la Royne d'Escoce et de sou royaulme; duquel je n'ay encores entendu le particullier , sinon qu'on m'a dict que la dicte Dame en est fort fâchée , joinct que , par le mesmes pacquet , le dict ambassadeur luy a envoyé ung discours, imprimé à Paris, sur les troubles de son royaulme, qui ne parle à l'advantaige d'elle ny de ceuh qui gouvernent ses afi^es; et d'abondant elle a sceu qu'un honune de son dict ambassadeur a esté naguyères arresté à Amiens, et que son pacquet, qu'elle luy avoit baillé à porter, luy a esté osté; desquelles choses il n'est pas à croyre combien elle s'en trouve offancée , et combien les siens en sont mutinez , jusques à dire qu'il vauldroit mieulx venir à une guerre déclairée, et que leur ambassadeur s'en retomàt, et que je me retirasse, que d'user .de tels déportemens; dont, de tant que je les ay fort asseurez que la publication du dict discours, ny la détention du pacquet ny du messagier , ne sont aulcunement procédées du vouloir ny commandement de Yoz Majeste;z , je vous supUe très humblement, Sire, qu'il vous playse luy en fère donner quelque satisfaction , comme d'accidens que vous n'aviez ny préveuz, ny pensez, et luy

fère aussi satisfère sur uoe pleînte, qu'elle m'a faicte renouveller , de certains pescheurs de Dièpe et aultres de dellà , (jui abusent en la coste de deçà de leur forme de pescher et de leurs fîletz contre l'ordonnance du pays, afiBn de ne mesler si petites choses avec les plus grandes, qu'avez à démesler ensemble.

Le S^ de Garteley s'en est revenu très contant en toutes sortes de Yoz Majestez; il a heu congé de passer en Escoce, mais non d'aller veoir la Royne sa Mestresse , à laquelle toutesfoys nous avons trouvé moyen de fère entendre tout l'effectde son voyage, de quoyje m'asseure qu'elle aura receu grande consolation.

MiUord de Lomellé a heu ampliation de son arrest , luy ayant esté permiz d'aller demeurer avec le comte d'Arondel son beau père à Noncich , et de pouvoir jouyr de l'air et de l'esbat des champs deux mil à l'entour, ce qui donne espérance de veoir bientost quelque modération ez affères de ces seigneurs.

Les depputez de Flandres , estantz prestz à partir , ont trouvé quelque deffectuosité en leurs charges et pouvoirs qui lésa retardez huict jours, mais j'entendz qu'ilz s'acheminent demain , et le S' Thomas Fiesque avec eulx , avec opinion de pouvoir accorder facillement le faict des merchandises , mais difficilement celluy des deniers. Sur ce , etc. Ce ix« jour dé mars 1570.