N" CLXXVI

21 Juin (1.591).

Au Roi.

Sire, je vous supplie très humblement me pardonner, .sy je vous donne la peyne de lire ceste lettre de ma main, ce sera pour vous rafreschir la mémoire de la très humble et très fidelle servitude et obéissance que je ay tousjours porté à voz commandemants et intentions, vous ayant tousjours servy sans aller en rà ny en là. Il ne seroil raisonnable que soubz le prétexte que quelqu'ung pourroit propouser de vostre servisse, il y

allast de ma réputation, et que l'on me despouillat pour en vesfir ung aultre qui n'a pas si bien fet que moy. J'ay fousjours entretenu vostre authorité en sa esplandeur par tout où je ay esté, et nul n'y a peu me fère obstacle ; et ne me suis avvisé à fère mes affères, mes je ay mis le mien et expousé ma personne à toutes Je vous en escrips plus amplement par mon aultre lettre que je supplie Yoslre Magesté voulloir considérer, et ce que Parât vous en dira particuUierement, comme aussy d'aultres choses quy touchent grandement vostre servisse et moien de venir à bout de vostre dessein et intention.

Sire, s'il vous plest que je aille en Guienne avec les forces que je ay et me joindre avec M. du Mesne, après avoir ressu vostre commandement, je luy assisteray et lui donneray moiens et expedians, comme je ay donné charge à ce porteur et mémoire pour le vous represanter.

Sire, il vous pleust me donner ce quy proviendroit de l'esdict des receveurs des epices et chambres des comptes, au lieu de mon ammeuble. mant, comme Vostre Magesté a costume de faire à telles personnes que moy, marchant en tel lieu où il fault qu'ilz fassent quatre fois plus de despence que leur estât ne monte, je vous supplie très humblement. Sire, y avoir esguard ou à aultre chose. Je pensse qu'il y en aura quy m'y seront contrères, pour ce que je ne me veulx plaindre que à vous du manquement de vostre servisse qu'est là où je bute, moy.

Sire, je supplie le Créateur qui vous doint très bonne santé et très longue vye.

Vostre très humble et très obéissant subjet et serviteur,

BIRON

De Poitiers, ce xxi jung.

A M. de Burye.

Bibliothèque nationale: Manuscrits : 500 Colbcrt, t. XXVII, p. 132.

Monsieur, suyvant ce qu'il vous pleut dernièrement m'escripre, j'ay bien voullu me randre en ce pais de Perigort beaucoup plus tost que mon loisir et les affaires que j'avois en Gascongne ne l'eussent requis, et estant bruict que quelques-ungs à Sarlat s'eforçoyent de fère assemblée de jour