N" CLXXV

15 Juin (1591).

A la Reine-mère.

Madame, je arrivay jeudy en ce lieu, où je ay trouvé une très grande desollation. Il y a ung grand nombre de lionnorables personnes, et de servisse cl offîciers, dont il y en lia qui ont usé leur jeunesse au servisse de feu Monseigneur, vostre fils; à quoy Vos Magestez aurez csgart et pitié. Et vous supplie très humblement, Madame, me pardonner sy je vous donne advis sans que me le demandiez, mais c'est de très humble et très fidelle serviteur, que Voz Magestez ferez très bien de noter ung trait que fist le roy Lois onziesme, qui a esté ung des plus advisez et prevoians rois e( qui a augmenté l'autorité des rois de Fransse; c'est que à la mort de son frère le duc de Guienne, il retira les jours de servisse, et prisa ceulx qui navoient branslé au servisse de leur mestre, estimant qu'ilz luy seroient aussy fidelles. Il y en ha icy qui n'ont heu aultrc intelligence que celle de leur mestre, sans recercher aullre, quy sont dingnes d'estre remarquez. Vostre Majesté le prandra de bonne part. Je ay baillié ung mémoire à ce porteur pour fère antandre à Vos Magestez en quel estai sont toutes choses, et nostre procéder, sy je n'ay aultre commandement.

Madame, je supplie le Créateur quy vous doint très bonne santé et très contante vie.

Vostre très humble et très obéissant subjet et serviteur,

BIRON

De Chastau-Tierry, ce xv« de jung.