Escorte

228 AMBASSADE DE [FÉVRIER 154l]

Et si avoyent pareillement dès Yzée *, deçà le lac, licencié la compagnye que ceste Seigneurie luy avoit donnée, laquelle, comme il m'escript, avoit faict très bien son debvoir envers luy. Dont n'ay failly en aller remercyer très aflFectueusement cestedicte Seigneurie, qui m'a faict responce que, ayans cogneu toujours la sincère et parfaitte amour de Y. M. envers leur républicque, et mesmement par les bons effectz que le seigneur Rincon et voz aultres ministres ont tousjours faictz pour icelle, ilz estoyent attenuz et désiroyent le recognoistre et agréer à icelle; par quoy avoyent mys le meilleur ordre pour le saufconduyt et seureté dudict seigneur Rincon qu'ils s'estoyent peu adviser. Mesmement, attendu qu'il en estoit besoing, se resjouyssoyent merveilleusement qu'il eust occasion de se contenter et se coUoder de la bonne compagnye que leurs gens luy avoyent faicte.

« Sire, j'ay entendu que depuys le parlement dudict seigneur Rincoo cez Seigneurs vous ont escript une lettre la plus ample qu'ilz ne feirent longtemps a, remercyant V. M. des bons et fructueulx offices qu'ilz avoyent entendu avoir esté faicts par icelluy Rincon par vostre commandement, et des bonnes et gracieuses offres que nouvellement leur faisiez faire : dont ài tout jamais ceste républicque vous en auroit obligacion. Laquelle lettre voullant ballotter, comme est leur coustume, avant que la mander, y en eut aulcuns tenans encores de leur vieille humeur. Et entre aultres leur ambassadeur, qui est revenu dernièrement devers l'empereur', qui, comme ilz disent, arenga au contraire, allégant pour ses raisons que icelle lettre ne se debvoit mander si affectionnée, pour ce que cela seroit pour irriter l'empereur, dont pourroyt arriver grant ruyne à ceste républicque de voulloir ainsi peu estimer l'empereur; adjoustant estre bien vray que V. M. estoit ung grant prince et puissant, mais que la saigesse de l'empereur estoit telle qu'elle faisoit plus à estimer que sa puissance, laquelle ce néantmoings estoit telle qu'ilz veoyent par bons effectz qui avoit par ce moyen en sa main le povoir de vous faire faire une bonne partye de ce qu'il vouldroit, moyennant le duché de Millan, et toutesfoiz qu'il lui plairoit demeureriez bons amys et d'accord ensemble. A ceste cause, exortoit cez Seigneurs ne voulloir escripre ladicte lettre, mais bien une générale de non si grant affection. Enfin fut ballotté si ladicte lettre se debvoit mander ou non. Et premièrement fut mys avant l'oppinion dudict personnaige, qui n'eut en sa faveur que trente-cinq ballottes, et six non sincères. Au contraire y en eut cent quarente-etvune d'oppinion de la debvoir mander, ce que a esté faict, ainsi que on m'a asseuré. Et sur ce propoz m'a l'on dict davantaige

1. Iseo, bourg de Lombardie, situé à 16 kilom. de Brescia, sur le lac du même, nom.