Pietro Mocenigo

[février 1541] GUILLAUME PELLICIER 229

que cez Seigneurs, en traictant de leurs affaires au conseil de Diexe, et parlant de plusieurs propoz, mesmement des grans béneffices qu'ilz ont receuz de V. M., et congnoissans la vraye amytié qu'elle porte à ceste républicque, ayans aussi en considéracion le grant aprest que faisoit le Grant Seigneur pour venyr sur la chrestienté, qui ne seroit, comme ilz estimoyent, sans que Tltallye s'en ressenlist en quelque endroict, et voyans clairement le grant crédict et povoir que V. M. a avecques ledict Grant Seigneur, avoyent mys avant d'escripre au pape d'estre médiateur envers Tempereur de vous faire faire le debvoir de la duché de Millan. Et pareillement en debvoyent aussi escripre à leur ambassadeur auprez dudict empereur. Toutesfoiz, Sire, je ne vous baille pas cecy pour certain, car Tay seuUement entendu de quelques ungs particuUiers voz serviteurs, qui ce néantmoings ont accoustumé me donner quelques foiz de bons et certains adviz.

« Sire, cez Seigneurs ont eu lettres de leur ambassadeur prez du roy des Rommains * des xvi« et xx« du passé, faisant entendre par celles du xvr que le roy Ferdinando se retrouvoyt en grant extrême nécessité de bledz, dont supplyoyt ceste Seigneurie ne luy vouUoir faillyr de Fen secouryr de la plus grande quantité qu'il seroit possible, comme il feist cestedicte Seigneurie Tannée passée, ài son grant besoing; et, oultre ce, qu'ilz vueillent donner franc passaige, si de quelques aultres princes luy estoit concédé traicte de bledz, et adveooit qu'il fust besoing passer sur leurs terres : pour aultant qu'il a pryez lesdictz aultres princes chrestiens de luy donner semblable secours qu'il a requiz cez Seigneurs. Laquelle lettre n'a esté leue en pregay, pour y avoir aultres chefs de plus grant importance, lesquelz n'ay encores peu sçavoir. Et par celle du xx« s'entend ledict roy Ferdinando avoir eu Âlbe Régal, à condicion que tous les biens et les personnes qui estoyent dedans seroyent saulves et que en la court dudict roy Ferdinando y avoit plusieurs mallades, et entre aultres ung sien filz et troys des damoyselles de la royne, et ne sçavoit Ton encores si c'estoit de peste, laquelle est grande en ce pays-là, et jusques en ladicte court. Et a l'on encores entendu icy du fondique des Thudesques • que l'ambassadeur de cez Seigneurs prez dudict roy