Agostino Steuco

S. • Nota, que ceste dépesche fut retenue jusques au xxi* juing, et fut baillée à ung des serYiteurs de M. de Cercueil, et non à M. de la llagdelayne, ainsi qu'il est contenu en ceste lettre pour certaines raisons. »

M. de Cercueil, des seigneurs de Cercueil, de la maison d'Ourches, en Lorraine? — Girard de la llagdelaine, seigneur de Bagny» bailli d*Auxois?

Vniisi. — 1540-1542. 21

332 AMBASSADE DB [jUIN 1541]

Raguse touchant la rétempcion faicte par Tostre commandement au port de Marseille d'ung pirate ragusien, laquelle luy ay mandée. Et oultre cella, ay faict entendre à M. Tambassadeur de la Seigneurie dudict Raguse, qui est icy, le contenu de ce que Y. M. m'en a escript; et pareillement à icelle, venant à propoz de luy escripre pour la remercyer de la faveur et plaisyr qu'elle avoyt faict en contemplacion et esgard de V. M. à ung vostre serviteur nommé M. de la Magdalayne, s'en retournant vers V. M. de la royne de Hongrye et du Grant Seigneur où il avoyt esté mandé de vostre part, ainsi qu'il m*a dict, l'ayant faict conduyre avecques ung bon et seur brigantin jusques en ceste ville à leurs despens. Et quant est de ce que m'escripvez du seigneur conte de la Myrandola, que je puys avoir entendu par cy dav^nt partye de sa dépesche , mesmement quant à employer six mille escuz en acbaptz de bledz, aultre chose, Sire, n'est venu à ma notice de la court auparavant avoip receu la vostre; seullement avoys-je entendu par Pierre Strocy qu'il estoyt adverty de son agent de Lyon que ladicte somme avoyt esté ordonné pour cest effect estre deslivrée entre mes mains. Je ne fauldray selon vostre commandement envoyer à la Myrandola, au temps qu'il sera advisé par ledict seigneur, ung homme seur et entendu à telz affaires, pour veoir Temploytte. J'ay receu aujourd'huy lettres de luy, m'advertissant seullement de son arrivée à la Myrandola, et pareillement baillé ung pacquet qu'il adressoyt au seigneur Pierre Strocy pour me deslivrer ladicte somme. Lequel m*a faict entendre qu'il estoyt tout dispost et prest de vous faire trop plus grant service que cestuy-là, et que en cela il n*y aura faulte. L*on n'a peu passer plus oultre en cest affaire , pour n'en avoir encore receu les instructions, lesquelles- il attendoyt de jour en jour pour me les envoyer : par quoy ne vous en puys dire aultre pour ceste heure. Je n'ay aussi failly remercyer ceste Seigneurie de la part de V. M. selon son commandement de la bonne voullenté que aviez entendu icelle, non seullement persister, mais augmenter chascun jour envers vous, et l'asseurer le plus efficacement qu'il m'a esté possible qu'ilz vous trouveront tousjours affectionné au bien d'eulx et de leurs affaires aultant que prince du monde. Sur quoy m'ont faict responce genéralle, à leur acoustumée, qu'ilz en sont tous asseurez, s'offrans toujours de plus en plus à Y. M. Hz m'ont envoyé quéryr ce matin pour me faire part d'aulcunes nouvelles qu'ilz ont eues de Ck)nstantinople par lettres de leur ambassadeur, du x^ du passé. Et entre aultres choses m'ont dict que le Grant Seigneur mettoyt dehors ceste année trop plus grant armée par mer que ledict ambassadeur ne leur avoyt escript par cy davant, et que sa personne mesmes yroyt en Hongrye avecques très grant exercite pour s'empatronnyr dudict royaulme; et que jà avoyt faict venyr, comme est sa coustume quant il doibt marcher, force chameaulx et aultres bestes de somme pour porter son bagaîge : me

[juin 1541] GUILLAUME PBLLICIBR 323

disant aussi que Lotphi Bassa avoyt esté desmys de son estât, non seullement de premier bassa, mais privé du tout, pour estre coustumier de ne faire bonne compagnye à sa femme et Tavoir mal traictée et oultraigée ', et en son lieu a esté mys Soliman Monucho '.

« Sire, j'ay esté adverty que cez Seigneurs ont eu lettres de leur ambassadeur prez du roy Ferdinando; par lesquelles s'entend que, ayant son camp faict bien grant batterye et brèche ài Bude, et en avoir prins une tour qui estoyt la garde de Teaue de la ville, ce néantmoings n'avoyent eu la hardiesse de donner Tassault, sentant ceulz de dedans estre fort gaillardz et de bonne voulienté de bien leur deffendre. Laquelle chose les Impériaulx attribuent aux pluyes et mauvais temps qu'il avqyt faict en ce pendant; et a Ton depuys entendu d'un lieu qui n'ayme pas mettre telles nouvelles avant, c'est du fondigue des Thudesques, que ledict camp s'estoyt retiré, ayant esté adverty que quarante mil chevaulx de Tavangarde du Grant Seigneur avoyent esté veuz bien avant en Hongrye. En confirmation de quoy, par mes dernières lettres que ay receues de bien bon lieu de Romme, j'ay esté adverty que les Impériaulx avoient (à nouvelles le secours du Grant Seigneur estre desjà arrivé en Hongrye. Dont lesdictz Impériaulx en restoyent grandement estonnez et faschez, estimant que si Bude n'estoyt prinse auparavant qu'il y survînt, qu'ilz ne s'y attendoyent plus. Qui est tout ce que puys dire pour ceste heure à V. M., fors luy envoyer une petite lettre que ay receue par la voye de Tassin de Luna, par laquelle pourra veoir comme le conte Lodron ne levoyl gens au nom de l'empereur, mais bien que les Terres franches voulloyent faire vingt mille hommes : de quoy n'ay failly advertyr M. de Langey.. »

Vol. 2, f» 177 V*, copie du xvi* siècle; 2 pp. in-^.

PELUGIER AU CONNÉTABLE.

214. — [Venise], i 4 juin 154i. — Mêmes nouvelles que dans la lettre au roi, de ce jour.

Vol. 2, f> 178 v«, copie du xvi« siècle; i/2 p. in-^.

1. Lutfl-Pacha, albanais de naissance, intelligent et lettré, mais d'un caractère brutal et emporté, s'était attiré la disgrâce de son tout-puissant beau-frère par les mauvais traitements qu'il faisait subir à la sœur de Suleyman, qu'il avait eue en mariage. A la suite d'une scène violente dont le récit nous a été conservé par les historiens turcs, il fut déposé de sa charge, séparé de la princesse sa femme et exilé à Démotika,. où il écrivit dans sa retraite, entre autres ouvrages, une histoire de Tempire ottoman qui ne s'arrête que douze ans après la destitution de son auteur (V. de Hammer, t. V, pp. 305 et 534).

Dans cette révolution de palais, Lutfi-Pacha eut pour successeur au grand-vizirat l'eunuque Suleyman-Pacha, alors Âgé de quatre-vingts ans, deuxième vizir, dont la place fut donnée à Rustem-Pacha, gendre du sultan ; celle de troisième vizir à Mohammed-Pacha, et celle de quatrième à Rhosrew-Pacha, beglierbey de Roumélie (/rf., ibid,, p. 328).