Le Pô

5. Pavie, place forte du Milanais, sur le Tessin, affluent du P6.

[juillet 1541] GUILLAUME PELLICIER 347

dict seigneur Gézar, qui esloyt avec eulx, se gelta dedans ledict Pau, où s'est nayé. Et par aultres lettres de Véronne du vi«, on avoyt entendu par Baptista da Crema S homme d'armes du seigneur conte Alloysi Avogar', comme luy venant de Bresse, trouva à Valiese* messire Francesco Cano de Yacqua ^ avecques aulcuns chevaulx qui retournoyent à Castion ; lequel luy dist qu'il estoyt allé pour rencontrer le seigneur €ézar, qui venoyt de France avecques ledict seigneur Rincon, mais qu'il avoyt entendu audict Castion, du seigneur Aloysy de Gonzagues, et à Castel Geoffroy, de la signora Constance, femme dudict seigneur Cézar', que dimenche dernier passé m* jour de ce moysavoyent esté prins d'ung cappitaine espaignol en passant ung certain lac qui est es terres du seigneur Augustin Lando', sur le Plaisentin. Et par aultres lettres de Lignago \ aussi du vi® de ce moys, s'entend ledict seigneur Francesco Cano de Yacqua, avoir dict que luy estant allé à Castion pour rencontrer lesdictz seigneurs, y avoyt trouvé ung serviteur dudict seigneur Cézar avecques deux mil escuz, qui luy avoyt dict que eulx venant en une barquette cinq mil au dessus de Pavye, ledict jour de dimenche, furent prins des gens du marquis de Guast qui estoyent en une barcque estant à la rive du Pau couverte de fueillées et rameaulx. Et confirme ce que dessus du cas advenu audict seigneur Camillo de Cesso, qui est. Sire, ce que cez Seigneurs en ont, faisans grande démonstracion d'en estre fort faichez et desplaisans. Dont m'a semblé faire mon debvoir vous en debvoir incontinant et en toutte dilligence advertyr. Mais, premièrement, pour s'asseurer encores plus de la vérité, j'ay esté d'adviz que le porteur de la présente passast par Castel Geoffroy, estant adverty le chemyn estre plus seur, et aussi court par là que ailleurs, attendu que lesdictes lettres cy dessus accusent telles nouvelles estre venues de la maison dudict seigneur Cézar Frégose, affîn de povoir entendre en icelle la vérité du cas pour en informer mieulx et par le menu Y. M. ; et aussi affîn que s*il se trouvoyt que ce ne fussent que choses incertaines et controuvées, qu'il peult adviser ce qui seroyt le meilleur de faire. Or, Sire, ceste nouvelle