Geste lettre fut retenue jusques au xii* de ce moys

davant hier de la prinse des seigneurs Cézar Frégose et Rincon, pour avoir eu charge de passer par Castel Geoffroy où il aura peu trouver deux des gens dudict seigneur Cézar, qui luy pourront avoir dict comme tout l'affaire est passé, à cause qu'ilz estoyent présentz à ladicte prinse, ce néantmoings estant arrivez ce matin icy le secrettaire et ung varlet de chambre dudict seigneur Rincon qui eschappèrent par le mesme moyen des aultres, n'ay vouUu laisser à dépescher encores ung aultre homme en toutte dilligence jusques à Thurin pour advertyr Y. M. de tout ce qu'ilz m'ont dict et déposé. Laquelle chose vous envoyé, vous supplyant, s'il vous semble estre bon et qu'il y ay t lieu de le faire mettre par acte publicque qui puisse faire foy en temps et lieu, m'en vouUoir advertyr. Je vous escripveiz aussi que, — pour m'avoir mandé l'ambassadeur de l'empereur veoir une lettre qui sembloyt estre du marquis du Guast commant, ayant peu empescher le passaige des seigneurs Rincon et Cézar, estant très bien informé qu'ilz venoyent sur le Pau, ne l'avoyt vouUu faire, sçaichant que ce auroyt esté contre la voullenté de l'empereur, — nous comprenions qu'il taschoyt par ce de voulloir faire apparoir que ce n'avoyt esté ledict marquis ne de par l'empereur, mais par certains particulliers chairchans aulcuns proffictz et advantaiges. Et par ]à tenoys pour seur que c'estoyt très grant signe de les voulloyr faire venyr à quelque meschef, chose que certainement n'aurons failly à augurer; car, en confirmation de ce, hier, l'ambassadeur de l'empereur m'a envoyé monstrer une lettre escripte, ainsi qu'il dict, par le marquis du Guast, tendant directement à cez fins, contenant comme la signora Constanzza luy avoyt mandé ung gentilhomme avecques une lettre sienne, par laquelle luy faisoyt entendre qu'elle estoyt advertye ledict marquis du Guast avoir faict prisonnier son mary, recordant en sadicte lettre si très bien tout le cas par ordre, jours, lieux, et personnes qui y estoyent entrevenuz, que s'il eust esté présent en chascune desdictes choses : de sorte que le secrétaire dudict seigneur Rincon, entendant le récyt et teneur desdictes lettres que je luy en feiz, en demeura grandement esmerveillé et esbahy. Lequel marquis feist responce à ladicte dame que c'estoyent les premières nouvelles qu'il avoyt eues de cest affaire, et qu'il en estoyt grandement esmerveillé, car il pençoyt qu'ilz feussent desjà arrivez icy; et que quant à luy il n'en avoyt esté occasion, ains luy desplaisoyt, pour ce qu'il sçavoyt que la voullenté de l'empereur estoyt de ne leur donner aulcung destourbier ne empeschement, ains les laisser passer libérément k saulvement par tous ses pays, comme par leur saufconduict, qu'il leur avoyt donné à leur allée, pouvoit assez apparoir. Et que s'ilz ont esté prins, ce n'a point esté du sceu ne consentement dudict empereur ne dudict marquis du Guast, ne aultres serviteurs d'icelluy empereur, mais plus tost que quelques ennemys particulliers qui leur pourroyent estre survenuz de l'autre cousté de la rivière, pour gaigner

[juillet 1541] GUILLAUME PELLICIER 351

Targenl qu'ilz avoyenl ou la taille que Ton faisoyt bruyt que ledict seigneur Rincon avoyl à doz, et le proffict qu'ilz pençoyent faire de la personne dudict seigneur Cézar en le livrant à ses ennemys. Et que entre aultres il estimoyt que ce fust esté de ceulx du seigneur AUoisy de Birago * ; car son maistre d'hostel avoyt esté veu au rivaige du Pau * prez de Pavie faisant feste et chère lye, et luy eschappa à dire qu'il les avoyt en sa main et puyssance, dont il pourroyt faire ung bon butin quant il vouldroyt. Et quant ad ce que on voulloyt dire que ceulx qui les ont prins feussent gens à l'empereur pour ce qu'ilz parloyent espagnol, disoyt que c'estoyt tout le contraire, pour ce qu'ilz avoyent usé à l'acoustumée de telles entreprinses lesquelles, quant quelques ungs veullent faire, s'essayent, se desguisent tant en acoustrementz que dissimuller leur lengaige; car quant estoyt d'Espaignolz, qu il n'y en avoyt point sur Testât de Millau d'aultres que ceulx de l'empereur, lesquelz asseuroyt bien n'avoir faict cecy, d'aultant qu'ilz n'estoyent bougez de leurs garnisons, mais qu'il ne fauldroyt mander en cez pays là par tous les lieux le cappitaine de la justice et aultres ofiQciers pour en entendre des nouvelles, affln de les recouvrer, et pugnyr très bien ceulx qui auroyent commys ce cas. Et de tout ce que dessus a adverty M. de Langey afûn de s'en excuser et satisfaire à luy. Et pareillement à tous les ministres de l'empereur des lieux circonvoysins, pour entendre s'ilz en sçavoyent quelques nouvelles; et d'aultant plus à son ambassadeur qui est icy, à cause qu'il est en une terre là où il s'entend plus de nouvelles, et conçurent plus de gens qui peulvent sçavoir telz cas que en nulle aultre. Lesquelz propoz ledict ambassadeur n'a failly de remonstrer et pencer faire acroire à la Seigneurie; de quoy elle est demeurée grandement estonnée que ung homme de telle quallité ayt si peu de considération ou esgard à l'assistence de ceste Seigneurie de pencer donner à entendre telles bourdes et, comme ilz disent, casser telles carrottes à ung si saige sénat : chose qui a renouvelé et augmenté la craincte de ceulx qui doubtoyent que par cez couvertes ilz ne les vueillent mener en lieux que l'on ne sçaiche qu'ilz seront devenuz, et par ce moyen faire de brief mal finir leurs jours.

« Sire, ayant receu vostre lettre du xira® juing, suyvant son commandement suys allé vers la Seigneurie à laquelle ay faict entendre le plus dextrement et efficacement qu'il m'a esté possible tout le contenu en icelle, et de là vins entrer à leur remonstrer l'indignité, énormité et impyété du cas advenu ausdictz seigneurs Cézar et Rincon par ceulx qui l'avoyent commys. Laquelle chose, selon leur contenance et démonstration, sembloyt qu'ilz eussent grandement à desplaisyr; ce néantmoings, pour n'y estre le duc, celluy qui me respondit me feist une responce si incertaine et peu à propoz qu'on ne sçauroyt à quoy