Âloysio di Birago

352 AMBASSADE DE [iUILLBT 154!^

s'en tenyr, et ne sçavoyt comme s'en démesler. Je ne sçay si c'est à cause que celluy qui présidoyt ce jour là pour l'absence du duc est tant vieil et caduc qu'il est presque avugle et à l'aventure ne oyt pas trop cler, encoresque je n'espargnasse point ma voix et que fusse joignant à iuy; mais puys aprez troys des plus groz de là dedans m'envoyèrent dire qu'il avoyt grandement despieu à tous de telle responce si peu à propoz que l'on m'y avoyt faicte, et que puys aprez que je en fuz party en débattirent entre eulx là dedans, et n'en estimèrent pas trop ledict gentilhomme, disans que ceste piteuse et misérable nouvelle leur desplaisoyt jusques au cueur, et qu'ilz en estoyent grandement troublez et fâchez. Et de faict le jour mesme feirent pregay, où proposèrent entièrement, ainsi que l'on m'a dict, tous les propoz que leur avoys tenuz, sur lesquelz contrastèrent s'ilz en debvoyent escripre à Constantinople; et y en eut de plusieurs adviz : les ungs de si, et les aultres de non. Enfin fut conclud de si; mais je croy bien qu'ilz n'en auront donné de ce cousté là les premières nouvelles, car incontinant que je le sceuz, ne failly à dépescher ung de mes gens avecques brigantin exprez jusques à Raguse pour en advertyr messire Yincenzo ^ Auquel feiz bien entendre amplement le tout, affin d'advertyr le Grant Seigneur s'il Iuy semble estre à propoz de faire renforcer la garde de Lasky et des aultres ambassadeurs que le roy Ferdinando doibt mander vers ledict Grant Seigneur, s'ilz y aborderont; escripvant à M. l'arcevesque de Raguse faire faire toute dilligence qu'il seroyt au monde possible de faire tenyr mon pacquet à Constantinople, de sorte que dedans dix huict ou vingt jours j'espère qu'ilz en sçam^nt les nouvelles.

<c Sire, j'ay esté adverty par Jehan Michel Cussan *, natif de Millan et habitant de Constantinople, que sur le commencement de ce moys de juillet, Iuy estant en la présence du marquis du Guast en la ville de Millan, en la compaignye du marquis de Marignan et du seigneur Jehan Francesco de la Sommaye *, ledict marquis du Guast dict en parlant audict Cussan s'il ne sçavoyt pas que ledict seigneur Rincon fust arrivé à Thurin, lequel respondit que non. Sur quoy ledict marquis de Marignan dist qu'il estoyt passé avecques quatre barcques; à quoy ledict marquis répliqua : « Non è passato ancora non », avecques prononciation et gestes, tant de la teste que des mains, qui donnoyent bien à entendre à chacun qu'il ne Iuy estoyt pas encores eschappé. M'advertissant aussi que à Thurin et par tout y a si très bonnes et dilligentes espyes que l'on ne sçayl rien faire de quoy ilz ne soyent advertiz, et mesmement du partement et chemyn dudict seigneur Rincon; de sorte que n'a faict ung pas qu'ilz ne l'ayent toujours suivy. Et entre