Giovanoi-Fraocesco Gavaizo délia Somaglia

[juillet 1541] GUILLAUME PELLICIER 353

aultres m'a refféré et nommé ung certain gentilhomme bressan de la garde dudict marquis, lequel ayant faingt d'avoir eu question avecques luy, pour ce qu'il ne luy voulloyt payer sa pension, ains le rechairchoyt de luy prester argent, feist troys moys y a semblant de s'en aller en la malle grâce et print lettres de messire Yincenzo Fidel recommanda- Uves à l'ambassadeur de cez Seigneurs près de V. M. et s'en alla à la court pour espyon; lequel depuys estant retourné, ung moys faict ou environ, d'arrivée tourna en son lieu et en meilleure grâce et grant crédict dudict marquis que jamais.

« Sire, je ne veulx oblyer à vous dire que j'ay receu deux pacquetz de M. de Langey qui s'adressoyent audict seigneur Rincon, où, ainsi que j'ay entendu par le secrétaire dudict seigneur Rincon qui est arrivé icy avecques son varlet de chambre, sont ses instructions et lettres vostres d'importance, de sorte qu'il n'avoyt avecques soy aultres lettres que celles qui s'adressoyent à la Seigneurie. Pareillement j'ay reconnu, par ung gentilhomme que M. de Langey avoyt envoyé à Gastel Geoffroy et de là icy, les lettres et pacquets vostres du seigneur Cézar Frégoso à nulz desquelz n'a esté rien veu ne touché, ne sera jusques ad ce qu'il vous plaira commander ce que vous vouliez que l'on en face. Vous advertissant aussi comme la plus grant partye du train dudict seigneur Rincon est depuys arrivé[e] icy jusques au nombre de unze chevaulx : lesquelz avons esté d'adviz, pour éviter la despence, de vendre à tout le moings ceulx de quoy l'on se povoyt bien passer et le demeurant renvoyer à Thurin, sauf ledict secrétaire et varlet de chambre, lesquelz j'ay détenuz icy pour le danger qui pourroyt survenyr à telz personnaiges s'ilz venoyent es mains de leurs ennemys, et encores plus pour le secrect et bien de voz affaires. Il vous plaira. Sire, me faire sçavoir ce que vouldrez qu'ilz facent et qu'ilz deviennent, et s'il vous semblera bon qu'ilz soyent mandez par delà pour ayder à messire Yincenzo * qui est seul et a beaucoup de peyne d'escripre et gouverner le tout : de quoy, par ses lettres, se plainct beaucoup au seigneur Rincon et à moy, et aussi qu'il n'a point l'usaige d'escripre en françoys; — ou bien qu'ilz arrestent icy pour aller avecques celluy qui yra à la Porte. Si poinct vous plaira y en mander d'auUres, qu'il vous plaise me commander vostre voullenté. »

Vol. 2, ^ 195, copie du xvi° siècle; 4 pp. 1/2 in-f*>.

PELLICIER A M. DE RODEZ.

234. — [Venise]^ 9 juillet iô4i. — Pellicier envoie à l'évêque la relation du secrétaire et du valet de chambre de Rincon, et un mémoire