L'Adige
376 AMBASSADE DE [JUILLET 154lJ
s'il estoyl possible : de quoy, Dieu mercy, ont esté frustrez, pour le moings jusques en cesle ville. Dont, pour achever en la meilleure seurté qu'il sera possible son voyaige, attendu qu'il y a grant danger que son passaige ne soyt descouvert, pour avoir charge de le déclairer à cez Seigneurs et leur offryr de vostre part tous plaisyrs et secours envers le Grant Seigneur que vostre povoir et auctorité se pourroyt estandre, , nous a semblé, ne voyant jusques à présent meilleur moyen de Tasseurer, debvoir demander à cez Seigneurs de la part de V. M. ung sauf conduict et seureté de une ou deux de leurs gallères pour le conduyre jusques à Raguse : chose que pourra, selon leur coutume, aller ung peu à la longue, et d'aultant plus à présent sentant l'empereur faire si grande armée que dict est, craignant de luy desplaire. Dont, Sire, si les affaires vont ung peu plus en longueur qu'ils ne le requièrent, il vous plaira ne l'attribuer à aultre que k la difficulté d'iceulx, car de nostre cousté ne fauldrons d'user toute dilligence tant qu'il nous sera possible, et vous advertirons bien au long de la responce de cez Seigneurs; mais cependant nous a semblé ne debvoir faillyr vous ad vert y r de son arrivée icy.
« Sire, je vous remercye très humblement de la bonne souvenance que avez de moy, comme j'ay congneu par la vostre du vu* de ce moys, donnant espoir me faire bien tost envoyer argent, dont je vous en supplye très humblement; car je me veoy en telle nécessité. Sire, que je ne sçay plus k qui m'adresser pour en recouvrer, estant endebté de tous coustez pour fournyr aux despenses 'extraordinaires que j'ay faictes depuys que suys icy, qui sont deux passez sans en avoir encores recouvert ung denier.
« Sire, nous venons d'être advertiz comment Tambassadeur de cez Seigneurs prez le pape a escripl que Sa Saincteté, luy tenant propoz de la venue de l'empereur en Itallye, et grant appareil de guerre qu'il faisoyt par mer et par terre, l'a exhorté de leur escripre qu'ilz ouvrissent bien les yeulx et qu'ilz prinsent bien garde à leurs affaires, car cecy estant hors de temps ne povoyt toucher sinon à luy ou k eulx; mais que quant à luy il avoyt desjà commancé à y donner si bonne provision qu'il s'en prendroyt bien garde, et qu'ilz voulsissent faire le semblable, les asseurant que quant ilz se vouldront entendre avec luy, qui touchera à l'ung aura affaire à l'aultre, et plusieurs aultres propoz semblables. Par quoy cez Seigneurs ont commencé k traicter, oultre la provision de gens et municions qu'ilz avoient ordonné aux Terres', de faire jusques au nombre de huict ou neuf mil hommes de pied, pour mettre en campaigne, chose que comme voz serviteurs estiment pourra servir grandement aux propoz que l'on aura k leur tenyr. J'estime bien. Sire, que avant la réception des présentes V. M. aura esté adverlye
