PELLICIER ET LE CAPITAINE POLIN AU ROI

263. — [Venise], i 8 août 1541 . — n Sire, par les lettres du v de ce moys V. M. aura peu veoir l'exposition que avons faicte à cez Seigneiirs,. suyrant la charge et commission qu'il vous a pieu nous donner, de la négotiacion que avons faicte avecques eulx jusques audict jour.... Vous dirons comme depuys très instamment les avons, sollicitez puysque leur bon plaisyr avoyt esté nous concéder une gallère, ainsi que vous avons escript, qu'il leur pleust la faire aprocher plus prez que Histrye, attendu que les plusgrans dangers estoyent de passer jusque là : chose^ Sire» que nous ont libérallement accordé, l'ayant faicte admener jusques auprez de ceste ville. Et pour ce, Sire, que aulcuns de voz grans et affectionnez serviteurs qui sont icy ont esté d'adviz que avant mon partement je leur proposasse et misse avant la déclaration que a faict faire le Grant Seigneur à leur ambassadeur Badouare, de laquelle avez envoyé un double à moy de Montpellier, moy, cappitaine Pplin, leur déclairant de rechef la grande voulenté et désir que aviez de leur faire plaisyr en toutes choses, afûn que si le Grant Seigneur venoyl à m'en demander, m'aviez commandé sçavoir d'eulx ce que je luy en debvroys respondre pour selon cela m'y gouverner, pour aultant que V. M. ne désiroyt sinon entretenyr lamytié qu'ilz avoyent avecques le Grant Seigneur, congnoissant très bien le bien et repoz qu'ilz en povoyent recepvoir; et affm qu'ilz poussent congnoistre la sincérité et intégrité d'ic^lle estre telle que ne diriez jamais chose que n'en voulsissiez encores monstrer davantaige par effect, leur réplicqué aussi que là où ilz vouldroyent vous rechercher d'entrer en une plus estroicte confédération et amy tié secrette ou aultrement avecques vous, que y entendriez et l'auriez très agréable ; et s'il leur sembloyt en parler audict seigneur de Montpellier, ainsi que leur avoys dict dernièrement, il y feroyt responce. Leur remonstrant très bien que si voz forces et les leurs estoyent joinctes ensemble, seroyent non seullement pour asseurer leurs affaires, mais entreprendrepour illustrer et augmenter leur républicque : les exhortans le plus modestement et efOcacement qu'il nous estoyt possible d'entrer en bonne et estroicte ligue avec V. M. Et que le plus tost seroyt le meilleur, attendu que le Grant Seigneur les en pryoit, ainsi qu'ilz

1. « Geste lettre fut mise au mesmes pacquel 9e la suyvante, du xxii de ce moys. •

398 AMBASSADE DE [aoUT 1541J

povoyent avoir entendu, comme je croyois que le semblable avoyl-il faict à V. M., combien qu'il n'en fust aulcun besoing pour vous affectionner davantaige envers eulx, veu la naturelle inclination que avez tousjours eue à leur estât. Sur quoy, Sire, avons trouvé estre le meilleur de ne les presser ne rechercher aultrement de nous y faire responce, ains les laisser faire ce que bon leur sembleroyt pour veoir si d*eulx-mesmes viendroyent à nous la faire ; mais les allant remercyer de leur gallère qu'ilz avoyent faict venyr et prendre congé d'eulx, n'ont faict aulcun semblant d'en avoir jamais oy parler. Et si n'ay failly de rechef de leur faire très bien entendre la bonne voullenté que leur avez tousjours portée, et s'ilz me voulloyent rien commander où j'alloys, que je ne fauldroys m'y employer comme pour voz affaires propres, ayant tel commandement de V. M. Aquoy ne m'ont faict aultre responce, sinon généralle et à l'accoustumée, qu'ilz ne fauldront en tout ce qu'ik pourront vous agréer et complaire, sans nous toucher aultrement d'aulcune particularité : chose que aulcuns estiment à bon augure, allégant une reigle de droict que dict : Qui se taist se consent. L'on verra avecques le temps ce qu'ilz en vouldront faire, et moy de Montpellier ne fauldray à les entrelenyr tousjours en l'affection qu'ilz vous portent, en les y attirant davantaige s'il me sera possible '. »

Vol. 2, ^ 218 vo, copie du xvi® siècle; 1 p. 1/2 in-P».

PELUCIER AU Mésa*.

264. — [Venise], 22 août 1541 . — « Sire, j'estime bien que V. M. pourra avoir entendu le passaige de l'empereur par Ispruch. Depuys le xo de ce moys est arrivé à Trente, où sesjourna troys jours attendant ses lansquenetz et aultres gens qui, pour les grand journées qu'il avoyt faictes, ne l'avoyent peu suyvre. Et le commun bruyct est icy que il veult aller en Algier, et certes Ion est adverty qu'il a dict aux ambassadeurs de cez Seigneurs avoir le moyen de le prendre; ce néantmoings, quant il ne pourroyt ce faire, que à tout le moings endommage royt-il beaucoup les choses des Infidelles. Et par le bruyct de son armée s'attendoyt bien de divertyr le voyaige du Grant Seigneur en Hongrye ; aux affaires de laquelle avoyt donné tel ordre qu'il n'avoyt pencement, quant toutes les forces dudict Grant Seigneur y seroyent, qu'ilz y feissent rien. Et que jusques à présent les gens que y avoyt mandez icelluy Grant Seigneur n'estoyent que canailles telles que le siège de Bude n'estoyt pour se lever pour eulx ; toutesfoiz qu'il ne

i. • Escript le xx* d'aoust à M. de Rhodez, ainsi qu*est contenu en ung mémoire qui est avecques les mynutes. »

2. • Geste dépesche fut mandée en diUigence jusques à Thurin par messer Jo. Baptista Corso. »

[août 1541] GUILLAUME PELL1CIER 309

laisseroyt encores de y mander pour renforcer le camp du roy Ferdinando troys mil Italiens soubz la charge du marquis de Mus, quelque bruict que Ton gelte d'Algier. Le pape, discourant de son voyaige avecques Tambassadeur de cez Seigneurs prez de Sa Saincteté, s'est arresté qu'il estoyt plus tost pour couryr sur vos terres et marynes de Lenguedoc, et nommément d'Aigues-Mortes que aultre part. Dont à présent ceulx qui icy ont plus à cueur les affaires de V. M., — ayant esté descouvert le traicté du cappitaine de Suysse et aultres en Piedmont, et entendu que le pape qui monstroyt avoir paour de Tempereur et qui pour ceste cause faisoyt granl nombre de gens, pour ainsi que on est adverty en avoir mandé une bonne partye à Noverre *, et luy, qui faisoyt semblant se reffuser tant Tentreveue et aboucquement avecques ledict empereur, quant est venu le point et temps s'estant rendu plus facille pour aller si loing comme Lucques et en pays et povoyr d'aultruy, — se doubtent et estiment que Tung et Taultre, ayant intelligence par ensemble, ont faict gelter ce bruict d*Algier, pour pencer couvrir cesdictes entreprinses si d'aventure il ne povoyt venyràbout d'icelles ou d'aultres que il seroyt pour tenter; carde celle d'Algier on estime que s'il tardera guères plus, qu'il en sera bientost excluz. Et ne faict hors de propoz une lettre que ay receue de vostre serviteur d'Allemaigne qui admoneste debvoir advertyr incontinant que l'on doibve envitailler et munyr très bien les terres de Pyémont, et tenyr dedans gens loyaulx et fidelles, pour ce que l'empereur avoyt deslibéré de faire une emprinse contre V. M., que, comme il dict, l'on ne pourroyt jamais pencer de quel cousté ne en quelle sorte ne manière : de quoy n'ay failly soubdainement advertyr M. de Langey. Je vous envoyé la coppye de ladicte lettre, par laquelle V. M. pourra plus au long veoir combien ledict personnaige est vostre affectionné serviteur; mais que celluy qui yra par devers luy pour entendre encores plus au long de bouche les choses qu'il ne veult mettre en danger d'estre descouverles en les escripvant, soy t de retour, je ne fauldray incontinantà vous dépescheren toute dilligence homme exprès pour le vous faire scavoir, s'ilz requièrent telle dilligence. Je vous ose bien asseurer, Sire, que je l'ay tousjours trouvé aultant seur et véritable en ses advertissemens que nui aultre de deçà que vous servent en telz affaires. Je vous envoyé aussi une aultre lettre d'ung vostre affectionné serviteur de Millau, par laquelle pourrez veoir quelque provision qui se font de barcques, ponlz et eschelles, je ne sçay entendre à quelz fins. J'ay mandé aussi ung double de ladicte lettre à M. le maréchal d'Hannebault qui pourra à l'adventure mieulx entendre où telle chose se pourroyt dresser. . « Sire, le seigneur Pietro Strocy, cherchant tousjours tous les moyens