Novara, place forte du Piémont, à 80 kllom. de Turin

400 AMBASSADE DE [AOUT 1541j

dont il se peull adviser de faire chose qui soyl au service et grandeur de V. M., âvoyt avecques M. le prieur son frère * communicqué au seigneur cappitaiûe Polin et à moy quelque entreprinse de bien fort grande importance et commodité; laquelle ce néantmoings pour n*estre les chemyns maintenant trop seurs pour mander lettres et pacquetz à la court, et qu'il ne vouldroyt pour rien du monde que tel affaire fust descouvert, avoyent advisé vous debvoir advertyr seuUement que s'il plaira à V. M., qu'il se transporte par devers vous pour le vous faire entendre avecques aultres choses que, en luy commandant, ne fauldra incontinant à ce faire. Dont nous supplyons V. M. nous faire entendre sa voullenté si bon luy semble; et suivant ce que ay escript à V. M., que le comte de la Myrandola m'avoyt envoyé ungde ses gentilzbommes avecques M. de Sainctaye, pour m'advertyr que venant Tempereur en Ytallye luy seroy t besoing pour la conservation de sa place d avoir plus grant nombre de gens, et que pour ce faire n'avoyt argent prest; etouUre que, comme luy avoyt certiffyé ledict seigneur de Sainctaye, les chemyns de Thurin à la Myrandola n'estoyent seurs pour en faire venyr de là, et qu'il sçavoyt bien ledict seigneur de Langey n'avoir argent pour cest effect, dont esloyt contrainct se retirer vers moy pour luy en fournyr, m'ayant encores depuis envoyé icy son secrétaire pour m'en solliciter de rechef, me remonstrant les dangiers et causes pour lesquelles à meilleur droict il auroyt occasion de pourveoir à son affaire, pour ladicte venue de l'empereur, attendu que le pape et cei Seigneurs qui ne se debvroyent doubler dudict empereur comme luy, pour l'amy tié, ligue et parenté que Sa Saincteté a avec icelluy, ne laissent à se pourveoir et tenyr sur leurs gardes. Par quoy d'aultant plus luy estant tenu grandement contraire et rebelle dudict empereur, et, considérant en oultre la confyance qu'il povoyt avoir aux ministres dudict empereur par le tour qu'ilz ont faict aux seigneurs Cézar Frégose et Rincon, se debvoyt tenyr sur les siennes. A ceste cause me pryoit le plus tost luy envoyer argent, affin d'entretenyr tousjours les souldardz qui sont en ses terres et autour, qu'ilz ne prinssent aultre party. Dont, ensuyvant la promesse dudict seigneur Strocy, Tay pryé en voulloir fournyr quelque bonne somme ; ce qu'il a très libérallement et promptement accordé, etdepuys desboursé, pour faire par Tadviz dudict seigneur cappitaine Polin, six mil escuz, et mandé à la Myrandola, en compagnye du commissaire et contreroUeur que y avons ordonnez, son lieutenant messer Francesco de Pazzy, pour faire le payement. Lesquelz estant arrivez là, le xm* de ce moys, ont trouvé

1. Par lettres données à Fontainebleau, le 28 décembre 1541, des provisions de Tétatde capitaine de dix galères furent accordées en faveur de Leone Strozzi, prieur de Capoue, commandeur de l'ordre de Saint-Jean de Jérusalem, à la charge de prêter serment au gouverneur de Provence (Cal, des actes de François /", t. VI, SuppL, p. 648, n' 22, 281).

[août i54i] GUILLAUME PELLICIBR 401

que le seigneur comte avoyt desjà dépesq|ié huict cappitaines, les sept ayant soixante hommes chascun, et le huitiesme cent quarante, qui sont en tout 560; lesquelz, pour les advertissemens que ledict seigneur comte leur monstra, et que desjà il avoyt la fauterye faicte, m'ont escrit avoir esté esmeuz faire le payement desdictz. Bien est vray, Sire, que ledict seigneur comte m'avoyt faict entendre que venant ledict empereur en Itallye , fust-ii tant paisiblement et amyablement que Ton vouldroyt, luy aviez ordonné de faire cent hommes davantaige pour la garde de ladicte place. Or, pour avoir esté adverty d'Allemaigne, Millan, Rome et d'ung serviteur de l'empereur qui est bien pour sçavoir telles si secrettes et importantes choses, que l'empereur, s'offrant la commodité, n'estoyt pour mettre en arrière l'entreprinse de la Myrandola; et que, pour ce faire, il avoyt faict demander à M. le duc de Ferrare soixante pièces d'artillerye, tant canons que aultres, avec la municion apartenante pour faire la batterye de ladicte place, l'invitant ad ce pour luy promettre la luy infeuder s'il la povoyt prendre. M. le cappitaine Polin et moy avons trouvé nécessaire et expédyant estre faicte ceste despence dont vous plaira. Sire, commander qu'il soyt ordonné estre remboursée ladicte somme, le plus tost que faire se pourra, à sire Françoys Biny, agent desdictz seigneurs Strocy à Lyon, affin que les proffictz et intérestz ne courent davantaige et qu'ilz ayent tousjours meilleur moyen de faire service à V. M. : à quoy je les veoys tant dévotz et affectionnez qu'il n'est possible de plus.

« Sire, j'ay esté adverty en oultre que l'empereur a dict aux quatre ambassadeurs que cez Seigneurs ont envoyez au devant de luy, comme vous ay escript, en la présence de plusieurs aultres ambassadeurs et grans personnaiges, qu'il n'avoyt jamais donné charge à ses ministres de prendre les seigneurs Cézar Frégose et Rincon ; et asseuroyt ce par son serment et que ses gens n'eussent osé faire chose de telle importance et conséquence sans son sceu et congé. Dont failloyt que ce eussent esté quelques assassins et malvueillans desditz seigneurs, et que le marquiz du Guast s'en estoyt très bien purgé et excusé de sorte que en estiez demeuré contant et satisfaict de luy, et que la chose estoyt paciffiée, congnoissant très bien V. M. qu'il y avoyt procédé et procédoyt justement pour faire entendre la vérité et ignoscence du cas.

« Sire, l'ambassadeur de l'empereur qui est icy, incontinant aprez avoir entendu que son maistre fût arrivé à Trente, y alla en toute dilligence, et après avoir consulté cinq au six heures avecques ledict empereur, le marquis et Granvelle, fut dépesché soubdainement pour s'en revenyr vers cez Seigneurs avecques lettres de créances; mais pensons sçavoir pour vray qu'il ne leur ayt nullement exposé aulcune particularité, sinon de la grant amytié, bonne voullenté et affection que ledict empereur porte à ceste républicque, ainsy que par effect congnoistroyent avecques le temps, et des bons offices qu'il avoyt Vehisb. — 1540-1542. 26

402 AMBASSADE DE [aOUT lo4f]

faictz envers l'empereur pour eulx, mesmement du différant de la jurisdiction d'Aquillée, dont vous ay escript aultresfoiz; ayant aussy prochassé la restitucion de quelques marchandises qui avoyent esté prinses avecques une nef appartenante à messire Jehan Delphin, gentilhomme de ceste ville, par les gens dudict empereur *. Et depuys, Sire, est retourné encore une aultre foiz en colUége, disant à cez Seigneurs qu'il avoyt receu lettres de l'empereur luy mandant qu'il eust à l'aller trouver à Millan, et qu'il vouUoyt entendre de luy des choses d'Affricque, d'aultant que ledict empereur sçavoyt qu'il en estoyt praticien; et quant il plairoyt à l'empereur il seroyt pour faire le voyaige, pour l'affection qu'il a de luy obéyr en toutes choses. Ce néantmoings que seroyt contant qu'il le laissast auprez d'eulx, leur pryant aiettre sur leurs terres pour aller à Millan dix ou douze chevaulx pour chascune poste; et combien, Sire, qu'il ayt pencé par là faire à croyre qu'il y va pour cest affaire, ce néantmoings cez Seigneurs et chascun se doubtent bien que ce soyt pour quelque aultre chose; si ne sçayt l'on conjecturer quelle elle soyt.

Sire, j'ay receu ung pacquet de messire Vincenzo Maggio ouquel, pour le seigneur Rincon ne pour moy n'avoyt chose de grant importance, escripvant seullement par ses lettres du premier jour de juillet se debvoir partyr de Péra le v« pour aller trouver le Grant Seigneur, qu'il espéroyt faire à Sophia, d'aultant qu'il debvoyt sesjourner six jours en Andrinopoly, et qu'il avoyt entendu que les janissaires qui estoyent avecques Soliman Bassan qui s'en alloyt contre le Sophy s'estoyent mutinez contre les esclaves dudict Bassan, pour aulcunes injures qu'ilz leur avoyent dictes, de sorte que quelques ungs s'esloyent tuez entre eulx : à cause de quoy ledict Bassan avoyt faict tailler la teste à plusieurs des chefz desdictz esclaves. Et oultre escript qu'il avoyt aussi entendu que le Grant Seigneur conduysoit Lotphi Bassan ainsi privé qu'il estoyt, et que aulcuns disoyent qu'il seroyt réintégré. Et par un posi scripta en chiffre du iiii* dudict moys escript que ledict jour estoyt espandu ung bruict en Constantinople que Bude estoyt prins du roy Ferdinando, et qu'il doubtoyt fort que le Grant Seigneur s'accorderoyt avecques l'empereur, pour avoir commodité de s'asseurer du cousté du Sophi; disant ledict messire Vincenzo qu*il ne fauldroyt y faire son debvoir, car sçavoyt que Laschi feroyt tout son povoir de le pourchasser, mesmement estant fuye la reyne de Hongrye avecques son filz ainsi que l'on disoyt en Transilvania et qu'elle estoyt desjà avecques le roy de Polongne : mais tout cecy, Sire, n'asseure estre véritable, ce néantmoings n'ay voullu obmettre à vous l'escripre.

1. Giovanni DelÛn, armateur vénitien. Un Giovanni Delflno fut ambassadeur de Venise en France, du 25 septembre 1584 au 25 janvier 1588 (Y. Baschet, AreMves de Venise, pp. 342 et 674).

[août 1541] GUILLAUME PELLICIER 403

« Sire, aprez achevé la présente, ay receu ung aullre pacquei de messire Vincenzo Maggio, du premier de ce moys, escript à Niso*, ouquel ay trouvé une lettre pour V. M., que luy envoyé présentement. Et ne m'escript chose d'aulcune importance, m*advertissant seuUement avoir receu mes lettres par lesquelles luy donnoys adviz de la prinse des seigneurs Cézar Frégose et Rincon, et qu'il espéroyt estre dedans huict jours à la Porte. J'estime que par celle qu'il vous escript n*aura rien obmys de ce qui est requis et digne de vous faire sçavoîr.

« Sire, je viens d'estre adverty tout à ceste heure que aulcun des principaulx de ceste ville ont eu advertissemens de Millan que les Impériaulx avoyent très bien deslibéré donner sur la Myrandola s'ilz l'eussent trouvée despourveue ; mais que, la voyant si bien équippée, s'en sont déportez pour ceste foys, se attendans bien que après que l'empereur sera party d'Itallye, n'ayant plus aulcun souspeçon, l'on fera retirer les gens qui y ont esté faictz, ne sera si bien munye qu'elle est : dont alors iesdictz Impériaulx pourront mieulx faire leur entreprinse. De quoy. Sire, vous ay bien voullu advertyr, affin que s'il vous sembloyt avoir lieu de y faire fondement, vous plaise ordonner de ce que Ton aura à faire. »

Vol. 2, r> 219 v<», copie du xvi« siècle; 5 pp. in-^.

PELLICIER A M. D'.VNNEBAULT.

265. — [Venisé]y 22 août 154i. — « Monseigneur, pour avoir entendu par celle qu'il vous a pieu m'escripre vostre arrivée en Pyedmont et de son bon estât, qui m'a esté aultant à plaisyr que nulle aultre chose que eusse sceu avoir, m'a semblé vous faire la présente pour m'en congratuler et continuer à vous advertyr de tout ce que je puys apprendre, comme celluy qui est grandement obligé à faire chose qu'il cognoistra vous estre agréable; vous remercyant bien humblement de Tordre qu'il vous a pieu donner avant vostre partement de la court sur mon remboursement des mises extraordinaires que j'ay faictes icy. Mais pour ceste heure, pour la presse que j'ay et habondance d'afiFaires, vous escripray seullement sommairement ce que plus semble povoir toucher de vostre cousté, me remectant au reste aux lettres du roy que pourrez veoir; lesquelles vous plaira ordonner à M. vostre secrétaire faire fermer quant les aurez leues... »

Pellicier donne ensuite à d*Ânnebault des nouvelles des subsides avancés par Pierre Strozzi pour les renforts de troupes destinés à la Mirandole, et lui fait part des projets des Impériaux contre cette place.

1. Nisch ou Nissa, ville de Serbie, à 185 kilom. de Semendria, sur la Nissava, afOuent de la Morava.

«... Monseigneur, vous verrez aussi par quelques doubles de lettres d'aulcuns bons serviteurs de S. M., les traictez et menées de ceulx qui ne taschent par quelque nïoyen que ce soyt à venyr k chef de leurs attentes, et mesmement en Piedmont : de quoy ay adverty M. de Langey. Vostre Excellence sçaura trop mieulx comprendre à quelles fins se font cez barcques, pontz et eschelles contenues en une desdictes coppyes que ne sçauroys pencer. Dont ne m*estanderay à luy en dire aultre, seullement vous supplieray mander lesdictes coppyes au roy, et me mainctenyr tousjours en vostre bonne grâce... »

Vol. 2, ^ 222, copie du xvi« siècle; 1 p. 1/2 in-^.