Syrie
76 AMBASSADE DE [AOUT 1540j
disent, s'est laissé entendre de voulloir entrer en une bonne ligue toulesfoys et quantes qu*ilz y vouldroyent entendre; ce que est très bien accepté des plus grans et de la meilleure partye de cez Seigneurs qui y donnent et adjoustent très bien foy. Mais, comme Vostre Excellence mieulx sçayt que en une républicque de tant de pièces que cestecy, ne peult estre qu'il n'y ayt beaulcoup de diverses oppinions et fantaisyes, j'entendz qu'il y en a aulcuns qui disent que si S. M. voulloyt à bon essiant entendre ad ce faire, il auroyt donné commission à ses ministres qui sont par deçà de leur porter telz propoz et les mettre avant en plain conseil, ausquelz on se pourroyt plus tost attendre que aux leurs qui ne ont charge ne povoir de y rien conclure....
« Monseigneur, plus tost que à Tadventure faillyr advertyr le roy et vous ainsi qu'il fault de chose qui me semble estre de assez grande importance pour luy faire sçavoir promptement, ay mieulx aymé encoryr ce danger de n'estre aprovée cestedicte dépesche faicte expressément en toute dilligence jusques à Thurin, que estre reprins de tardité et négligence : encores que peult estre que pourrez avoir esté adverty de ce^te nouvelle, plus tost d'ailleurs que de ce cousté, dont vous plaira me en avoir pour excusé. Et pour ce que verrez plus amplement par les lettres du roy la raison pour quoy ay faicte cestedicte dépesche, vous diray seullement soubz vostre correction et jugement que à présent par le décedz du roy Jehan, vayvoda, attendu la bonne et grant amytié qui de mémoire fresche est eschauffée que le roy a avecques le Grant Seigneur, S. M. pourroyt avoir aussi bonne part à faire desposer du royaulme de Hongrye audict Grant Seigneur que nul aultre qui le vouldroyt pourchasser, chose qui ne seroyt hors de propoz, et ne fust seullement que pour garder tousjours que ce pouvre pays-là ne fust du tout réduict ez mains des infîdelles, le faisant tumber ez mains de celluy qu'il congnoistroyt luy estre plus amy et affectionné, et au contraire garder que ses ennemys et fàcheulx n'en vinssent à leurs attentes, de sorte que à l'aventure eulx-mesmes seroyent contrainctz de chaircher de faire le debvoir au roy de la duché de Millau et qu'ilz peussent estre paisibles dudict royaulme. Vostre Excellence entend trop mieulx telles choses que ne sçauroys pencer; dont vous pryerai seullement les prendre en bonne part selon vostre accoustumée humanité et bonté, affin d'en faire ce qu'il vous plaira puys aprez, et que congnoistrez estre le meilleur.
« Monseigneur, vous verrez aussi par les lettres du roy la cause de la venue de Janezin, dont ne vous en feray aulcune répéticion; mais bien vous diray que le seigneur Rincon m'a mandé, oultre ce que j'escriptz à S. M. touchant les capitulacions et demandes que le Grant Seigneur faict à cez Seigneurs, que M. leur ambassadeur Badouare, cuydant couvryr et excuser son erreur passé, n'a voullu accepter lesdictes cappitulacions sans premièrement le faire entendre à ceste Seigneurie
[août io40j GUILLAUME PBLLICIER 71
pour en sçavoir son voulloir et intencion; et que si, dès le commencement que s'est attachée la praticque de ceste paix, ceste Seigneurie et ses ambassadeurs qu'elle a envoyez par delà se fussent de tout remiz et habandonnez à la disposition et povoir de S. M., et qu'ilz eussent franchement et sans rétemption communicqué leur finalle intencion avecques luy, il est certain que Tapoinctement de ladicte paix ne leur auroyt esté si cher et ne se trouveroyent mainctenant en ces frivolles cavilacions et discordz où ilz se veoyent; et qu'il leur avoyt tousjours dict qu'ilz ne debvoyent jamais permettre ne ofiFrir chose, sinon comme persuadez et forcez de S. M. Car aultrement jamais le Grant Seigneur ne se contenteroyt; mais ilz ne se sont oncques vouUu déclairer à luy, comme il m'escript faire entendre plus amplement par le double de ses dépesches perdues des x et xv®* may qu'il debvoyt mander dedans deux ou troys jours aprez sa dernière du xxx^ du passé que ay eue par Janezin; lesquelles reccues ne fauldray incontinent les mander en toute dilligence.
«... Monseigneur, depuys avoir achevé ceste-cy est venu vers moy ung des serviteurs du seigneur arcevesque de Transylvania et ambassadeur dudict feu seigneur roy Jehan *, qui m'a confirmé pour tout certain la mort dudict seigneur; et, comme si la fatalle^ du royaulme de Hongrye ne fust assez déplorée, m'a conté que avant son trespas desjà les deux vayvodaz de Transylvania, c'est Stéphano Maylac et Ymbric Valassa', s'estoyent rebellez contre ledict roy, lequel avoyt prins sur eulx deux places d'importance et sur le temps de son trespas les tenoyt assiégez tous deux dedans ung chasteau fort appelle Foucaras ^. Lequel siège aprez sondict trespas n'a laissé de continuer le thésorier dudict royaulme nommé frère George', hermite, lequel estoyt ordonné et prestà se parlyr pour aller porter au Grant Seigneur la pension des années passées qui se montoyt en somme troys cens mil ducatz. Et entretient ledict siège avecques luy Yalentino .Thurec, cappitaine général de toute la Hongrye ". Et d'aultre part Petro Prigny, l'ung des
1. Jean Slalileo, évêque (l*Alba Jiilia en Transylvanie (4538-1553). Il avait été envoyé en France à diverses reprises, de 1528 à 1540, pour y négocier les intérêts de son maître (V. Gharrière, t. I, pp. 162, 169 et 437; et Ribier, t. I, p. 531).
