Voir la note 2 de la page

3. Par le mot fusle, du latin ftistis^ « bois », on désignait primitivement tout navire, par métonymie, d'après la matière dont il était fait (V. la note 7, p. 7, pour le mot ligne, du latin lignum). Aux xv* et xvi* siècles, les fustes formèrent, dans la famille des bâtiments à rames, une catégorie à part, tenant, selon Torganisation des bancs de rames, soit du^brigantin, soit de la galère (V. Jal, Glossaire naïUiguey p. 726).

[A<)irr 1540] GUILLAUME PELLICIER 77

el dextérité pourvoyez ainsi que verrez les affaires le requérir. Si ne larray-je à vous dire mon petit jugement là dessus qu'il me semble que attendu la bonne et grande amytyé qui de fraiz est eschaufée entre le roy et le Grant Seigneur, S. M. pourroyt avoir aussi bonne part à faire disposer dudict royaulme de Hongrye audict Grant Seigneur que nul aultre qui le vouldroyt pourchasser, chose qui ne seroyt hors de propoz et ne fust seullement que pour gcurder toujours que ce pauvre pays là ne fust du toutréduyt ez mains des gens alliénez de nostre religion, le faisant tumber en celles que Ton congnoistroyt estre le plus amy et affectionné du roy. Et encores, à Tadventure, cela pourroyt bien estre cause que on rechercheroyt S. M. de luy faire le debvoir de la duché de Millan, moyenant que on les feist paisible dudict royaulme. Vous entendez trop mieulx cez affaires là que ne sçauroys pencer, et ce que je vous en dictz n'est seullement que soubz votre correction et bon adviz, pour vous tenyr adverty de tout ce que me semble estre au proffict, advantaige et honneur du roy. »

Pellicier entretient alors Rincon de la révolte qui a précédé la mort du roi Jean, dans les termes contenus dans sa précédente lettre au connétable.

« ... Monsieur, je vous renvoyé Torloge du seigneur Janus Bey, laquelle a esté si bien racoutrée que ce luy pourra tourner à proffict d'avoir esté gasté d'aultant qu'il est mieulx réparé qu'il ne fust jamais du commencement faict.

«c Monsieur, je suys adverty par lettres de M. Tarcevesque de Raguse, du XV® de ce moys, qu'il y a ung nommé Odoardo qui a esté prins et mené en Gonstantinople ; je vous prye y prendre bien garde, car l'on m'a dict qu'il a faict faire tout cecy à poste pour ce qu'il a voulloir de se rendre Tourcq. Aussi j'ay entendu que le marquis du Guast depuys naguëres a faict proclamer, dedans Millan, que tout ceulx qui estoyent à la soulde de l'empereur eussent à se retirer audict Millan dedans peu de jours, sur peyne d'estre cassez, bannys, et confisquez tous leurs biens; et davantaige a faict aussi cryer que l'on eust à fortifier en toute dilligence les villes qui sont lymitrophes à celles que tient le roy en Piémont, comme Voulpien et aultres ^

« Monsieur, j'ay esté adverty que cez Seigneurs ont trouvé terriblement estrange que le Grant Seigneur recherche chascun jour de leur mettre avant nouvelles capitulacions et nouveaulx articles, comme de présent desnyer de leur rendre Nadin, Laurana et la Parga, places qui luy sont de tant peu d'importance qui ne luy sauroyent en rien servyr. Et au contraire à eulx elles leur sont tant commodes et proffitables que bonnement ne se sçauroyent presque de rien valloir de la conté de Jarra sans lesdictes places ; et encores, oultre la commodité et proffict

i. Yolpiano, à 19 kilom. de Turin.

qu'ilz recepvroyent de les avoir, 1-auroyent à grant honneur pour avoir occasion de dire qu*ilz les avoyent eues en récompense des deux terres de Napoli de Romanye et Malvaisye, comme s'ilz se fussent voullu acommoder desdictes places les ungs les atiltres. Dont, s'il estoyt possible que vous peussiez employer davantaige la faveur et crédict du roy pour eulx que vous aviez faict par cy devant, ainsi qu'ilz sont très bien asseurez que qui leur pourroyt gaigner ce poinct de avoir lesdictes places ilz en auroyent telle obligation au roy et à vous que certainement cela les pourroyt du tout esmouvoir à croyre que la faveur et crédict de S. M. a lieu envers le Grant Seigneur : de laquelle toutes- ' foys ilz se asseurent tant pour avoir congneu dernièrement que avez impétré de luy tout ce que avez voullu quant à S. M., que qui l'en requerra et sollicitera de bonne affection, Ton le pourra impétrer. Ce qu'ilz espèrent que ferez, attendu mesmement qu'ilz ont congneu par les dernières lettres que m'a escriptes monseigneur le connestable, desquelles vous envoyé le double, la vraye et bonne fin que S. M. procedde en leurs affaires... »

Vol. 2, f» 39, copie du xvi« siècle; 4 pp. 4/2 in-f».

PELLICIER AU MEME ^

44. — [ Venise], i " septembre i 540, — Le roi « est aprez pour fonder ung colliége à Paris qui sera aussi excellant, mais qu'il soytparacheyé et fourny de ce qui y est requiz, que fut à Tadventure jamais anltre; car il sera occasion de faire venyr à lumière toutes les bonnes lettres qui commencent piéçài aultant à floryr en France que en nul aultre pays •. Et pour ce que on ne le pourroyt mieulx douer que d'une librairie, faict chaircher livres de tous coustez, mesmement grecz, et à cest effect avpyt envoyé icy expressément M. Fondulus pour en recouvrer, ce qu'il feist en quelque bon nombre; et, quand je prins congé de luy pour venyr par deçà, m'en donna charge d'aussi grant affection que pour ses aultres affaires d'estat. Dont, luy voullant obéyr en toutes choses que luy congnoistray estre agréables et d'aultant plus en ceste-cy qui est tant utille et honnorable, et appertenant plus à

1. Celle lellre a été publiée par M. L. Delisle dans le Cabinet des manuscrit* de la BibL Impér. (t. I, p. 156).

2. Pour compléter la créalion du Collège de France, déjà fondé par lui en 1530, François I" songeait alors à bâtir sur les terrains de Thôtel de Nesle, en face du Louvre, de Tautre côté de la Seine, un vaste établissement où plus de six cents jeunes gens recevraient renseignement des plus illustres maîtres. Par lettres datées de Yillers-Cotterets, le 19 décembre 1539, le roi donnait commission à Guillaume Prudhomme, trésorier de l'épargne, pour faire le payement des dépenses de la construction de ce collège, qui devait porter le nom de « Collège des Trois langues • (V. Zeller, loc, cit., pp. 112 et 113, et le Cat. des actes de François I", t. IV, p. 45, n* 11.208).

[septembre 1540^ GUILLAUME PELLICIER 79

mon office et profession, quelque temps aprez que fuz arrivé icy et que je euz ung peu mis ordre aux affaires de ma principalle charge, me suys enquiz où s'en pourroyent retrouver; et entr'aultres j'ay trouvé ung gentilhomme corfiot *, qui en avoyt ung très beau nombre de fort bons. Lesquelz ce néantmoins avoyt offertz audict Fondulus en luy en donnant larayson; mais je ne sçay à quoy il tint, ou que ledit Fondulus ne luy en présentoyt pas assez à son gré ou aultrement, il ne s'en desfist pour ce coup là : tant y a qu'il a mieulx aymé en faire ung présent au roy. De quoy ay adverty S. M. qui luy a faict en récompence ung très beau et libéral présent, c'est de mil bons escuz que je luy ay comptez en ses mains. Dont plusieurs aultres Grecz, ayant senty ceste nouvelle, sont venuz vers moy pour en offrir d'aultres à S. M.; mais il suffist que cecy a faict descouvryr seullement les lieux où ilz estoyent, car doresnavant on en pourra avoir à meilleur marché. Et de moy je tiens tous les jours ordinairement huict Grecz qui ne font aultre chose que en escripre, ainsi qu'il a pieu au roy me commander encores par la dernière dépesche que ay receue de la court. M. Tévesque de Tulles m'escript S. M. luy avoir commandé me faire entendre que il n'y avoyt chose en laquelle je luy peusse plus agréer que de luy faire amas des meilleurs et plus grant nombre desdictz livres que pourray recouvrer. Par quoy m'en enquérant de tous coustez est venu vers moy ung nommé messer Dimitri Marmoretti, qui m'a dict avoir ung frère en Gonstantinople qui s'appelle il signor Jacomo de Marmoretti que congnoissez, comme il m'a dict; lequel vous pourra adresser soixante ou quatre-vingtz pièces de fort bons et rares livres, lesquelz estoyent à ung de leurs oncles qui les tenoyt bien chèrement. Dont vous vouldroys pryer donner charge à ung de voz gens de chercher et faire telle poursuytte avecques ledict Jacomo de Marmoretti, qu'il puysse sçavoir où ilz sont. Et cela faict, ce ne seroyt pas peu de service au roy, et à moy d'obligation, de vous en mander ung cathologue; à quoy faire vous pourrez ayder d'ung nommé Chio Jeorges, précepteur fort docte en Gonstantinople. Gar, aprez avoir confronté ledict cathologue avecques ceulx que j'ay par deçà, et en avoir mandé ung double au roy, s'il s'en trouve aulcuns que nous ne ayons point, je vous en advertiray pour les recouvrer s'il est possible. Et ce faisant, je vous puys très bien asseurer que vous ne sçaurez faire chose plus agréable à S. M. et me obligerez tousjours de plus en plus à vous faire service, ce que feray de très bon cueur. »

VoL 2, ^ 41, copie du xvi« siècle; 1 p. 1/2 in-f.