Antoine Eparchot

80 AMBASSADE DE [SEPTEMBRE i540]

PELLICIER AU MÊME.

45. — [Venise]^ i^^ septembre 1540. — « Monsieur, encores que comme vous ay escript plusieurs foys cez Seigneurs estre très bien adveriiz et asseurez que le roy et ses ministres se sont totallement employez sur le faict de leur paix avecques le Grant Seigneur, ce néantmoins Ton s'esmerveille fort icy de ce que M. l'ambassadeur Badouare et aultres ministres de ceste Seigneurie n'ont jamais escript que ledict Grant Seigneur ne les baschatz ayent aulcunement tenuz propoz d'avoir faict ladicte paix en contemplacion et à Tinstance du roy, ne en sa faveur donné aulcun souUaigement en icelle, et davantaige que ledict Grant Seigneur ne leur a jamais tenuz propoz je ne diray pas d'estre amys du roy, mais seuUement de se deslyer de Tempereur. Et voyrement quant je seroys le plus endormy homme du monde, ce néantmoins voyant aulcuns bons serviteurs et amys du roy me advertyr et solliciter des choses de la plus grant importance de ma charge, ne pourroys faire du moings que de me esveiller et vous en informer. Et mesmement comme ilz ont advisé de faire escripre au seigneur Badouare, par un homme qui a aussi bon crédict envers luy que nul autre, qu'il pence bien à ses affaires de se attendre bien et tenyr la main au propoz que le Grant Seigneur a de luy mettre avant qu'il n'entend conclure la paix totalle que cez Seigneurs n'ayent à soy deslyer et mettre hors de la ligue qu'ilz ont avecques l'empereur. Aultrement il se peult tenyr pour asseuré que il y a aulcuns de cez Seigneurs, tenant encores leur part impérialle, qui sont si indignez si ladicte paix se conclud, causans ceste occasion de se plaindre pour ce qu'il a accordé les deux places au Grant Seigneur, qui sont pour luy faire faire ung maulvais tour voyre en sa personne, si ceste ligue demeure en son entier par laquelle ilz se rendroyent si haultains et terribles. Et au contraire s'ilz se voyent abaissez de leur crédict, ce qu'ilz seront si ceste Seigneurie se deslye de ladicte ligue, ilz ne oseront rien dire ne entreprendre contre ledict Badouare auquel celluy qui luy escript propose tels moyens et advantaige que, quant il ne luy reviendroyt point le danger que dessus, si sont-ilz suffisentz pour l'inviter et attirer à ce faire. Et ont esté d'adviz que je vous le feisse sçavoir, et vous envoyé la lettre qu'ilz m'ont baillée pour luy faire tenyr ; et en oultre de nostre cousté vous escripre que vous ne debviez plus différer de remonstrer au Grant Seigneur, si faict ne l'avez, quel moyen et advantaige il laisse à l'empereur pour le faire tousjours plus grant, s'il laisse cez Seigneurs avecques luy en ligue, et qu'ilz luy donnent tel secours mesmement contre le roy son meilleur amy, contre lequel et aussi contre ledict Grant Seigneur ledict empereur entreprend journellement, principallement en ceste affaire de Hongrye où

[septembre 1540] GUILLAUME PELLICIER 81

il a jà mandé son frère pour occupper tout le royaulme ; el pour conclusion que ledict Grant Seigneur ne doibt jamais conclure en la paix qu'ilz ne leur promettent de se déclairer ennemys dudict empereur. Et pour les inviter à cella, si vous, par le crédict et faveur du roy, poviez tant faire que le Grant Seigneur fust content de leur laisser Nadin et Laurana au conté de Jarra, et la Parga deppandant de Gorfou, tous cez Seigneurs en despit dez Impériaux auroient ladicte condicion pour très bonne et agréable, et la chose se pourroyt faire sans grant contradiction ne difficulté. Car aultrement, à vous dire la vérité, combien que cez Seigneurs dient estre fort affectionnez au roy, si ne son t-ilz tant recongnoissans ses bienfaictz que ilz soyent pour se déclairer de nostre part sans leur faire faire par une honneste contraincte ou bien forcez; et si nous perdons à ceste heure ceste occasion et opportunité, je ne veoy pour Tadvenyr qu'il soyt possible de rencontrer telle commodité et facilité de parvenyr ad ce, quelque discours que je vous aye escript que aulcuns m'ont faict du xxV* juillet. Et quant au demeurant, se vous povez aussi faire que le Grant Seigneur fust content de leur faire très bien entendre, s'iiz veullent que les capitui lacions demeurent sellon la teneur des anciennes, qu'il le fera en contemplacion du roy, pourveu qu'ilz feront, comme dict est, ligue avecques luy et avecques aultres que bon leur semblera, ce néantmoins non amys ne alliez avecques l'empereur. Je ne double point que vous ne entendiez trop mieulx les affaires que ne sauroys pencer; mais si est-il que, passant les choses comme elles sont, je n'ay peu faire de moings que agréant à si bons serviteurs et amys du roy vous aye adverty de ce que dessus, remettant néantmoins le tout tousjours à, voslre meilleur jugement. »

Vol. 2, f 42, copffe du xvio siècle; 1 p. 3/4 in-r».

PELLIQER AU ROI *.

46. — [Venise], iO septembre 1540. — « Sire, par les dernières lettres que ay escriptes à V. M., du xxvi® du passé, aurez entendu comme Janezin estoyt arrivé icy, renvoyé expressément par le seigneur ambassadeur Badouare pour advertyr cez Seigneurs des nouveaulx poinctz et articles que le Grant Seigneur et ses baschatz voulloyent leur estre accordez d'avant que conclure la paix entre eulx; et mesmement touchant Nadin et Laurana, chasteaulx au conté de Jarra, et la Parga au devant de Corfou, lesquelles places le Grant Seigneur voulloyt retenyr ou avoir de cez Seigneurs. Sur quoy ilz ont esté fort troublez, et ont faict plusieurs pregaiz avant que se résouldre là dessus.

1. - Nota, qu'il a esté escript à M. de Villandry ledict jour, qui n'a esté mys en registre ne mynute. »

ViifiSE. — 1540.1542. 6

Et, ainsi que j'ay esté adverty, la plus grant part ont presque esté en propoz de délaisser totallement à poursuyvre plus en façon du monde ladicte paix quoy qu'il en peust advenyr, estans quasi demy despérez de la povoir parfaire. Toutesfoys, aprez avoir bien consulté et faictz plusieurs discours entre eulx, se sont résoluz en fin, s'il plaist au Grant Seigneur Taccepler, de mettre en arbitres de chascune part pour décider de Thinos et Miction, à qui d'entre eulx deux appartiennent; et s'il ne vouUoyt entendre à cella, et qu'il voullust avoyr lesdictes places, les luy laisser aller. Mais quant k Nadin, Laurana et la Parga, ont escript àiieurdict ambassadeur qu'il ne face aulcune démonstracion de y voulloir en aulcune façon du monde consentyr, et plustost offrir de quatre à cinq mil escuz de tribut sur iceulx. Néantmoins le conseil de Diexe secrettement luy a mandé et donné povoir que si, à faulte de ce, veoyt ne povoir obtenyr ladicte paix, veullent plus tost qu'il passe oullre et accorde le tout, désirant grandement universellement tous, mais encores singuUiérement les dévotz et affectionnez à V. M., vostre faveur et crédict leur povoir tant ayder et valloir qu'ils poussent obtenyr lesdictes places, à eulx tant commodes et proffltables que bonnement sans icelles ne se sçauroyent presque de rien valloir de la conté de Jarra, et au contraire sont de tant peu d'importance audict Grant Seigneur qu'ilz ne luy sçauroyent presque de rien servyr. El oultre ladicte commodité et proffict qu'ilz en recepvroyent, auroyent à grant honneur, pour avoir occasion de faire apparoir qu'ilz les avoyent eues en récompence de Napoly de Romanye et Malvaisye, comme s'ilz se fussent voullu accommoder desdictes places en contreschange les ungs les aiiltres. Et n'eust esté l'espérance qu'ilz ont mise que par vostre faveur et crédict k l'aventure le Grant Seigneur ne les vouldra contraindre à passer ce poinct, et estant pryé par le seigneur Rincon de vostre part, la plus grant partye d'eulx ne se fussent si facillement submys à ce qu'ilz ont faict. Mais, ayant entendu certainement que ledict seigneur Rincon a obtenu dudict Grant Seigneur tout ce qu'il a voullu, voyre quasi plus que l'on n'eust sceu demander, au non de V. M., touchant la dépesche de M. de Vaulx, et par ce congneu vostre crédict et auctorité estre plus grant envers icelluy Grant Seigneur que jamais, se sont totallement confiez du bon voulloyr et affection que V. M. leur a tousjours donné à congnoistre par bons effectz, se asseurant bien que encores à cestuy leur grant besoing et nécessité ne fauldra à les ayder et supporter de tout son povoir. Et ainsi. Sire, que j'ay esté adverty, ont faict plusieurs discours en plein pregay sur ladicte dépesche obtenue. par ledict seigneur Rincon, ne sçachant certainement sur quoy elle estoyt faicte. Dont enfin sont demeurez en ceste oppinion et fanlaisye que c'est une nouvelle intelligence que y. M. a faicte avecques ledict Grant Seigneur à ce qu'il face descendre à ce printemps une bien bonne et grosse armée en la Fouille, ou bien

[septembre 1540] GUILLAUME PELLICIER 83

que le Grant Seigneur ne leur accorde jamais la paix que premièrement ne se déclairent amys de V. M., s*esmerveillant toutesfoiz les aulcuns d'entre eulx qui estiment V. M. sçavoir bien comme cez Seigneurs sont esté et seroyent bien encores deslibérez de se déclairer neutres; et que néantmoins ne de Gonstantinople ne d'aultre part ilz n*ont jamais entendu qu'il en ayt jamais esté parlé par voz ministres, ne qu'ilz en ayent esté recherchez de par vous. Dont ilz présument que Y. M. tend à plus haut party, c'est qu'ilz se déclairent et facent tout oultre une bonne ligue avecques V. liA., et delhdssent totallement celle qu'ilz ont avecques Tempereur; chose que tous les gens de bien de ceste république et qui ayment Thonneur et augmentation d'icelle désirent et attendent k grant dévocion. Dont aulcuns des plus grans estans de ceste voUenté ont advisé de faire escripre une bien bonne lettre audict seigneur ambassadeur Badouare, par ung homme qui a aussi bon crédict envers luy que nul aultre, tendant affin que si le Grant Seigneur luy vient à mettre avant qu'il n'entend conclure la paix totalle que cez Seigneurs ne facent premièrement la ligue avecques Y. M. ainsi que dessus, qu'il ne vueille faillyr à tenyr la main et entendre. Et pour à cemieulx l'induyre, luy ont remonstré qiie aultrement il se povoyt tenyr pour tout asseuré qu'il y a aulcuns de cez Seigneurs tenant encores de leurs maulvaises humeurs du temps passé, prenans ceste occasion de se plaindre de luy pour avoir accordé lesdictes deux places, qui pour ce sont si indignez contre luy qu'ilz sont pour luy faire ung maulvais tour en le charchant de son honneur, voyre encores jusques à sa personne, si ladicte ligue impérialle n'est débouttée, par laquelle ilz se rendent si haultains et terribles. Mais au contraire s'ilz se voyent abaissez de leur crédict, ce qu'ilz seront si une foys ladicte ligue est abattue, ilz ne oseront rien dire ne entreprendre contre luy, auquel en oultre celluy qui luy escript propose telz moyens et advantaiges que, quant il ne luy reviendroyt point tel danger, si sont-ilz sufHsans pour l'inviter et attirer à pourchasser Tenfraincte et changement de ladicte ligue. Lesquelz, avant que clorre ladicte lettre, me l'ont faict veoir et en fin laissée pour l'envoyer au seigneur Rincon, affin que luy mesmes la baillast entre les mains dudict seigneur Badouare : ce que ay faict par ledict Janezin en la plus grant asseurance que j'ay peu adviser, qui partit d'icy le premier jour de ce moys ; auquel seigneur Rincon n'ay failly d'escripre bien amplement en conformité de tout ce que dessus.

« Sire, comme ayjà escript plusieurs foyz à V. M. que l'empereur ne cesse journellement faire les plus belles offres et partiz qu'il est possible à cez Seigneurs, encores ainsi qu'ilz ont esté adverliz par leur ambassadeur qui est vers luy, s'est offert de nouveau à eulx, leur usant de termes par lesquelz se démonstroyt mieulx ung vray filz de Saint Marc que retenyr sa majesté impérialle, ainsi que ledict ambassadeur

84 AMBASSADE DE [SEPTEMBRE 1540j

escript, — leur offrant les places que le roy des Romains tient entre le Friol et THistriaS comme les portz de Maran ' et de Triestz ', et pareillement Guricia*, passaiges des Allemaignes, etGradisca*, lieux de terre ferme vers la montaigne; et adjoustant à ce encores que à ung besoing il lesentendroyt parler des places que leur seroyent plus commodes et vouldroyent avoir en la Fouille, moyenant toutesfoys priz raisonnable duquel conviendroyt bien avecques eulx. Sur quoy cez Seigneurs ont faict responce n'avoir point d'argent, se trouvant tant rebattuz de telz propoz qu'ilz ne font presque semblant de oyr plus parler de semblables choses. Et affin de empescher tousjours le plus qu'il peut qu'ilz ne se changent de luy et tournent avecques V. M., a davantaige faict courir ung bruict que le recharchiez de nouveau encores plus que jamais de faire accorder paix avecques luy, luy proposant nouveaulx partyz, auquel 41 enlendoyt de sorte que Ton tenoyt la chose pour faicte et accordée. De quoy son ambassadeur qui est icy n'a failly d'essayer à faire bien son proffict envers cez Seigneurs, leur confirmant tout ce que dessus; et sur ce adjoustant qu'il entendoyt très bien qu'ilz esloyent résoluz de avoir amytié avecques V. M. et faire une ligue avecques icelle, et par ce moyen l'empereur s'attendoyt bien qu'elle seroyt entre tous troysplus seure et confirmée que jamais. Et tout cecy briguent-ilz affin de les tenyr tousjours en craincte et suspens de ne rien changer, leur disant davantaige et asseurant pour tout certain que le mariage d'entre luy et la fille du roy d'Angleterre • estoyt presque conclud et accordé, et qu'il n'y auroyt point de faulte qu'il ne se feist, et que V. M. l'agréoyt et pourchassoyt envers ledict roy à vostre povoyr; et que pareillement vous troys avecques les protestans estiez aprez pour faire quelque bon accord et ligue, qui donne à pencer à beaulcoup de gens pour les secours et commoditez qu'il pourroyt avoyr par ce moyen de ce cousté là, si les choses passent ainsi.

« Sire, cez Seigneurs ont aussi eu lettres de leur ambassadeur prez du roy Ferdinando ', contenant comme l'empereur avoyt mandé audict seigneur roy avoir eu lettres de Noslre Sainct Père luy offrant l'acommoder de tout ce qui luy plairoyt, principallement d'une bonne grosse somme d'argent; mais, par aultres lettres que a escriptes depuys Sadicte Saincteté audict empereur, luy a faict quelques offres ce néantmoings beaulcoup différentes et loing de celles des premières