PELLICIER A LA REINE DE NAVARRE

60. — [Venise]^ 8 octobre 1 540, — « Madame, j'ay receu la lettre qu'il vous a pieu m'escripre, à laquelle si plus tost n'ay faict responce je vous supplye m'avoir pour excusé; car je Tay eue ung peu bien tard, de sorte que ne l'ay peu faire plus tost que par ceste présente dépesche. Par icelle j'ay veu la provision qui a esté donnée à messire Sébastiano, architecte; dont je me sens et tiens aultant attenu et obligé à Yostre Excellence que si ce fust esté à moy-mesmes, estimant que ma sollicitation envers vous luy ayt servi en cest endroict; vous asseurant, Madame, que oultre le bien et libérallité que avez faict à ung personnaige qui le méritte aultant que nul aultre de sa qualité que je congnoisse deçà les montz, vous n'avez pas peu donné de réputacion et commodité aux affaires de S. M. Car, à dire la vérité, il y en avoyt jà qui murmuroyent beaulcoup de ce qu'il y avoyt si longtemps que on luy avoyt promis quelque provision, sans que on meist Teffect à exécution; et en disoyent mesmement quelques ungs de ceulx qui ne sont pas beaulcoup affectionnez à nostre party ce que bon leur sembloyt, mais cecy leur a faict du tout clorre la bouche de telz propoz. Il est tous les jours aprez pour mettre ordre à ses affaires de par deçà; lesquelles mises, qui sera de brief, ainsi qu'il m'a dict, se partyra pour vous aller trouver, comme verrez s'il vous plaist par ce qu'il vous en escript. Au demeurant. Madame, je ne vous sçauroys assez très humblement remercyep du bien qu'il vous plaist me présenter ou vrayement faire par vostredicte lettre. Et ne suys à présenta congnoistre par bons effectz que de vostre bénigne grâce m'avez tousjours supporté et aydé en tous mes affaires, de sorte que je n'ay jamais rien eu en ce monde que je ne le tienne soubz Dieu de vostre bonté, ne encores espère avoir qu'il ne vienne par vostre faveur et libérallité. Dont comme l'ung de voz très humbles et affectionnez serviteurs ne doubteray à vous recorder que il y a environ trois ans que le roy, de sa grâce et propre mouvement, vous tint propoz, afin que j*eusse meilleur moyen et occasion desuyvre la court, de me pourveoyr d'ung office de maistre des requestes ainsi que dès lors il vous pleut me le faire entendre par monseigneur de Narbonne% alors estant nouvellement conseiller de Tholoze. Et de faict depuys, à mon partement pour venyr icy, m'en a faict expédier lettres de la première vaccance, me prefférant à tous aultres. Néantmoings depuys le temps de sa première vouUenté, il en est jà vacqué troys^ sans que par quelque souvenance et propoz que luy ayt esté tenu de moy j'en ave esté pourveu. A ceste cause. Madame, sçachant combien vous avez tousjours mon meilleur bien en bonne recommandacîon et