A la file
[octobre 1542] APPENDICE 691
souvenance de nous et vouUoir tenir la main à ce que nous soions secouruz et de gens et d'argent...
« De Turin, ce seizième jour cVoclobre i 54.2 '. » (Allemagne, Correap., vol. 3, fJ 142 v"; 1/2 p. in-f".)
GUILLAUME DU BELLAY A M. D'aNXEBAULT.
28. — Turin, 20 octobre i 542. — « Monseigneur, j'ay receu vostre lettre du quatorzième de ce mois, avecques Tadition à icelle. Pour à laquelle respondre, encores que vous-mesmescongnoissiez assez Testât des affaires de par deçà, il me semble que si le roy se résoult de seullement garder ses places fortes par deçà, la résolution luy sera peu advantageuse. Car les gens qui seront en sesdictes places seront contrainctz de manger ce qui est dedans, et l'ennemy donnera bon ordre, — desjà il commence, — de ne laisser ne grains ne vins ne fourrages au plat pais; de manière que si le roy par après veult envoyer une armée pour secourir sesdictes places, il ne trouvera de quoy les sustanter. Item, prenant ladicte résolution il fault laisser chacune desdictes villes garnye en la mesme sorte que si on y attendoit le siège : à quoy ne fault guères moindre nombre de gens que celluy que y avons; et adjoustant pour ung moys seuUement la despence de quatre ou cinq mil hommes davantage, l'on pourroit repousser l'ennemy si avant qu'il auroit à craindre de nous ce que nous avons à craindre de luy.
« De vous mander particulièrement ce que nous pourrions faire estans renforcez, je l'ay tant de foys mandé que j'ay honte de tant promectre et ne riens faire; mais je suis asseuré, autant que l'on se peult asseurer des choses futures, que si je me trouvoys le paiement entier du moys qui vient et ce qui nous est deu du passé, avecques cinquante mile francs pour une foys despendre oultre cela, le roy avant la my décembre seroit seigneur d'autant de pais oultre ce qu'il tient par deçà comme à présent il en tient, et vouldroys y obliger mon bien et ma vye ^.
« Une chose. Monseigneur, vous veulx-je bien ramentevoir, c'est qu'avant vostre retour de par deçà vous donnez ordre que y estant vous ne demeurez court, et soiez contrainct de laisser passer des occasions devant voz yeulx, dont vous ayez un regret perpétuel. J'avoys commencé une dépesche au roi avant la réception de voz lectres, laquelle vous verrez, et pour ce je n'y useray de redicte. M. le marchis
1. « Une semblable a esté escripte par ledict seigneur de Langey à M. le mareschal d'Ennebault, dudict lieu de Turin et au même jour. »
2. Langey y perdit vainement son bien et sa vie. Quand il mourut, le 9 janvier de l'année suivante, en se rendant à la cour pour tenter un suprême effort auprès du roi, il était, disent les Mémoires, endetté de trois cent mille livres dépensées au service de l'État.
du Vast a depuis envoyé sommer Beyne ' et Carre *, et est son intencion de tenter toutes choses possibles et impossibles pour recouvrer Chéras. Le passage duquel il nous assiège en se saisissant desdictz lieux et autres alentours. J'ay trouvé moien de faire paier cinq cens hommes qu'avoit M. de Carre, et lui envoyé mectre dedans ledict Carre et avecques luy huict cappitaines, gens de bien, qui n'ont aucune charge, mais sont arrivez naguères de devers le seigneur Jehan Paule ^ et mectront peyne de faire avecques luy service au roy. A Beyne j'ay fait venyr troys enseignes de celles qui estoient audict Chéras, au lieu desquelz je y envoyé cinq cens hommes de pied françoys, estimant que la ville sera plus sûrement gardée y aiant nombre de gens de noslre nation que si tous y estoient estrangers. Et mesmement sçachant que le marchis n'espergne présens ne promesses pour y avoir intelligence, j'ay donné advis à M. de Cental d'ung homme d'estofe de ladicte ville qui par ung de mes espies a esté par plusieurs foys veu parlant secrettement avecques ledict marchis, affin qu'il luy face mectre la main dessus. Il vous plairra, Monseigneur, estre moien que le roi à ce prochain paiement face faire fons pour le paiement desdictz gens de pied françoys et pour autres qui ont esté mis es citadelles de Pinerol et Montcalier. Toute ladicte crève et tout ce que je demanderoye pour satisfaire à ce que dessus seroit que, oultre ce que nous laissastes et oultre la garnison dudict Chéras, on nous entretint pour ung moys ou six sepmenes quatre mil hommes. Je vous supplie, Monseigneur, si la chose vous semble raisonnable, voulloir estre le moien qu'elle soit exécutée.
« Au surplus, Monseigneur, il vous pleut à vostrepartement me bailler compagnon *, et nonobstant qu'ayant desjà si longtemps tenu seul vostre lieu, je sceusse que cela ne pouvoit estre sans donner à plusieurs occasion de penser quelque insuffisance de moy, je n'en feiz toutesfoys autre difficulté que celle que vous veistes, et avecques ledict compagnon que vous me baillaistes me pense estre gouverné en telle sorte que je ne luy auray donné juste cause de malcontentement. J'ay toutesfoys esté adverty qu'il trouve les choses de par deçà mal gouvernées à son gré, et en tient des propos : estans desjà venuz jusques aux oreilles de M. le cardinal de Tournon, il m'a semblé lui en debvoir escripre ce que verrez par le double de ma lectre que je vous envoyé, et au demourant. Monseigneur, vous supplier estre content de faire aller par delà le commis qui a manié les finances pour rendre son compte, afïin que si par la reddition d'icelluy son compte on trouve que j'aye mal ordonné, on en face démonstration pour une autre foys.
