M. de Boulières

[octobre 1542] APPENDICE 693

Je n'ay sceu comprendre la cause du malcontentement dudict compagnon que m'avez baillé, sinon pour ce que ledict commis ne luy faict poinct signer les ordonnances. Et je vouldrois qu'il en eust signé cinquante pour une, et je fusse rellevé de cesle peyne; mais, n'aiant aulcun pouvoir, ses signatures ne serviroient de riens audict commis ne à son maistre en la reddition de son compte...

« De Turin, ce vingtième jour d'octobre 1542. » (Allemagne, Corresp., vol. .3, f" 142 v"; 3 pp. in-f'.)

GUILLAUME DU BELLAY AU ROI

29. — Turin ^22 octobre 1542. — « Sire, vous aurez avecques la présente l'avis des cappitaines et autres de vostre conseil eslans par deçà, suivant ce que avez donné charge au seigneur de Vassey. Et s'il vous plaist promptement envoyer le paiement entier de ce prochain moys avecques les deux parties qui nous sont dues, je veux. Sire, que me chastiez si, avant que vostre renfort arrive, je ne luy fais faire le chemin large. Au surplus. Sire, pour ne vous enuyer à vous rendre compte particulièrement de tous les propos que vous avez tenuz audict seigneur de Vassey, j'escriptz à M. le cardinal mon frère ' pour vous en rendre compte à voz opportunitez.

« Sire, le marchis du Vast a envoyé le seigneur Piche Colonne - avec deux mil hommes pour se saisir de Carre et Beynes; tant y a que es dictz lieux j'ay envoyé gens et que ledict marchis, pour cause des grosses eaues, ne luy scauroit envoyer de renfort. A ceste cause, M. de Bottières partira demain avec cent hommes d'armes et deux cens chevaulx-leigers, jusques au nombre de troys mil hommes de pied, pour essayer de le rencontrer. Il me desplaist que je n'y puis estre, mais cependant je mectray peyne de me renforcer pour en après vous faire meilleur service...

« De Turin, ce vingt-deuxièsme jour d'octobre 1 542. » (Allemagne, Corresp., vol. 3, f" 144; 1 p. in-f^.)

GUILLAUME DU BELLAY A M. D'aNNEBAULT.

30. — Turin, 22 octobre 1 542. — « Monseigneur, hersoir arriva M, de Vassey, avecques lequel en passant à Pinerol sont venus MM. de Bottières et de Molans; et aujourdhuy avons devisé de ce qui nous a semblé estre à propos pour le service du roy, comme vous verrez par l'advis que luy envoyons. Quant à ce que m'escripvez, que je vous