Domenico Arriano di Ferrara

564 AMBASSADE DE [mARS 1342]

aller communicquer à coz Seigneurs et Icui' faire très bien entendre le contenu quant à Marran, et le plus eficacement que je peux l'amour et alTection que V. M. a tousjours portée et porte à leur estât. Chose, Sire, qui sembla à voz meilleurs serviteurs qui sont icy venir le mieulx à propox du monde, car jà ainsy qu'on povoyt congnoystre estoyent entrez en quelque combustion et trouble, ayant esté advertiz par aucuns malings que ceulx dudict Marran avoyent mandé vers Morat Vayvoda, voyre jusques au Grand Seigneur, pour luy bailler ladicte ville; ce que n'euz peine de rabatre et faire très bien entendre le contraire, les asseurant de vostre part, en tant que V. M. avoyt puyssance sur ceulx qui estoyent dedans, qu'il n'en seroyt jamais disposé sinon tout ainsi qu'ilz congnoystroyent estre à leur plus grand advantaige. Et plusieurs aultres propoz leur dictz, que ne m'estendray à vous référer aultrement; mais bien vous diray qu'ilz feirent démonstration en estre merveilleusement satisfaictz. Despuys M. Deschenetz manda icy vers eulx le capitaine Pamphille pour leur faire entendre en premier lieu l'affection que ledict seigneur Deschenetz et tous ceulx qui sont dedans avoyent de faire en tous endroitz choses qui leur feussent agréables, les priant voulloyr les accepter pour bons voysins et amys; et au surplus faire restituer une barque avec quelque numbre de hacquebutes*, faulconneaux, esmerillons^ allecretz et aultres telles choses que leurs officiers avoyent retenu aux chasteaulx de ceste ville; et pareillement délivrer les barquiers'qui estoyent dessus, qu'ilz avoyent détenuz prisonniers. Sur quoy ayant faict pregay, a esté résolut et conclud que lesdictes choses estans de contrebande et tirées de ceste ville contre l'ordonnance faicte sur ce, seroyent confisquées. Et ainsi ont faict responce et renvoyé ledict capitaine Pamphille, chose que, comme puys entendre, est prouvenue d'aultant que l'on ne se ose déclairer par V. M. ne démonstrer en cest affaire, et que l'ambassadeur de l'empereur, au nom de son maistre, y a faict aultant son pouvoyr à faire déclairer ladicte confiscation que si ce fust esté pour le recouvrement total de Marran. Et semble bien que, à faulte de ce que dict est, ladicte chose ayt esté faicte; car en ce que j'ay démonstré défendre et patrociner ledict affaire touchant la barque qui avoyt par nous esté achaptée dès le commancement, et les barquerolz loués par moys, depuys baillez à ceulz de Marran, ne debvoyent estre comprins soubz ladicte bande ; car aultrement la coulpe proviendroyt de moy, pour avoyr respondu ausdictz barquiers de tous dommaiges et intérestz que leur pourroyt advenir. Cez Seigneurs ont eu tel esgard, et montré tant d'eficace, qu'ilz n'ont failly à nous faire rendre ladicte barque et bar-