Sorte d'arquebuse 1res pesante

•2. Émerillons, sorte de canons qui avaient trente-sept calibres de longueur, mais ne liraient que dix onces de fer, ou quinze de plomb. 3. Bateliers.

[mars 1542J GUILLAUME PELLICIER o6d

querolz, et croys bien, ainsi que on me donne espérance, que ilz ne fauldront secreltement à rendre le tout avecques le temps.

« Sire, estant retorné Messire Jehan Francesco Guignier', mandé puys naguères par monseigneur le duc d'Urbin vers V. M., m'est venu trouver; lequel, après m'avoyr racompté les propoz qu'il vous a tenuz, m'a asseuré de la part dudict seigneur duc que vous estiez jà patron del siio anhno, et que avec le temps seriez de la personne; ainsi que, advienne l'occasion et lieu, on congnoystroyt par efect. Bien estoyt vray que à présent, estant obligé et lyé encores au service de cez Seigneurs jusques au moys d'octobre prochainement venant, ne pourroyt personnellement ne apertement en faire démonstration, me offrant toutesfoys cependant, si j'avoys affaire de gens ou aullres choses qu'il peult pour vostre service, que en l'en adverlissant ne fauldroyt à se y employer de très bon cueur. Et que jà il avoyt donné charge à son ambassadeur qui est yci d'adviser les meilleurs moyens qui luy seroyt possible pour se retirer avec doulceur et bonne grâce de ces Seigneurs, ainsi qu'il me dist V. M. le trouver bon et luy avoyr conseillé. Ce néantmoings ne suys d'advis passer oultre sans vous dire là dessus que ledict ambassadeur, ces jours passez, a esté par plusieurs foys devers cez Seigneurs pour tascher par parolles couvertes venens de loing qu'ilz entendissent que là et quant ilz ne feroyent son maistre leur général, qu'il prcndroyt vostre party, lequel luy estoyt non moings advantaigeulx et honorable que ledict estât de général. Je ne sçay si à présent il désistera de le poursuyvre plus, me disant davantaige ledict Guignier que son maistre voulloyt donner charge au seigneur Jehan Francesco Valleryo, abbé de Sainct-Pierre le Vif, s'en allant devers vous, vous faire entendre mieulx sa volunté et conclure sur ledict affaire. Lequel seigneur Valleryo, m'estant venu veoyr, entre auUres propoz que nous eusmes ensemble, parlant de la comodité des services que V. M. pourroyt recepvoyr dudict seigneur duc, et réciproquement du bien et commodité que icelluy seigneur pourroyt avoyr, estant à vostre service, me dist que luy sembloyt que si ledict seigneur duc estoyt général de cez Seigneurs comme estoyt son feu père, que en cest endroict vous en pourroyt faire beaucoup plus que ne feroyt avec vous. Je ne sçay par quel esperyt il me disoyt cela; si est-ce que je luy feiz confesser qu'il y avoyt telle difficulté audict duc de parvenir général que n'estoyt presque chose despérée, estant mesmement cez Seigneurs avertiz par leur recteur - de Véronne que les seigneurs Camillo et Vallerio Vosins, conductiers de ces Seigneurs', estoyent venuz vers luy, luy disant que ledict seigneur duc d'Urbin estoyt telle personne et prince qu'ilz ne le debvoyent laisser perdre pour chose du monde, et

i. Ghinieri?