Les fêles de Pâques
'mars 1542] GUILLAUME PELLICÏER 371
Grand Seigneur, qu'elle voullust estre en ligue avec V. M. contre l'empereur, et plusieurs aultres choses fâcheuses en matière d'argent ; et que ledict Badouare print congé dudict Grand Seigneur le cincquiesme dudict moys pour s'en venir : lequel fust vestu à l'acoustumée, et luy fut concédé moult gracieusement plusieurs grâces, et mesmement de prisonniers. Mais despuys les bassatz lui feirent difficulté et luy déclarèrent qu'on n'entendoyt qu'il fust licencié jusques ad ce que Barberousse avoyt esté moult accaressé du Grand Seigneur, auquel ledict Badouare avoyt donné deux robes d'or et aultres de soye. Escripvant aussi que nonostant que ledict Grand Seigneur allast souvant à la chasse, ce néanlmoings ne laissoyt-il de faire grande provision tant par nier que par terre, s'estans péries vingt-cinq gallères à l'entrée de l'estroict ' : qui est beaucoup plus qu'on n'avoyt entendu par les aultres lettres, comme vous ay escript, car l'on entendoyt qu'il ne s'en estoyent perdues que quatre. Escript aussi que icelluy Grand Seigneur avoyt donné congé à l'ambassadeur du roy de Portugal, qui avoyt esté vestu à l'acoustumée et s'en retournoyt fort cuntant. Pareillement aussy a esté licentié l'ambassadeur du roy des Romains, avecques telle résolution que, ayant son maistre requis icelluy Grand Seigneur de faire paix avecques luy, qu'il la concédoyt, pourvu qu'il rendist audict Grand Seigneur toutes les terres et chasteaulx qu'il tenoyt au royaulme de Hongrye; autrement que au bon temps l'attendist avec son exercite. Et ainsi s'en est party sans autre résolution : qui est, Sire, tout ce que j'ay peu entendre jusques à ceste heure de ce cousté là; je verray si j'en pourray rien sçavoyr dadvantaige qui soyt digne de vous estre escript.
« Sire, ces Seigneurs ayant aussi eu lettres de Romme, du xviir de ce moys, ancores que de ce cousté là V. M. puisse bien estre advertye des nouvelles et occurances qui y surviennent, ce néantmoings m'a semblé ne debvoyr laisser à vous les escripre. Ainsi que les ay peu entendre, c'est que le pape avoyt sceu par voye de Ancône que Jannus Bey n'esloyt pas fort loing de ceste ville; lequel estoyt mandé par le Grand Seigneur à vostre instance pour astraindre ces Seigneurs de se voulloyr unir avec V. M. contre l'empereur, mais que les prioyt et supplioyt de ne voulloyr jamais ce faire, d'auUant que ce seroyt la tottalle ruyne de la chrestienté. Et que ce seroyt encores prins les armes contre Sa Saincteté, pour estre pasteur et principal conservateur de nostre mère saincte Église , les exortant de se voulloyr faire neutralz ; car ce seroyt la confusion de tous, et qu'il veoyoyt une très grosse guerre entre Y. M. et l'empereur. Et que V. M. luy avoyt faict entendre et asseurer que n'aviez jamais vouUu molester l'empereur durant son entreprise d'Algier, ains aviez temporisé jusques à présent,
