De l'italien rocca, forteresse, citadelle, château

Venise. — 1540-1542. 38

pourra et en faire escripre audict seigneur légat, vous priant nous adverlir de ce que en aurez faict et obtenu...

« De Venizc, ce xxii" jour (Tapvril 1542. »

Vol. 2, f" 323 V", copie du xvi" siècle; 1 p. in-f°.

l'ELLIClEll AU ROI * .

390. — [Venise], 26 avril J 542. — « Sire, suivant les dernières lettres que nous vous avons escriptes, que estions après pour régler et resduyre les choses de Marran selon Tordre et commandement qu'il vous a pieu nous en faire, tous voz ministres et serviteurs qui sont icy, et mesmement le seigneur Pietro Strossi, ont esté d'advis debvoyr mander appeller M. Deschenestz pour luy communicquer vostre lettre; lequel incontinant n'a failly de venir, et après la luy avoyr faict entendre, nous sommes tous ensemble résolus et arrestez d'envoyer quérir le seigneur capitaine Turquete, présent porteur, par ledict seigneur Deschenestz, ne trouvant pas bon que luy et le seigneur Beltramie Sachia feussent tous deux ensemble dedans, non qu'ilz ne soyent voz bien humbles et affectionnez serviteurs, mais pour aultant que à l'aventure leurs gens mesmes se feussent peu bander les ungs contre les aultres, et par ce moyen mettre en grand péril et dangier ladicte place. Par quoy ledict seigneur Deschenès s'est party d'icy pour l'aller faire venir en ceste ville : ce qu'il a faict, l'ayant trouvé fort prompt et délibéré de faire tout ce que luy a esté ordonné pour vostre service, comme de ma part aussi ay-je faict en toutes aultres choses. Et pour ce, Sire, qu'il désire vous aller faire entendre de bouche la servitude qu'il vous porte, ancores que par l'effect l'ayt très bien donné à congnoystre, nous a semblé le debvoyr accompaigner de la présente, non que vostre singullière et naturelle bonté ayt bezoing d'aucunes recommandations de ses bons et affectionnez serviteurs desquelz vous asseurons estre du numbre, mais pour vous advertir, luy faisant démonstration de vostre très grande libéralité et générosité, pour estre celluy lequel l'on recongnoyst. La prinse, garde et conservation de ladicte place donneroyt exemple à beaucoup d'aultres personnaiges de s'employer à vostre service du meilleur couraige et affection, et surtout luy donnant moyen et estât de se pouvoyr entretenir à l'advenir, ainsi que V. M. congnoystra trop mieulx sa suffisance le mériter, laquelle est trouvée tant bonne de tous ceulx qui la congnoyssent, qu'ilz ousent bien asseurer qu'en l'employant et luy donnant bonne charge, qu'il la sçaura aussi bien mettre à exécution que nui aultre que l'on congnoysse de ce cousté, vous supplyant le voulloyr faire dépescher le plus toust qu'il sera possible, afin qu'il se puisse