Poids

III sol/- iiii deniers le poix, lequel prendroyt si nous voullions fornir argent pour servir au bezoing; et que c'estoyt une marchandise qui en se gardant ne se pourroyt gastcr, laquelle on ne recouvroyt pas tousjours à son aise quand Ton en avoyt à faire; par quoy avons esté d'advis le retenir et luy envoyer argent pour le payer avec icelluy que est allé pour faire le payement dcsdictz cincquante hommes, ayant charge de nous de le veoyr luy-mesmes pezer et le mettre en lieu qu'on le puisse trouver au bezoing, tant celluy que ledict seigneur comte disoyt avoyr payé que celluy qui estoyt à payer. »

Vol. 2, f" 319, copie du xvi'^ siècle; 7 pp. in-f°.

PELLICIER A l'amiral CHABOT ET A M. d'ANNEBAULT.

385. — [ Valise], i 0 avril 1 542. — « Monseigneur, vovis verrez par la lettre que nous escripvons présentement au roy, le seigneur capitaine Polyn et moy, toutes les nouvelles et occurrances qui sont survenues icy despuys le iii*^ jour de ce moys que nous feismes entendre tout ce que avions lors. Dont ne vous feray autrement répéticion. Et davantaige ne vous puys dire grand chose pour ceste heure, sinon que, incontinant après ces festes, verrons de solliciter ces Seigneurs de nous faire responce sur ce que ledict seigneur Polyn leur a propozé de la part de S. M.; mais ce ne sera jusques ad ce que Janus Bey leur ayt aussi faict entendre sa charge et commission, que ne faillons chacun jour couvertement et secrètement à soliciter et exorter de la leur exposer le plus eficacement qu'il luy sera possible, de sorte que jusques à présent le trouvons en bonne disposition de faire bien son debvoyr. Dieu luy veille si bien ouvrir les esprilz qu'il puysse impétrer ce qu'il demande! Je ne fauldray incontinant vous faire entendre ce que en sera, tant de la responce qui luy sera faicte que audict capitaine Polyn et à moy. Et cependant vous diray que les Impériaulx font grand bruyct de se vouUoyr mouvoyr; et jà, comme j'ay esté adverty par lettres, est party de Crémonne quatre mil hommes avecques quatre canons, lesquelz s'en vont à la volte de Cazal Major ' et de là à Bozolo *, faire l'assemblée où doibvent trouver quatre cens chevaulx. L'on ne sçayt ancores quel chemin puys après ilz vouldront prendre, mais l'on estime que c'est pour aller à la Mirandola ou à Marran. Dont le seigneur comte de ladicte Mirandola nous a mandé icy le seigneur Hipolito de Gonzagues pour nous demander secours de troys cens hommes de pied et de munitions; par quoy, suivant vostre lettre qu'il m'a envoyé que S. M. luy escripvoyt, contenant en somme qu'il eust à

1. Casal-Maggiore, place de Loml^ardie à 35 kilom. de Crémone, sur la rive gauche du Pô.

2. Bozzolo, place de Lombardie à 25 kilom. de Mantoue, près de la rive droite de l'Oglio.

[avril 1542] GUILLAUME PELLICIER 591

s'adroysser à moy, que je le forniroys de tout ce qu'il auroyt bezoing, les serviteurs du roy qui sont icy ont esté d'advis que luy envoyasse la paye de cent hommes pour ce coup seuUement, et argent pour se rem- Lorser de quelque salpestre qu'il disoyt avoyr achapté, et pour en achapter d'aultres, ainsy que verrez par ladicte lettre du roy. Dont je vous supplye, Monseigneur, me faire entendre si, sans en avoyr commandement du roy, nous nous serions poinct ung peu trop advancez : ce que n'eusse faict sans la grande instance que m'en a faict ledict seigneur comte, et me faire advertir s'il a^ous plaist comme j'auray doresenavant à moy gouverner. Quant à Marran, nous sommes après pour parachever de mettre à exécution le commandement qu'il a pieu à S. M. nous en faire et le parfornir de ce peu qu'il reste pour l'asseurer, quant il seroyt assiégé, de pouvoyr tenyr assez longtemps contre ung groz excercite, et jà est forny de grains pour vu ou viii bons moys... »

Vol. 2, i° 322, copie du xvi^ siècle ; 1 p. 1/4 in-f".

PELLICIER AU ROI*.

386. — [Venise], 19 avril 1 542. — « Sire, par M. de Telligny présent porteur ay receu la lettre de créance qu'il vous a pieu m'escripre, suyvant laquelle n'avons failly de donner tel ordre aux choses de Marran que les affaires le requéroyent, ainsi que V. M. pourra avoyr entendu par ce que nous vous en avons escript, le seigneur capitaine Polyn et moy. Quant à voz autres affaires de par deçà qu'il m"a communicquées de vostre part, je ne fauldray de m'y employer ainsi que suys tenu et obligé faire pour vostre service... »

Vol. 2, f° 323, copie du xvF siècle; 1/3 p. in-f°.

PELLICIER A M. DE VANLAY.

387. — [Venise], 19 avril 154.2. — « Monsieur, suyvant ce que par la vostre nous avez mandé, nous avons escript au seigneur comte de la Mirandola pour vous recepvoyr ensemble voz chevaulx légiers, ce que nous estimons qu'il fera. Et pour ce que nous désirons grandement donner ordre aux choses de Marran, nous vous prions de, le plus toust qu'il vous sera possible, vous transporter de par deçà afin de mettre à exécution la résolution [et] ordre qui a esté prinspour les choses dudict lieu, suyvant le commandement que par le roy nous a esté faict. Nous ne vous disons rien davantage, nous remettant à M. Darramon, présent porteur... »

Vol. 2, fo 323, copie du xvi^ siècle ; 1/3 p. in-f^. 1. - Par M. de Théligny. »

S92 AMBASSADE DE [aykIL 1542]

PELLICIER AU ROI».

388. — [Venise], 21 avril 154.2. — « Sire, estant survenu quelque occasion au seigneur Strossi de telle importance qu'il a semblé vous debvoyr faire la présente dépeschc incontinant en toute dilligence, ainsi que V. M. pourra entendre plus amplement, tant par ses lettres que par Thonime auquel ay donné charge vous en discouryr, de bouche, bien au long; et pour n'avoyr le temps de vous pouvoyr escripre autre chose de nostre négotiation principalle, vous dirons seullement que le seigneur Janus Bey, despuys, à la première proposition, a esté devers cez Seigneurs par deux foys. Lequel a faict entendre, ainsi que pouvons estre advertiz, tout ce que pouvoyt panser estre au bien de l'affaire pour lequel est venu icy; semblablement avons faict de nostre part le mieulx qui nous a esté possible, et a esté tant solicité et advancé ledict affaire que nous espérons dedans cincq ou six jours en veoyr le bout, lequel nous prions Dieu pouvoyr estre selon nostre désir : de quoy ne fauldrons, après avoyr eu la résolution, vous en advertir bien amplement. Quant à Marran, nous espérons aussi en ce temps là vous faire entendre comme vostre commandement a esté mis totallement à excécution, et Tordre qu'on y aura tenu, avec l'inventaire des munitions, tant de celles qu'on aura trouvées depuys l'arrivée du capitaine Bellrame que celles qu'y aura mises nouvellement pour la garde et défence d'icelle. »

Yol. 2, f^ 323, copie du xvi^ siècle; 1/3 p. in-f".

PELLICIER A M. DE RODEZ.

389. — Venise^ 22 avril 1 542. — « Monsieur, pour estre mal prouveu de nouvelles certaines pour ceste heure, vous dirons seullement que Janus Bey est aprez ces Seigneurs, attendant responce de ce qu'il leur a proposé jà par trois fois qu'il a esté vers eulx, et nous pareillement; de laquelle nous ne vous pouvons rien mander. Si les nouvelles que l'on a entendues icy à ce matin estoyentvrayes, ilzleur pourroyentbien donner meilleur couraige de faire quelque chose de bon pour nous : c'est que l'amitié d'entre le roy et celluy d'Angleterre estoyt confirmée^ ayant reprins sa feme, la seur de monseigneur le duc de Clèves^, et que les choses d'Allemagne n'alloyent pas si bien pour l'empereur, qu'on avoyt entendu ces jours passés avoyr esté conclud en ses diettes. Nous avons esté advertiz comme le marquis du Guast, ayant faict commandement au seigneur comte Rodolphe de Gonzagues se retirer de Luzare et

1. « Par le capitaine Jehan Baptisto. >> Gian-Battista, courrier. — Peut-être s'agit-il encore ici du capitaine corse San Piero, rencontré plus haut.

2. Anne de Clèves. Cette dernière nouvelle ne fut point confirmée.

[avril 1342] GUILLAUME PELLICIER 593

aultres lieux de la jiirisdiction de l'empereur, estoyt allé à Pouillio à luy appartenent, soubz celle de TÉglise; et pour ce qu'il entendoyt que ledict marquis avoyt faict quelque amas de gens pour non seullement damnifier et ruyner ces places, mais encores pour se prendre à sa personne mesmes, s'il le pouvoyt attraper, avoyt advisé, pour sa plus grande seureté, faire venir quelque nombre de gens audict Pouillio pour le garder et défendre et faire fortiffier ladicte place. Quoy entendant, monseigneur le légat de Parme * luy a faict commandement qu'il eust à faire cesser ladicte fortiffîcation et retirer lesdictes gens qu'il y avoyt assemblez : à quoy voullant estre obéissant, ancores qu'il eust peu attendre et tenir quelques jours, n'a vouUu contredire; et luymesmes, ne saichant où s'adroysser pour estre le mieulx venu, s'est allé rendre au seigneur comte de la Mirandola comme son amy et parent. Et non content de ce, ledict seigneur légat avoyt mandé cent cincquante hommes de pied et soixante chevaulx légiers audict PouUio, qui en avoyent prins la possession au non du pape, et levé le chastellain de la roche - et mis ung autre. Et, ad ce que Ton pouvoyt entendre. Sa Saincteté faisoyt préparer deux mil guastadory de la jurisdiction de Parme pour aller ruiner et démollir du tout ladicte place. Et pour ce, Monsieur, qu'il a eues toutes ces persécutions pour s'eslre faict [amy] avec les serviteurs du roy et avoyr communicqué avec eulx, de quoy nous a semblé vous debvoyr avertir afin d'en faire telles remonstrations à Sa Saincteté que sçavez très bien adviser, et mesmement que cecy pourra donner à congnoystre à ung chascun le contraire de ce que vous et aultres ministres du roy ont faict entendre à S. M. et à tout le monde que Sa Saincteté est neutralle et seroyt à ung bezoing pour incliner à la partye du roy aussi toust que celle de l'empereur, attendu que l'on dict que ce faict directement, pour aultant que ledict seigneur de Gonzague s'est voullu démonstrer plus incliné à la dévotion du roy que à celle de l'empereur, n'ayant ce néantmoings pour cela faict aulcune chose au préjudice de Sa Saincteté. Et que, s'il estoyt ainsi déchassé et sa place démolye, cela seroyt diminuer grandement la réputation du roy, et luy pourroyt tourner à non petit préjudice, y prenant exemple plusieurs autres personnaiges que auroyent voulloyr de faire service, ainsi que sçavez très bien, à vostre cause. Vous verrez d'en avoyr le plus toust résolution de Nostre Sainct Père que faire se

1. Uberto Gambara, fils de Gian-Francesco Gambara, comle de Pratalbino, né à Brescia, mort à Rome, le 14 février 1549.

Envoyé successivement comme nonce en Portugal par Léon X et en Angleterre par Clément VII (1527), il reçut de ce pontife, en récompense de ses services, l'évêché de Tortone (1528-154S1 et la légation de Bologne. Créé cardinal en 1539 par Paul III, il eut la légation de Parme et de Plaisance et y favorisa les ambitions des Farnese.