Astucieux, rusé

[mai 1542] GUILLAUME PELLICIER 611

Toust * qui avoyt esté accueilly là dedans par M. Deschenetz comme personne de compte. Lequel a esté faict prisonnier ces jours icy pour aucunes subsons et présumplions qu'on avoyt contre luy. L'on est après à faire son procès et en tirer la vérité afin que, selon qu'il en sera trouvé, soyt faict justice. Chose, Sire, qui fait croyre vostre advertissement estre tout vray touchant les neuf mille escutz qu'on debvoyt fornir pour ravoyr ledict Marran; car voz meilleurs serviteurs qui sont icy sont de cest advis que ceste armée par mer et le camp par terre venoyent tout en ung coup pour l'assiéger et assaillir, s'asseurant bien de quelques intelligences de leur donner une porte ou aultre moyen de secours de là dedans. Mais moyennant l'aide Dieu l'on y a très bien prouveu jusques icy, et pour l'advenir l'on ne fauldra de s'en prendre bien garde ainsi que en mon advis le seigneur Pietro Strossi vous escripra plus au long; lequel s'en doibt partir ce jourd'huy pour y aller prendre possession en vostre nom et y mettre ordre tant aux provisions que toutes aultres choses, comme serez cy après bien amplement adverty.

« Sire, je vous ay pareillement faict entendre tout le succez de ce qui estoyt entrevenu au seigneur Rodolphe de Gonzaigues et comme nous avons escript en sa faveur à monseigneur le cardinal de Gabaro, légat de Parme, et aussy à M. de Rodez, pour le faire sçavoyr à Nostre Sainct Père, lequel m'ayant adverty vous avoyr escript bien amplement de ceste affaire, ne m'estandray pour n'attédier V. M. à luy en faire plus long propoz. Tant seullement vous diray que j'ay veu lettres de Romme, contenant que pour avoyr vollu donner audict légat suspicion et présumer que le seigneur Rodolphe de Gonzaigues s'est voullu essayer de prendre Parme avec si petit numbre de gens, n'en avoyt pas esté plus estimé, ains se faisoyt mocquer pour estre se frivolles telz subsons; mais à ung homme si impéral comme j'entendz qu'il est, toutes occasions et causes sont pour estre assez sufisantes. Or tant y a que ledict seigneur de Gonzaigues, ainsi qu'il m'a escript, est toujours tant affectionné à vostre service qu'il ne crainct perdre tout ce qu'il a en ce monde, moyennant qu'il soyt recongneu du numbre de voz serviteurs. Et pareillement y a le seigneur comte de Saincte-Seconde qui m'a faict entendre vous debvoyr advertir commant les Impériaulx font très grande instance au pape, qu'ilz veullent prendre la fortresse et chasteau dudict Saincte-Seconde avecques tout son estât, remonstrant à Sa Saincteté que, advenant la guerre, il lui pourroyt rendre et porter grand dommaige, de sorte que Sadicte Saincteté alloyt chairchant tous les indices qu'il pouvoyt pour avoyr légitime occasion de pouvoyr faire comparoyr à Rome ledict seigneur de Saincte-Seconde, et trouver cause de luy lever et ouster ladicte place. Sur quoy ledict seigneur

1. Tauss, en latin Tusla, ville de Bohême, à ol kilom. de Klaltau, sur la Rubrina.

G12 AMBASSADE DE [mAI 1542]

comte alloyt temporisant le mieulx qu'il pouvoyt, pour non estre ancores résolu avec V. M.; lequel, ainsi qu'il m'a faict entendre, ne se soulcieroyt poinct de toutes ces choses quand il seroyt expédié et arresté au service de V. M., désirant tousjours mettre sa vie et ses biens pour icelle, toutesfoyset quantes qu'il seradespesché et congneu pour vostre serviteur. Dont m'a semblé vous debvoyr advertir ensemble comme le seigneur Loys de Gonzaguesne cesse de nous solliciter vous faire entendre le désir qu'il a de vous faire service, pareillement ceulx qui menoyent l'afTaire du seigneur Paolo de Lanzagues. Desquelz, pour vous avoyr escript amplement par nostre dernière despesche, ne vous feray pour le présent plus long propoz; mais vous diray comment M. le comte de la Mirandola ayant mandé icy le seigneur Ypolito de Gonzagues et ung de ses secrétaires, il y a comme quatre ou cinq jours, pour aucuns ses affaires, nous ont monstre une lettre de V. M. escripte à Tonnerre le xx« apvril, l'advertissant d'aucuns entreprinses que quelques personnaiges nommez en icelle machinoyent de faire tant contre sa personne que pour prendre ladicte place, desquels il eust à se donner garde. Et que V. M, pençoyt que je ne fauldroys à luy aider d'argent que pour ce luy seroyt nécessaire; pour quoy lesdicts de Gonzaigues et secrétaire nous requéroyent de fornir le payement de trois cens hommes de pied comprins les cent qu'il avoyt jà, desquelz vousay escript. Mais voz meilleurs serviteurs qui sont icy ont esté d'advis qu'il sulfiroyt pour ceste heure d'en avoir cent, jusques ad ce qu'il en eusse aultre commandement de V. M.; le payement desquelz l'on verroyt de faire tenir à Ferrare par le seigneur Strozzi ou aultre ainsi qu'ilz avoyent requis, et que seroyt mandé à la Mirandola le contrerolleur qui estoyt venu pour faire les chevaulx légiers du quartier passé, pour faire celluy qui escherroyt à la fin de ce moys de l'argent qu'il avoyt à fornir pour ledict quartier passé, sur lequel avons desjà faict comme nous vous avons escript. Et quant estoyt de prendre du salmestre ' davantaige, ne pouvions luy en donner aucune résolution jusques ad ce que en eussions commandement de V. M., lequel espérions avoyr de brief, et cependant nous sembloyt qu'il feroyt bien d'entretenir le marchant. Et quant au remborcemenl qu'il demandoyt de deux centz escutz qu'il avoyt advancez ces jours passez au payement de deux cens hommes de pied, verrions de les luy faire rendre afin de le contanter le mieulx que je pourray, en attendant plus expresse charge et commandement de V, M. comme j'auray doresenavant à me gouverner, ce que je la supplye me faire sçavoyr le plus toust qu'il sera possible.

« Sire, le seigneur Jehan Anthonio Vesnier, esleu ambassadeur de ces Seigneurs vers V. M., s'est party ce jourd'huy pour vous aller