Le daupiiin Henri

sçavoir des nouvelles, fut par le roy des Romains interrogé s'il estoit à moy. A quoy il dict qu'il estoit chevalier de Rhodes, mais bien se réputoit mon serviteur et tenu. Et lors ledicl roy des Romains luy dict que, pour occasion de beaucoup de menées qui se faisoient contre ses estatz, le soubzhaicteroit aillieurs plus tost que là, lui conseillant de se retirer et luy offrant bon saufconduict '.

« Dépeschant lequel saufconduict, ung jeune homme qui se faisoit nommer Claude de Poictiers et se faisoit cousin germain de M. de Sainct-Vallier * le pria de le faire mectre en son saufconduict et le desfraier jusques à ce qu'il fust en ceste ville, luy promectant d'envoyer incontinantà sa maison quérir argent et non seullementle rembourser, mais luy en aider s'il en avoit besoing : ce que luy accorda et a faict ledict Villegaignon. Lequel, passant à Milan et allant vers le marchis demander ung saufconduict, mena quant et luy ce Claude nommé par son vray nom comme il a confessé Claude Frasse , de Gap. Or est advenu que mardy au soir, venant vers moy le gentilhomme parent du seigneur Ludovic de Birague ^, auquel vous parlastes pour la praticque principale de laquelle il m'apportoit nouvelles, et jà estant au basteau pour passer lorsque survint derrière, courant en poste et criant que l'on arrest le basteau, ledict Claude Frasse qui, pour avoir en venant de Hongrye passé à Véroling avec ledict Villegaignon, fust recongneu par ledict gentilhomme et receu au basteau. Auquel estant il dict audict gentilhomme luy demandant où il alloyt, qu'il s'en venoit à Turin pour ses affaires; mais quand il fust hors du basteau, picqua droict à Voulpian. Dont ledict gentilhomme me vint advertir incontinent, et sur son advis j'envoyay quérir ledict chevalier de Villegaignon affin qu'il trouvast moien de recouvrer ledict Frasse; ce qu'il a faict, et interrogé ledict Frasse où il avoyl esté depuis quelques jours et dont il venoit. Respondit au commencement qu'il venoit de Savillan; mais, convaincu que pour venir de Savillan à Turin il ne failloit venir

1. Cf. la lultre adressée quelques semaines plus tôt, de Venise, le lo juillet, par Villegagnon, au cardinal du Bellay, et publiée par Bourquelot, dans l'appendice aux Mémoires de Claude Jlaton; Paris, 1857, 2 vol. iu^", t. II, p. 1101.

2. Guillaume de Poitiers, comte d'Albon, seigneur de Saint-Vallier, fut créé lieutenant-général en Dauphiné et en Savoie, par lettres du 9 mai 1547 et mourut peu de temps après.

Il avait en effet un cousin nommé Claude de Poitiers, fils naturel de Guillaume de Poitiers, seigneur de Clérien, marquis de Cotrone en Calabre, conseiller et chambellan de Charles VIII, gouverneur de Paris et de l'Ile-dc-Francc. Ce Claude fut abbé régulier de l'abliaye bénédictine de Montmajour (1506), commendalaire de celle de Saint-Wandrille (lo-22), et mourut le 13 août 1546.

3. Aloysio, Lodovico ou mieux Luigi di Birago, que nous avons déjà rencontré dans la Correspondance de Pellicier (V. p. 351), né à Milan en 1509, mort à Saluées en 1572. Fils de Cesare di Birago et de Francesca doUa Torrc. il entra de bonne heure au service de la France et fut nommé, par lettres du 20 août 1559, gouverneur pour le roi du marquisat de Saluées et lieutenant-général par delà les monts. II avait quatre frères : Giacomo, Antonio qui fut abbé de San Vincenzo de Milan, Girolamo et Carlo. Le célèbre cardinal René de Birague était leur cousin.

678 AMBASSADE DE GUILLAUME PELLICIER [AOUT j 342]

passer lor que au dessoubz de Chevax ', a depuis advoué qu'estant allé avecques ledict Villegaignon quand il alla demander son saufconduit au marchis, et que ledict marchis parlant avecques ledict chevalier, luy depposant s'esloit adressé à deviser avecques Cavei, secrétaire dudict marchis, auquel de longtemps il avoyt congnoissance. Lequel Cavei luy demanda s'il voulloit poinct s'aplicquer à faire service à l'empereur et audict marchis contre ce roi de France allié des Infidelles : ce que luy depposant luy accorda, moiennant que le moien luy fust donné. Sur quoy icelluy Cavei luy dict que l'on y adviseroit et qu'ilz parleroient encores ensemble une autre foys, parce que alors ledict de Villegaignon print congey dudict marchis. Et au lendemain ledict depposant fut envoyé par ledict de Villegaignon quérir le saufconduict qui avoyt esté commandé audict Cavei; lequel Cavei, après plusieurs propos tenuz avecques luy, dict avoir charge de ne délivrer le saufconduict sans que ledict Villegaignon eust de rechef parlé audict seigneur marchis. Et pour ce alla icelluy Villegaignon vers le marchis, qui luy demande son nom et des nouvelles de son voiaige; pendant lequel temps ledict Cavei dict ces motz audict depposant : « 11 vous fault trouver moien d'avoir charge de ces Françoys, et que ung jour vous nous baillez porte ou bastion de quelque ville; et ce faisant vous ne fauldrez eslre grandement récompensé. » A quoy confesse ledict depposant s'estre accordé, mais en intencion de tromper ledict marchis; et que sur ce prenant ledict de Villegaignon congié, Cavei dit alors audict depposant qu'il le feroit parler au marchis, ce qu'il feit ledict jour. Et luy feit ledict marchis de fort grandes caresses, luy demandant s'il estoit pas délibéré faire ce que Cavei luy avoit dict. A quoy luy déposant respondit par ces motz : « Oy, Monsieur, et tout ce que vous vouliez, jusqu'à faire mourir M. le daulphin; car j'ay bien accez à la court et moien de ce faire aisément. » Et le marchis luy dict ces motz : « Il scroyt beaucoup meilleur du roy. » A quoy il respondit qu'il feroit tout ce qu'il pourroit. Et alant luy dict le marchis qu'il prendroit conclusion sur le tout, et dedans huict ou dix jours luy donneroit responce certaine de ce qu'il voulloit qu'il cxécutast; et qu'il l'envoyeroit en ung lieu qu'il ne nomma, ains luy donna congé pour s'en venir à Turin avecques ledict Villegaignon, où il vint. Et en repartit dimenche, prenant son chemin droict à Vulpian, y espérant trouver César de Naples, mais il trouva qu'il estoyt allé à Milan en poste. Et pour ce s'adressa à ung nommé le commissaire qui luy feit bailler chevaulx et argent pour aller après ledict César à Milan : ce qu'il feit, laissant son cheval en garde audict commissaire. Plus a confessé que arrivé qu'il fut à Milan, il alla droict en une église où le marchis estoit à la messe; lequel incontinant l'apperceut et luy faisant signe du doyd

1. Chivasso, importante place du Piimonl, dans la province de Turin.

[août 1342] APPENDICE 679

qu'il s'aprochast, l'envoya à son logis l'attendre. Et venu qu'il y fut, le marchis commanda luy estre donné une chambre en laquelle il fut très bien traicté l'espace d'un jour et demy, et parce que le marchis disoit ne le pouvoir dépescher qu'il n'eust responce d'une leclre qu'il avoit escripte en quelque part; et qu'il feist ce que luy diroit ung qu'il appella, le nommant ou procureur ou cappitaine de justice. Lequel procureur ou cappitaine de justice le feit depuis parler à César de Naples; et luy dict que pour n'avoir occasion de venir souvent à Milan, il se retireroyt vers luy de là en avant mais qu'il fust de retour à Volpian, qui seroit bien tost. Et luy feit bailler argent et chevaulx de poste, puys luy donna congey, luy disant ledict César que, retourné qu'il seroit à Volpian, il luy manderoit de ses nouvelles. Et alors vint luy depposant, alla coucher à Noarre ' et au lendemain se tourna par les postes à Volpian reprendre son cheval qu'il y avoit laissé; sur lequel il vint en ceste ville de Turin, délibéré comme il dict de descouvryr ce qu'on luy avoyt dict et faire quelque bon service au roy. Voilà, Monseigneur, ce que jusques à présent il a confessé sans torture, laquelle à ce matin luy sera baillée pour en sçavoir plus amplement....

« De Turin, ce dix-huicliesme aoust 1 542. ,

« Monseigneur, nous sommes résoluz depuis ceste lectre escripte d'envoyer Péguyneau vers M. le cardinal de Tournon. Il vous plaira luy escripre pour le dépescher et vous souvenir aussi de la monstre de nostre gendarmerye; car s'il advenoit de les retirer es villes, fauldroit qu'ilz eussent argent. »

(Allemagne, Corresp., vol. 3, f" 132; 5 pp. in-f".)

GUILLAUME DU BELLAY AU MÊ.NfE.

15. — Turin, 1 8 août 1 542. — « Monseigneur, depuis mes lectres escriptes j'ay nouvelles de l'amy de Milan que lundy s'embarquèrent quatre mil lansquenetz, que le marchis du Vast a empesché que le reste ne s'embarquast, qu'il est résolu de nous courir sus; que le prince Dorie et autres ont esté d'advis qu'il ne le debvoit faire, veu que l'empereur a tant à despendre aillieurs, sinon qu'il eust comme il dict la prinse de Turin asseurée. Les navires sont prestz pour embarquer aussi quatre mil Italiens que le marchis faict lever sans cappitaine, afin que s'ilz ne sont à temps pour s'embarquer il les puisse distribuer soubz les enseignes qu'il a ordonnées à César de Naples pour l'entreprise de Turin. Lequel estoit allé pour ceste cause à Milan, et est retourné résolu de bientost exécuter son entreprise; et le tentant et y faillant, s'en y va tenter Véroling.

1. Sans doute Bosconero, localité située à 10 kilom. de Volpiano.

680 AMBASSADE DE GUILLAUME PELLICIER [AOUT lb42]

« Voilà, Monseigneur, ce que j'en av. Je n'en escriptz poinct au roy ne d'autre chose que ce que vous verrez par le double que je vous envoyé. Le cappitaine Jehan Loys, albanoys, va vers le roy quant et ce porteur; je pense que le roy ne le dépeschera poinct sans vostre participation...

« De Turin^ce dix-hu'icliesme aouU i 542, au soir. »

(Allemagne, Corresp., vol. 3, f" 134 v"; 1 p. in-f".)

GUILLAUME DU BELLAY AU MÊME

16. — Turin, iO août 1542. — « Monseigneur, nous n'avons autre chose tiré de l'entrepreneur * dont hier vous escripvismes, oultre ce que par ladicte dépesche vous aurez entendu, sinon que dès la première foys que le marchis du Vast luy parla de ceste entreprise, il luy avoit ordonné de se retirer à Vulpian vers le seigneur César de Naples auquel il feroit entendre ce qu'il vouldroit estre par luy exécuté. Qui fut la cause que, partant de ceste ville, il s'en alla droictaudict Vulpian; et n'y trouvant ledict César de Naples, qui estoit allé en poste à Milan pour ceste nrtîsme occasion, il fut parle commissaire tenant le lieu dudict de Naples dépesche pour aller après luy en poste. Item, qu'il avoit esté pryé par adventure trouver moien de destrosser voz pacquetz allans au Turc ou venans de luy à vous, et aujourd'huy luy a esté son dicton * prononcé, duquel vous envoyons ung double ^; lequel a esté mis à exécution en la place de ceste ville, à heure de marché. Auquel marché luy-mesmes de sa bouche, publicquement et entendiblement, a racompté toute l'histoire, à tel honneur et réputation dudict marchis et autres ses adhérans comme vous pouvez assez estimer. Nous envoyerons des doubles dudict dicton à Rome, à Venise, à Ferrare et à Gennes, et le ferons transcrire en alement pour envoyer en ce païs là.

« Ledict seigneur marchis doibt estre arrivé ce soir en Alexandrie pour s'en venir en Ast; et a faict tirer de ladicte ville d'Alexandrie six canons, pour quelle part employer ne sçavons encores. Au surplus, nous avons nouvelles que les lansquenetz qui lundy s'embarquèrent ne partent encores, à cause de la nouvelle que a eue le prince Dorie que l'armée du Turc avoit esté descouverte, et qu'il attendra la venue des gallères d'Espagne...

« De Turin, ce xix'^'^ jour d'aoust 1 542. » (Allemagne, Corresp., vol. 3, f° 135; 1 p. 1/4 in-f».)

i. Aventurier.

2. Son dictum, sa sentence. On sait que l'expression moderne de « verdict » s'est formée des deux mots latins « Vere dictum... », par lesquels débutait la formule juridique signifiant au coupable sa condamnation.