La pièce manque

GUILLAUME DU BELLAY AU ROI

17. — Turin, 25 août 1 542. — « Sire, la présente sera pour vous donner advis comme noz voisins estoienl en délibération de faire ceste nuict prochaine forces entreprises sur nous, entre les autres d'envoyer les gens de Bra * pour prendre avecques esclielles la ville et chasteaulx de Dogliani ^ et de Marsaille ', qui leur donnent gros empeschement à passer et repasser d'unes garnisons à autres. Et ceulx de la garnison d'Albe estoient pareillement en délibération de venir desfaire à Bra la bande du comte de Benevel, et ceulx de Vulpian avecques eschielles aller desfaire deux enseignes de Suisses estans à Veillanne *; et le seigneur Pirge Colonne ^ qui a faict prendre le desseing de Carmaignolle ®, en délibération de se venir jecter en ladicte ville, et là se fortiffier; et le cappitaine Cuchère, avecques cent chevaulxleigers, venir destrousser les marchans qui dévoient passer à venir aux foires de Chevax.

« Desquelles entreprises avons bons et seurs advertissemens. Nous avons, Sire, M. de Bottières et moy, assemblé voz cappitaines et pris résolution d'y pourveoir et préveoir. Et quant à la première entreprise, nous avons envoyé à M. de Cental, esleu de Riez ^ lequel avoyt environ de troys cens hommes de pied, reffort ^ de gens jusques au nombre de mile et deux cens chevaulx leigers que conduisoit M. d'Ossun, aiant laissé les enseignes et guidon du conte de Tende à Savillan. Et ont lesdictz seigneurs exploicté si bien qu'ilz ont emporté d'assault la ville de Chéras avecques eschelles, où a esté combattu une bonne demye heure main à main, et depuis environ d'autant dedans la ville; mais la victoyre est demourée nostre, et le cappitaine pris : ce qui s'est sauvé se sont retirez au chasteau. Lequel à mon advis est de cest heure vostre;